ගීතාවලිය 66:1-20
සංගීත අධ්‍යක්ෂක වෙත. ගීයක්.
66 පොළොවේ වැසියෙනි, සතුටින් දෙවියන්ට ජය නාද නඟන්න.+
2 ඔහුගේ ශ්‍රේෂ්ඨ නමට ප්‍රශංසා ගී ගයන්න.*
ඔහුට ගෞරවයත් ප්‍රශංසාවත් ලබා දෙන්න.+
3 දෙවියන්ට මෙහෙම කියන්න. “ඔබ කරන දේවල් මොන තරම් පුදුමාකාරද!+
ඔබේ මහත් බලය දැකලා ඔබේ සතුරෝ වෙවුලමින්+ඔබ ඉස්සරහට ඇවිත් දණ නමයි.
4 පොළොවේ ඉන්න හැමෝම ඔබ ඉස්සරහා වැඳ වැටෙයි.+ඔවුන් ඔබට ප්‍රශංසා ගී ගයයි.ඔබේ නමට ප්‍රශංසා ගී ගයයි.”+ (සීලාහ්)
5 ජනයෙනි, ඇවිත් දෙවියන් කරන දේවල් දිහා බලන්න.
ඔහු මිනිසුන් වෙනුවෙන් කරන දේවල් දැක්කාම ඔහු ගැන ලොකු ගරුබියක් ඇති වෙනවා.+
6 ඔහු මුහුද වියළි බිමක් කළා.+ඔවුන් ගඟ මැද්දෙන් ඇවිදගෙන ගිහින් එගොඩ වුණා.+
එහෙදී දෙවියන් කරපු දේවල් නිසා අපි මොන තරම් සතුටු වුණාද!+
7 ඔහුගේ මහත් බලය නිසා ඔහු සදහටම පාලනය කරනවා.+
ඔහු ජාතීන් දිහා බලාගෙන ඉන්නවා.+
මුරණ්ඩු සිත් ඇති අය තමන්වම උසස් කර නොගනීවා!+ (සීලාහ්)
8 ජනයෙනි, අපේ දෙවියන්ට ප්‍රශංසා කරන්න.+හැමෝටම ඇහෙන්න ඔහුට ප්‍රශංසා කරන්න.
9 ඔහු අපේ ජීවිතය රැක දෙනවා.+අපිට වැටෙන්න* දෙන්නේ නැහැ.+
10 දෙවියනි, ඔබ අපේ සිත් සෝදිසි කළා.+රිදී පවිත්‍ර කරනවා වගේ ඔබ අපිව පවිත්‍ර කළා.
11 ඔබ අපිව දැලකට හසු කළා.දරාගන්න බැරි බරක් අපි පිට පැටෙව්වා.
12 අපිව පාගලා දාන්න ඔබ මිනිසුන්ට* ඉඩහැරියා.අපි ගිනි ජාලා මැදිනුත් ජල ධාරා මැදිනුත් ආවා.ඊටපස්සේ සැනසීමේ ඉන්න පුළුවන් තැනකට ඔබ අපිව ගෙනාවා.
13 මම දවන පූජා අරගෙන ඔබේ ගෘහයට එන්නම්.+ඔබට දුන්න පොරොන්දු ඉටු කරන්නම්.+
14 දුක් කරදරවලට මුහුණ දුන්න කාලයේදීමං වුණ පොරොන්දු මම ඉටු කරන්නම්.+
15 මම තර සතුන්ව දවන පූජා විදිහට ඔබට ඔප්පු කරන්නම්.මම ඔබට බැටළුවන්ව* ඔප්පු කරන්නම්.
ගොනුන්වත් එළුවන්වත් ඔප්පු කරන්නම්. (සීලාහ්)
16 දෙවියන් ගැන ගරුබියක් ඇති සියල්ලෙනි, ඇවිත් මට ඇහුම්කන් දෙන්න.දෙවියන් මං වෙනුවෙන් කරපු හැම දෙයක්ම මම ඔබට කියන්නම්.+
17 මං උදව් ඉල්ලලා ඔහුට හඬගැසුවා.මං ඔහුට ප්‍රශංසා කළා.
18 දුෂ්ට දේවල් කරන්න මං හිතහිත හිටියා නම්යෙහෝවා කවදාවත් මට ඇහුම්කන් දෙන්නේ නැහැ.+
19 ඒත් දෙවියන් මට සවන් දුන්නා.+මගේ යාච්ඤාවට ඔහු ඇහුම්කන් දුන්නා.+
20 දෙවියන්ට ප්‍රශංසා වේවා!ඔහු මගේ යාච්ඤාව අහක දැම්මේ නැහැ.ඔහුගේ නොසැලෙන ආදරේ මට නොපෙන්වා හිටියේ නැහැ.
පාදසටහන්
^ හෝ, “සංගීත භාණ්ඩ වාදනය කරකර ගායනා කරන්න.”
^ මූ.අ., “පය පැටලෙන්න.”
^ හෝ, “අසරුවන්ට.”
^ මූ.අ., “බැටළුවන්ගෙන් නඟින දුම්.”
