ගීතාවලිය 60:1-12
සංගීත අධ්‍යක්ෂක වෙත. “මතකය අවදි කරන ලිලී මල” කියන තාලයට ගායනා කරන්න. මික්ටැම්.* උගන්වන්න පාවිච්චි කරන ගීයක්. දාවිත් ආරම්නාහරායිම් සහ ආරම්ෂෝබාවල අයත් එක්ක සටන් කරකර ඉද්දී යෝවාබ් ආයෙත් ලුණු නිම්නයට ගිහින් ඒදොම්වරු 12,000කට පහර දුන්නා.+ ඒ ගැන දාවිත් රචනා කරපු ගීතයක්.
60 දෙවියනි, ඔබ අපිව ප්‍රතික්ෂේප කළා. අපිව පරාජය කළා.+
ඔබ අපිත් එක්ක කේන්තියෙන් හිටියා.අනේ දෙවියනි, දැන් ආයෙත් අපිව පිළිගන්න.
2 ඔබ පොළොව දෙදරුම් කන්න සලස්වලා ඒක දෙබෑ කළා.
අනේ දෙවියනි, පොළොවේ කැඩිලා බිඳිලා ගිය තැන් ආයෙත් ගොඩනඟන්න.ඒක කඩා වැටෙන්න දෙන්න එපා.
3 ඔබ ඔබේ සෙනඟට දුක් විඳින්න සැලැස්සුවා.
ඔබ අපිට වයින් පොවපු නිසා අපි වැනිවැනී යනවා.+
4 ඔබට ගරුබිය දක්වන අයටසතුරන්ගේ ඊ පහරින් බේරිලා යන්න උදව් වෙන ලකුණක් පෙන්වන්න.* (සීලාහ්)
5 එතකොට ඔබ ආදරේ කරන අයට බේරෙන්න පුළුවන් වෙයි.දෙවියනි, අපිට උත්තර දීලා ඔබේ දකුණතින් අපිව ගලවගන්න.+
6 ශුද්ධ දෙවියන්* මෙහෙම කිව්වා.
“මම හරිම සතුටින් සෙනඟට ෂීකෙම් නුවර උරුමයක් විදිහට දෙනවා.+සුක්කොත් නිම්නය* බෙදලා දෙනවා.+
7 මනස්සේ වගේම ගිලියද් අයිතිත් මටයි.+එෆ්‍රායිම් මගේ හිස්වැස්මයි.*යූදා මගේ රාජ යෂ්ටියයි.+
8 මෝවබ් මං අත පය හෝදගන්න භාජනයයි.+
මං මගේ පාවහන් ගලවලා ඒදොම් දෙසට වීසි කරනවා.+
පිලිස්තිවරුන්ව පරද්දලා ජය ඝෝෂා නඟනවා.”+
9 වටලපු* නුවර අල්ලගන්න මට උදව් කරන්නේ කවුද?
ඒදොම් වෙන කල්ම මාව අරගෙන යන්නේ කවුද?+
10 අපේ දෙවියනි, ඒ දේ කරන්නේ ඔබයි. ඒත් ඔබ දැන් අපිව අත්හැරලා දාලා.කලින් වගේ ඔබ අපේ හමුදාවට උදව් කරන්න එන්නෙත් නැහැ.+
11 අනේ දෙවියනි, විපත්ති කාලේදී අපිට උදව් කරන්න.මොකද මිනිසුන් අපිට ගැලවීම ලබා දෙයි කියලා විශ්වාස කරන එක නිෂ්ඵලයි.+
12 අපිට ශක්තිය ලබා දෙන්නේ අපේ දෙවියන්.+ඔහු අපේ සතුරන්ව පාගලා දානවා.+
පාදසටහන්
^ “පැහැදිලි කිරීමක්” බලන්න.
^ හෝ සමහරවිට, “ලකුණක් පෙන්වලා තියෙනවා.”
^ හෝ සමහරවිට, “දෙවියන් ඔහුගේ ශුද්ධස්ථානයේ ඉඳන්.”
^ හෝ, “තැනිතලාව.”
^ මූ.අ., “බලකොටුවයි.”
^ හෝ සමහරවිට, “බලකොටු තියෙන.”
