ගීතාවලිය 37:1-40
දාවිත් රචනා කරපු ගීයක්.
א [ආලෙෆ්]
37 දුෂ්ටයන් කරන දේවල් නිසා අධෛර්යය වෙන්න එපා.*වැරදි දේවල් කරන අයට ඊර්ෂ්‍යා කරන්න එපා.+
2 තණකොළ ඉක්මනින් වියළී යනවා වගේ ඔවුන් නැති වෙලා යයි.+නිල් තණකොළ මැලවිලා යනවා වගේ ඔවුනුත් පහ වෙලා යයි.
ב [බේත්]
3 යෙහෝවාව විශ්වාස කරලා හරි දේ කරන්න.+පොළොවේ ජීවත් වෙන කල් විශ්වාසවන්තව වැඩ කරන්න.+
4 යෙහෝවාව ඔබේ ජීවිතේ ලොකුම සතුට කරගන්න.එතකොට ඔහු ඔබේ හිතේ ආශාවන් ඉටු කරලා දෙයි.
ג [ගීමෙල්]
5 ඔබේ ජීවිතය යෙහෝවාට භාර දෙන්න.*+ඔහු මත රඳා ඉන්න. ඔහු ඔබ වෙනුවෙන් අවශ්‍ය පියවර ගනියි.+
6 ඔහු ඔබේ ධර්මිෂ්ඨකම අරුණාලෝකය වගෙත්ඔබේ යුක්තිය මහ දවාලේ බැබළෙන හිරු වගෙත්පැහැදිලිව පෙනෙන්න සලස්වයි.
ד [දාලෙත්]
7 යෙහෝවා පියවර ගන්න කල්නිහඬව* බලාගෙන ඉන්න.+
දුෂ්ටයාගේ සැලසුම් සාර්ථක වෙනවා දැක්කත්ඒ ගැන කේන්ති ගන්න එපා.+
ה [හේ]
8 කේන්තිය ඔබෙන් ඈත් කරන්න.කෝප වෙන එක අත්හරින්න.+කේන්ති අරන් දුෂ්ට දේවල් කරන්න හිතන්න එපා.*
9 මොකද දුෂ්ට අය නැත්තටම නැති වෙලා යනවා.+ඒත් යෙහෝවා දෙවියන් ගැන බලාපොරොත්තු තියන අයපොළොව උරුම කරගන්නවා.+
ו [වාව්]
10 තව ටික කාලෙකින් දුෂ්ටයන් නැති වෙනවා.+ඔබ ඔහුව හෙව්වත් ඔහුව හොයාගන්න බැරි වෙනවා.+
11 ඒත් නිහතමානී අය පොළොව උරුම කරගන්නවා.+හැම තැනම පැතිරිලා තියෙන සාමය නිසා ඔවුන් සතුටින් ඉපිලයනවා.+
ז [ෂායින්]
12 දුෂ්ටයා තරහෙන් දත්මිටි කමින්ධර්මිෂ්ඨයාට විරුද්ධව කුමන්ත්‍රණය කරයි.+
13 ඒත් යෙහෝවා ඔහු දිහා බලලා හිනා වෙනවා.මොකද දුෂ්ටයා විනාශ වෙන දවස එනවා කියලා දෙවියන් දන්නවා.+
ח [හෙත්]
14 අසරණයාව සහ දුප්පතාව තව තවත් පාගලා දාන්නත්අවංකව ජීවත් වෙන අයව මරලා දාන්නත්දුෂ්ටයෝ කඩුව එළියට ඇදලා, දුන්න සූදානම් කරගන්නවා.
15 ඒත් ඔවුන්ගේ කඩු ඔවුන්ගෙම හදවත් පසාරු කරගෙන යයි.+ඔවුන්ගේ දුනු කැඩිලා යයි.
