ගීතාවලිය 36:1-12
සංගීත අධ්‍යක්ෂක වෙත. යෙහෝවාගේ සේවකයෙක් වුණ දාවිත් රචනා කරපු ගීතයක්.
36 දුෂ්ටයාගේ හිතේ තියෙන පව්කාර සිතුවිලිවැරදි දේවල් කරන්න ඔහුව පොලඹවයි.දෙවියන් ගැන ඔහුට කිසිම ගරුබියක් නැහැ.+
2 ඔහු තමන් ගැන මහ ඉහළින් හිතන නිසාතමන් වරදක් කරනවා කියලා ඔහුට තේරෙන්නේ නැහැ.ඒ වරද පිළිකුල් කරන්නත් ඔහුට බැහැ.+
3 ඔහුගේ කටින් පිට වෙන්නේ වේදනාකාරී වචන.ඔහු කියන්නෙම අනිත් අයව රවට්ටන දේවල්.හරි දේ මොකක්ද කියලා තේරුම් අරන්ඒ දේ කරන්න ඔහුට හැකියාවක් නැහැ.
4 ඇඳේ ඉද්දීත් ඔහු සැලසුම් කරන්නේතව කෙනෙක්ට හානියක් කරන්නයි.
ඔහු නරක මාර්ගයේ දිගටම ගමන් කරයි.නපුර ප්‍රතික්ෂේප කරන්න ඔහු තුළ කිසි කැමැත්තක් නැහැ.
5 යෙහෝවා දෙවියනි, ඔබ පෙන්වන නොසැලෙන ආදරයස්වර්ගය දක්වාම නැඟ යනවා.+ඔබේ විශ්වාසවන්තකම අහසේ වලාකුළු දක්වාම විහිදී යනවා.
6 ඔබේ ධර්මිෂ්ඨකම අලංකාර කඳු* වගෙයි.+ඔබේ විනිශ්චයන් ගැඹුරු ජලය වගෙයි.+
යෙහෝවා, ඔබ මිනිසුන්වත් සතුන්වත් ආරක්ෂා කරනවා.*+
7 දෙවියනි, ඔබේ නොසැලෙන ආදරය මොන තරම් වටිනවාද!+
මිනිසුන් ඔබේ පියාපත් සෙවණේ රැකවරණය ලබනවා.+
8 ඔබේ ගෘහයේ තියෙන හොඳම දේවලින් ඔවුන් තෘප්තිමත් වෙනවා.+ඔවුන් ඇති වෙන කල් ඒ දේවල් පානය කරනවා.ගංගාවක් වගේ ගලා බසින ඔබේ යහපත්කමින්පානය කරන්න ඔබ ඔවුන්ට අවස්ථාව දෙනවා.+
9 ජීවිතයේ උල්පත ඔබයි.+ඔබෙන් ලැබෙන ආලෝකය නිසාආලෝකය කියන්නේ මොකක්ද කියලා හඳුනගන්න අපිට පුළුවන් වුණා.+
10 ඔබව හඳුනන අයට හැමදාටම ඔබේ නොසැලෙන ආදරය පෙන්වන්න.+හරි දේ කරන අයට දිගටම ඔබේ ධර්මිෂ්ඨකම දකින්න සලස්වන්න.+
11 උඩඟු අයට මාව පාගලා දාන්න ඉඩ දෙන්න එපා.දුෂ්ටයන්ට මාව පන්නලා දාන්න ඉඩ දෙන්න එපා.
12 වැරදි කරන අය වැටිලා ගිහින්.ආයෙත් නැඟිටින්න බැරි වෙන්න ඔවුන්ව බිමටම ඇදලා දාලා.+
