ගීතාවලිය 57:1-11
සංගීත අධ්‍යක්ෂක වෙත. මික්ටැම්.* “මාව විනාශ කරන්න එපා” කියන තාලයට ගායනා කරන්න. සාවුල්ගෙන් බේරෙන්න ගල් ගුහාවකට පලා ගිය අවස්ථාව ගැන දාවිත් රචනා කරපු ගීයක්.+
57 අනේ දෙවියනි, මට කරුණාව පෙන්වන්න. මට අනුකම්පා කරන්න.මොකද මං රැකවරණය පතන්නේ ඔබගෙන්.+කරදර නැති වෙලා යන කල් මං ඔබේ පියාපත් සෙවණේ ඉන්නවා.+
2 උසස්ම දෙවියන්ට මම හඬගසනවා.මගේ දුක් කරදරවලට අවසානයක් ගේන සැබෑ දෙවියන්ගෙන් මම උදව් ඉල්ලනවා.
3 ඔහු ස්වර්ගයේ ඉඳන් මට උදව් කරලා මාව බේරගන්නවා.+
මාව හපා කන්න හදන මගේ සතුරාට සාර්ථක වෙන්න ඔහු ඉඩ දෙන්නේ නැහැ. (සීලාහ්)
ඔහුගේ නොසැලෙන ආදරයත් විශ්වාසවන්තකමත් පෙන්වලා ඔහු මට උදව් කරයි.+
4 සිංහයෝ මාව වට කරගෙන.+මට නිදාගන්න වෙලා තියෙන්නේ මාව ගිලගන්න හදන මිනිසුන්අතරේ.ඔවුන්ගේ දත් හරියට හෙල්ල සහ ඊතල වගේ.ඔවුන්ගේ දිව්, තියුණු කඩු වගේ.+
5 දෙවියනි, ඔබ මොන තරම් ශ්‍රේෂ්ඨ දෙවි කෙනෙක්ද කියලාස්වර්ගය පුරාම දකින්න සලස්වන්න!ඔබේ තේජස පොළොව පුරාම විහිදුවන්න!+
6 මාව අල්ලගන්න ඔවුන් දැලක් එළනවා.+ඔවුන් නිසා මං හොඳටම කලකිරිලයි ඉන්නේ.+
ඔවුන් මං යන පාරේ වළක් කපනවා.ඒත් ඔවුන් කපන වළේ වැටෙන්නේ ඔවුන්මයි.+ (සීලාහ්)
7 දෙවියනි, මගේ හිත වෙනස් වෙලා නැහැ.+ඔබ ගැන මට තියෙන විශ්වාසය පොඩ්ඩක්වත් අඩු වෙලා නැහැ.
මං සංගීතය වාදනය කරලා දිගටම ඔබට ගී ගයනවා.
8 මං මගේ හිත අවදි කරනවා.
මගේ තත් භාණ්ඩයෙත් වීණාවෙත් හඬ අවදි කරනවා.
මගේ ගී තනුවලින් අරුණාලෝකයත් අවදි කරනවා.+
9 යෙහෝවා දෙවියනි, මම සෙනඟ අතරේ ඔබට ප්‍රශංසා කරනවා.+ජාතීන් අතරේ ඔබට ප්‍රශංසා ගී ගයනවා.*+
10 මොකද ඔබේ නොසැලෙන ආදරේට නිමක් නැහැ.ඒක ස්වර්ගය දක්වාම නැඟ යනවා.+ඔබේ විශ්වාසවන්තකම අහසේ වලාකුළු දක්වාම විහිදිලා යනවා.
11 දෙවියනි, ඔබ මොන තරම් ශ්‍රේෂ්ඨ දෙවි කෙනෙක්ද කියලාස්වර්ගය පුරාම දකින්න සලස්වන්න! ඔබේ තේජස පොළොව පුරාම විහිදුවන්න!+