ט [ටේත්]
16 දුෂ්ටයන් හුඟදෙනෙක් ළඟ තියෙන බොහෝ ධන සම්පත්වලට වඩාඑක ධර්මිෂ්ඨයෙක් ළඟ තියෙන ස්වල්පය වටිනවා.+
17 මොකද දුෂ්ටයන්ගේ බලය බිඳලා දානවා.ඒත් ධර්මිෂ්ඨයන්ට යෙහෝවා උදව් කරනවා.
י [යෝද්]
18 නිර්දෝෂ අය අද්දකින දුක් පීඩා ගැන යෙහෝවා හොඳින්ම දන්නවා.ඔවුන්ගේ උරුමය සදහටම පවතිනවා.+
19 විපත්ති කාලේදී ඔවුන් ලැජ්ජාවට පත් වෙන්නේ නැහැ.සාගත කාලේදීත් ඔවුන්ට කිසිම දේකින් අඩුවක් වෙන්නේ නැහැ.
כ [කෆ්]
20 ඒත් දුෂ්ටයෝ විනාශ වෙලා යනවා.+සරුවට වැඩුණ තණබිම් වියළී යනවා වගේයෙහෝවාගේ සතුරන් සැණෙකින් නැති වෙලා යනවා.ඔවුන් දුමක් වගේ අතුරුදහන් වෙලා යනවා.
ל [ලාමෙද්]
21 දුෂ්ටයා ණයට ගත්ත දේත් ගෙවන්නේ නැහැ.ඒත් ධර්මිෂ්ඨයා ත්‍යාගශීලියි.* පුරුද්දක් විදිහට අනිත් අයට දේවල් දෙනවා.+
22 දෙවියන්ගෙන් ආශීර්වාද ලබන අය පොළොව උරුම කරගන්නවා.ඒත් ඔහුගෙන් දඬුවම් ලබන අය* විනාශ වෙලා යනවා.+
מ [මෙම්]
23 කෙනෙක් ජීවත් වෙන විදිහ ගැන යෙහෝවා සතුටු වෙද්දී+ජීවන ගමනේ පියවර තියන විදිහ ගැන දෙවියන් ඔහුට කියලා දෙනවා.*+
24 ඔහුගේ පය පැටලුණත් ඔහු බිමටම වැටෙන්නේ නැහැ.+මොකද යෙහෝවා ඔහුගේ අත අල්ලගෙන ඉන්නවා.+
נ [නුන්]
25 දැන් මං මහලුයි. මගේ තරුණ කාලේ ඉඳන් මේ වෙන කල්කිසිම ධර්මිෂ්ඨ කෙනෙක්ව අත්හැරලා දානවාවත්+ඔහුගේ දරුවන් කෑම හිඟා කනවාවත් මම දැකලා නැහැ.+
26 ඔහු අදිමදි නොකර කැමැත්තෙන්ම අනිත් අයට ඕන කරන දේවල් දෙනවා.*+ඒ නිසා ඔහුගේ දරුවන්ට ආශීර්වාද ලැබෙනවා.
ס [සාමෙක්]
27 නපුරෙන් ඈත් වෙලා යහපත් දේවල් කරන්න.+එතකොට ඔබට සදහටම ජීවත් වෙන්න ලැබෙයි.
28 මොකද යෙහෝවා යුක්තියට ප්‍රිය කෙනෙක්.තමන්ව අත්හරින්නේ නැති අයව ඔහුත් කවදාවත් අත්හරින්නේ නැහැ.+
ע [ආයින්]
ඔහු ඔවුන්ව හැමදාටම ආරක්ෂා කරනවා.+ඒත් දුෂ්ටයන්ගේ දරුවෝ විනාශ වෙලා යනවා.+
29 ධර්මිෂ්ඨයෝ පොළොව උරුම කරගන්නවා.+ඔවුන් ඒකේ සදාකාලයටම ජීවත් වෙනවා.+
פ [පේ]
30 ධර්මිෂ්ඨයාගේ කටින් පිට වෙන්නේ ප්‍රඥාවන්ත වදන්.*ඔහුගේ දිවෙන් නික්මෙන්නේ සාධාරණ වචන.+
31 ඔහුගේ දෙවියන්ගේ නීතිය හැම වෙලේම ඔහු හදවතේ තියාගන්නවා.+ඒ නිසා ඔහුගේ පය ලිස්සන්නේ නැහැ.+
צ [ට්සාධේ]
32 දුෂ්ටයා නිතරම ධර්මිෂ්ඨයාව අහු කරගන්න බලන් ඉන්නවා.ඔහුව මරලා දාන්න මාන බලනවා.
