ගීතාවලිය 70:1-5
-
ඉක්මනින් ඇවිත් බේරගන්න කියලා කියයි
-
“ඉක්මනින්ම ඇවිත් මං වෙනුවෙන් පියවර ගන්න” (5)
-
සංගීත අධ්‍යක්ෂක වෙත. මතක් කිරීමක් විදිහට දාවිත් රචනා කරපු ගීයක්.
70 අනේ දෙවියනි, මාව බේරගන්න.අනේ යෙහෝවා, ඉක්මනින්ම මගේ උදව්වට එන්න.+
2 මගේ ජීවිතය නැති කරලා දාන්න හදන අයවලැජ්ජාවටත් නින්දාවටත් පත් කරන්න.
මගේ දුකේදී සතුටු වෙන අයට ලැජ්ජාවෙන් පලා දුවන්න සලස්වන්න.
3 මට හිනා වෙවී සමච්චල් කරන අයව ලැජ්ජාවට පත් කරන්න.
ඔවුන්ට පලා දුවන්න සලස්වන්න.
4 ඒත් ඔබට ළං වෙන හැමෝම ප්‍රීති ඝෝෂා නගත්වා!+
ඔබ දෙන ගැලවීම හද පත්ලෙන්ම අගය කරන අය“දෙවියන්ට ගෞරවය ලැබේවා” කියලා නිතරම කියත්වා!
5 මම කාගෙවත් හව්හරණක් නැති දුප්පතෙක්.+අනේ දෙවියනි, ඉක්මනින්ම ඇවිත් මං වෙනුවෙන් පියවර ගන්න.+
මගේ උදව්වට ඉන්නෙත් මාව බේරගන්න ඉන්නෙත් ඔබ විතරයි.+අනේ යෙහෝවා, පරක්කු නොකර මගේ උදව්වට එන්න.+
