ගීතාවලිය 62:1-12
සංගීත අධ්‍යක්ෂක වෙත. යෙදූතුන්.* දාවිත් රචනා කරපු ගීතයක්.
62 දෙවියන් පියවර ගන්න කල් මම නිහඬව බලන් ඉන්නවා.
මට ගැලවීම ලැබෙන්නේ ඔහුගෙන්.+
2 දෙවියන් මගේ පර්වතයයි. මට ගැලවීම දෙන්නේ ඔහුයි.මට ආරක්ෂාව ලබා දෙන බලකොටුවත්* ඔහුයි.+මම කවදාවත් බිමටම ඇද වැටෙන්නේ නැහැ.+
3 ඔබ* වෛර කරන කෙනාව මරලා දාන්න ඔබ තව කී සැරයක් ඔහුට පහර දෙන්න හිතන් ඉන්නවාද?+
ඔබ හැමෝම අනුන්ට අනතුරක් කරමින් කඩන් වැටෙන්න ඔන්න මෙන්න තියෙන පවුරක් වගේ.ගරාවැටුණු ගල් පවුරක් වගේ.*
4 උසස් තනතුරෙන් ඔහුව අයින් කරන්නේ* කොහොමද කියලාඔවුන් එකිනෙකා අතරේ කතා වෙනවා. ඔවුන් බොරු කියලා සතුටක් ලබනවා.
ඔවුන් කටින් ආශීර්වාද කළත් හිතින් ශාප කරනවා.+ (සීලාහ්)
5 දෙවියන් පියවර ගන්න කල් මම නිහඬව බලන් ඉන්නවා.*+මොකද මගේ හැම බලාපොරොත්තුවක්ම ඉටු කරන්නේ ඔහුයි.+
6 දෙවියන් මගේ පර්වතයයි. මට ගැලවීම දෙන්නේ ඔහුයි.මට ආරක්ෂාව ලබා දෙන බලකොටුවත් ඔහුයි.මම කවදාවත් වැටෙන්නේ නැහැ.+
7 මට ගැලවීමත් ගෞරවයත් ලැබෙන්නේ දෙවියන්ගෙන්.
මගේ ශක්තිමත් පර්වතය ඔහුයි.+ මට රැකවරණය ලබා දෙන්නෙත් ඔහුයි.
8 ජනයෙනි, හැම වෙලාවෙම දෙවියන් ගැන විශ්වාසය තියන්න.
ඔබේ හිතේ තියෙන හැම දෙයක්ම ඔහුට කියන්න.+
අපිට රැකවරණය ලබා දෙන්නේ දෙවියන්.+ (සීලාහ්)
9 මනුෂ්‍යයන් නිකම්ම නිකම් හුස්ම පොදක් වගේ.ඔවුන්ව තරාදියක දාලා මැන්නොත් හුස්ම පොදක් තරම්වත් බර නැහැ!+
ඔවුන් ගැන විශ්වාසය තියන එක මොන තරම් මෝඩකමක්ද!+
10 වංචනික දේවල් කරලා* දියුණු වෙන්න හදන්න එපා.හොරකම් කරලා පොහොසත් වෙන්න හදන්න එපා.
ඔබට ධනය මොන තරම් ලැබුණත් ඒ ගැන විශ්වාසය තියන්න එපා.+
11 දෙවියන් මට දෙපාරක්ම කතා කරලා මෙහෙම කිව්වා.
“ශක්තියේ උල්පත දෙවියන්.”+
12 යෙහෝවා දෙවියනි, නොසැලෙන ආදරේ උල්පතත් ඔබයි.+එක් එක් කෙනාගේ ක්‍රියාවලට අනුව ප්‍රතිඵල දෙන්නෙත් ඔබයි.+
පාදසටහන්
^ “පැහැදිලි කිරීමක්” බලන්න.
^ හෝ, “ආරක්ෂාව ලබා දෙන උස් ස්ථානයත්.”
^ මෙතන කතා කරන්නේ දුෂ්ටයන් ගැනයි.
^ හෝ සමහරවිට, “ඔබ හැමෝම ඔහුට පහර දෙන්නේ ඔහු කඩන් වැටෙන්න ඔන්න මෙන්න තියෙන පවුරක් විදිහට සලකලයි.”
^ හෝ, “ඔහුගේ ගෞරවය නැති කරන්නේ.”
^ හෝ, “නිහඬව බලන් ඉන්න කියලා මං මටම කියාගන්නවා.”
^ මූ.අ., “දේවල් බලෙන් පැහැරගෙන.”
