ගීතාවලිය 81:1-16
සංගීත අධ්යක්ෂක වෙත. ගිටිත්* සඳහා. ආසාෆ් රචනා කරපු ගීතයක්.+
81 ජනයෙනි, අපේ ශක්තිය වන දෙවියන් ඉස්සරහා ප්රීති ඝෝෂා නඟන්න.+
යාකොබ්ගේ දෙවියන්ට ජය නාද නඟන්න.
2 රබානත් තත් භාණ්ඩයත් මිහිරි නාදයක් නික්මෙන වීණාවත් අරන් වයන්න.
3 නව සඳ පායන දවසේදීත්පුර සඳ පායන අපේ උත්සව දවසේදීත් හොරණෑව පිඹින්න.+
4 ඒක දෙවියන් ඊශ්රායෙල්ට පනවපු නියෝගයක්.යාකොබ්ගේ දෙවියන් දීපු නීතියක්.+
5 දෙවියන් ඊජිප්තු දේශය මැදින් යද්දී+ඒ නීතිය යෝසෙප්ට දුන්නේ සිහිගැන්වීමක් විදිහටයි.+
නොදන්න කටහඬක්* මෙහෙම කියනවා මට ඇහුණා.
6 “ඔහුගේ කරේ තිබුණ බර මම අයින් කළා.+ඔහු අරන් ගිය කූඩය මං ඔහුගේ අතින් ගත්තා.
7 දුක් කරදරවලට මුහුණ දෙද්දී ඔබ මට හඬගැසුවා.එතකොට මම ඔබව බේරගත්තා.+
ගිගුරුම් හඬ මැදින් මම ඔබට උත්තර දුන්නා.+
මෙරිබා* දිය පහර ළඟදී මම ඔබේ හිත් සෝදිසි කළා.+ (සීලාහ්)
8 මගේ ජනයෙනි, මං දැන් ඔබට විරුද්ධව සාක්ෂි දෙන්නයි යන්නේ.
ඉතින් මට ඇහුම්කන් දෙන්න. අනේ ඊශ්රායෙල්, ඔබ මං කියන දේ අහනවා නම්!+
9 එතකොට ඔබ අතරේ වෙන කිසිම දෙවි කෙනෙක් දකින්න ලැබෙන්නේ නැහැ.ඔබ වෙනත් දෙවි කෙනෙක්ට නමස්කාර කරන්නෙත් නැහැ.+
10 යෙහෝවා වන මමයි ඔබේ දෙවියන්.ඔබව ඊජිප්තු දේශයෙන් පිටතට අරන් ආවේ මමයි.+
ඔබේ කට හොඳට අරින්න. මම ඔබට ඇති තරම් කන්න දෙන්නම්.+
11 ඒත් මගේ සෙනඟ මට ඇහුම්කන් දුන්නේ නැහැ.ඊශ්රායෙල් මට කීකරු වෙන්න කැමති වුණේ නැහැ.+
12 මුරණ්ඩු විදිහට වැඩ කරන්න මමත් ඔවුන්ට ඉඩහැරියා.ඔවුන්ට හරියි කියලා හිතුණ දේ ඔවුන් කළා.*+
13 මගේ සෙනඟ මට ඇහුම්කන් දුන්නා නම්!+ඊශ්රායෙල් මගේ මාර්ගවල ගමන් කළා නම්!+
14 මම ඔවුන්ගේ සතුරන්ව ඉක්මනින්ම ඔවුන්ට යටත් කරලා දෙනවා.ඔවුන්ගේ විරුද්ධවාදීන්ට විරුද්ධව මම අත ඔසවනවා.+
15 යෙහෝවාට වෛර කරන අය ඔහුව දැක්කාම බයෙන් වෙවුලයි.ඔවුන් සදහටම විනාශ වෙලා යයි.
16 ඒත් ඔබව* දෙවියන් හොඳම ධාන්යවලින් පෝෂණය කරයි.+පර්වතයෙන් ගලා එන පැණිවලින් තෘප්තිමත් කරයි.”+
පාදසටහන්
^ “පැහැදිලි කිරීමක්” බලන්න.
^ හෝ, “භාෂාවක්.”
^ තේරුම, “රණ්ඩුව.”
^ මූ.අ., “ඔවුන් කැමති කැමති දේ කළා.”
^ මූ.අ., “ඔහුව.” ඒ කියන්නේ දෙවියන්ගේ සෙනඟව.