33 ඒත් යෙහෝවා ඔහුව දුෂ්ටයාගේ අතට අහු වෙන්න ඉඩ දෙන්නේ නැහැ.+මිනිසුන් අසාධාරණ විදිහට චෝදනා කළත්දෙවියන් ඔහුව වරදකරුවෙක් විදිහට තීන්දු කරන්නේ නැහැ.+
ק [කෝෆ්]
34 යෙහෝවා ගැන බලාපොරොත්තු තියලා දිගටම ඔහු පෙන්වන මාර්ගයේ ගමන් කරන්න.එතකොට ඔහු ඔබව උසස් කරලා ඔබට පොළොව උරුම කරලා දෙනවා.
දුෂ්ටයන්ව විනාශ කරද්දී+ ඔබ ඒක ඇස් දෙකෙන්ම දකිනවා.+
ר [රේෂ්]
35 සරු පසක හිටවපු ගසක් අතුපතර විහිදුවලා සරුවට වැඩෙනවා වගේදුෂ්ට, කුරිරු අය සාර්ථක වෙනවා මම දැකලා තියෙනවා.+
36 ඒත් ඔවුන් එකපාරටම විනාශ වෙලා ගියා.+ඔවුන්ව හෙව්වත් මට ඔවුන්ව හොයාගන්න බැරුව ගියා.+
ש [ෂින්]
37 නිර්දෝෂ* කෙනා+ දිහාත්අවංකව වැඩ කරන කෙනා දිහාත් බලන්න.ඔහුට සාමයෙන් පිරුණු අනාගතයක් ලැබෙනවා.+
38 ඒත් දෙවියන්ගේ නීති කඩන හැමෝම විනාශ වෙනවා.දුෂ්ටයන්ට කිසිම අනාගතයක් නැහැ.+
ת [ටාව්]
39 ධර්මිෂ්ඨයාට ගැලවීම ලැබෙන්නේ යෙහෝවා දෙවියන්ගෙන්.+දුක් කරදර තියෙන කාලයේදී ඔවුන්ගේ රක්ෂස්ථානය ඔහුයි.+
40 යෙහෝවා ඔවුන්ට උදව් කරලා ඔවුන්ව බේරගන්නවා.+
ඔවුන් දෙවියන්ගේ රැකවරණය පතන නිසා+ ඔහුදුෂ්ටයන්ගේ අතින් ඔවුන්ව ගලවගන්නවා. ඔවුන්ව ආරක්ෂා කරනවා.
පාදසටහන්
^ හෝ, “කේන්ති ගන්න එපා.”
^ මූ.අ., “යෙහෝවා පිට තියන්න.”
^ හෝ, “ඉවසීමෙන්.”
^ හෝ සමහරවිට, “කේන්ති ගන්න එපා. ඒකෙන් වෙන්නේ නපුරක් විතරයි.”
^ හෝ, “කරුණාව පෙන්වයි.”
^ මූ.අ., “ඔහු ශාප කරන අය.”
^ හෝ, “දෙවියන් ඔහුගේ පියවර ස්ථිර කරනවා.”
^ හෝ, “ණයට දෙනවා.”
^ හෝ, “ධර්මිෂ්ඨයා ඔහුට විතරක් ඇහෙන තරම් සිහින් හඬකින් ප්‍රඥාවන්ත වදන් කියයි.”
^ හෝ, “විශ්වාසවන්ත.”
