ගීතාවලිය 64:1-10
-
හොර රහසේ එල්ල කරන ප්‍රහාරවලින් ආරක්ෂාව ලැබෙයි
-
“දෙවියන් ඔවුන්ට පහර දෙනවා” (7)
-
සංගීත අධ්‍යක්ෂක වෙත. දාවිත් රචනා කරපු ගීයක්.
64 දෙවියනි, මගේ දුක කියද්දී මට සවන් දෙන්න.+
සතුරන් එල්ල කරන දරුණු ප්‍රහාරවලින් මගේ ජීවිතය ආරක්ෂා කරන්න.
2 දුෂ්ටයන් හොර රහසේ කරන කුමන්ත්‍රණවලිනුත්+අපරාධකරුවන්ගෙනුත් මාව ආරක්ෂා කරන්න.
3 ඔවුන්ගේ දිව් මුවහත් කඩු වගේ.ඔවුන්ගේ කුරිරු වදන් ඉලක්කයටම ගිහින් වදින ඊතල වගේ.
4 ඔවුන් හැංගිලා ඉඳලා නිර්දෝෂ අයට ඊතලවලින් පහර දෙනවා.හිතන්නේ නැති වෙලාවක කිසිම බයක් නැතුව ඊතලවලින් විදිනවා.
5 ඔවුන් කවදාවත් දුෂ්ට අදහස් හිතින් අයින් කරගන්නේ නැහැ.*උගුල් අටවන්නේ කොහොමද කියලා ඔවුන් කුමන්ත්‍රණය කරනවා.
“අපි කරන දේ කවුරු දකින්නද” කියලා ඔවුන් කතා වෙනවා.+
6 ඔවුන්ගේ දුෂ්ට අරමුණු ඉටු කරගන්න අලුත් අලුත් විදි හොයනවා.ඔවුන් සූක්ෂ්ම විදිහට උගුල් අටවන්න හොර රහසේ සැලසුම් කරනවා.+ඔවුන්ගේ හිතේ තියෙන දේ කාටවත් තේරුම්ගන්න බැහැ.
7 ඒත් හිතන්නේ නැති වෙලාවක දෙවියන් ඔවුන්ට පහර දෙනවා.+හදිස්සියේ එල්ල වෙන ඊ පහරවලින් ඔවුන් තුවාල ලබනවා.
8 ඔවුන් කියන කතා ඔවුන්ගෙම විනාශයට හේතු වෙයි.+ඒක දැකලා හැමෝම පුදුමයෙන් ඔළුව වනයි.
9 හැම කෙනෙක්ගෙම හිතේ බයක් ඇති වෙයි.දෙවියන් කරපු දේවල් ගැන ඔවුන් හැමෝටම කියයි.දෙවියන් ඒ දේවල් කළේ ඇයි කියලා ඔවුන් තේරුම්ගනියි.+
10 ධර්මිෂ්ඨ කෙනා යෙහෝවා නිසා සතුටු වෙලා ඔහුගේ රැකවරණය පතයි.+නිර්දෝෂ සිතක් ඇති හැමෝම සතුටින් ඉපිල යයි.
පාදසටහන්
^ හෝ, “ඔවුන් දුෂ්ට දේවල් කරන්න එකිනෙකාව දිරිගන්වනවා.”
