ගීතාවලිය 85:1-13
සංගීත අධ්යක්ෂක වෙත. කෝරාගේ පුතුන් රචනා කරපු ගීතයක්.+
85 යෙහෝවා දෙවියනි, ඔබේ දේශයට ඔබ කරුණාව පෙන්නුවා.+වහලුන් විදිහට අරන් ගිය යාකොබ්ගේ දරුවන්ව ඔබ ආයෙත් දේශයට ගෙනාවා.+
2 ඔබේ සෙනඟගේ වැරදිවලට ඔබ සමාව දුන්නා.ඔවුන්ගේ හැම පාපයක්ම ඔබ මකලා දැම්මා.+ (සීලාහ්)
3 ඔබේ උදහස ඔබ පිට කළේ නැහැ.ඔබේ දැවෙන කෝපය ඔවුන් පිටට ගෙනාවේ නැහැ.+
4 අපිට ගැලවීම ලබා දෙන දෙවියනි, අපිව ආයෙත් ඔබේ සෙනඟ විදිහට පිළිගන්න.අපි ගැන තියෙන කේන්තිය ඔබේ හිතින් අයින් කරගන්න.+
5 ඔබ හැමදාමත් අපිත් එක්ක කේන්තියෙන් ඉන්නවාද?+
පරම්පරාවක් පරම්පරාවක් ගාණේ ඔබේ කේන්තිය අපිට විරුද්ධව ඇවිළෙයිද?
6 ඔබ අපිව ආයෙත් ප්රාණවත් කරලාඔබ ගැන සතුටු වෙන්න අපිට අවස්ථාව දෙන්නේ නැද්ද?+
7 අනේ යෙහෝවා, ඔබේ නොසැලෙන ආදරය අපිට පෙන්වලා+අපිට ගැලවීම ලබා දෙන්න.
8 සැබෑ දෙවියන් වන යෙහෝවා කියන දේට මම ඇහුම්කන් දෙනවා.විශ්වාසවන්තව ඉන්න තමන්ගේ සෙනඟට ලැබෙන්න යන සාමය ගැන දෙවියන් කියනවා.+ඒත් අතීතයේ කළා වගේ තමන් ගැනම ඕනෑවට වඩා විශ්වාස නොකර ඉන්නඔවුන් වගබලා ගන්න ඕනේ.+
9 ඔහු ගැන ගරුබියක් තියෙන අයට ඔහු අනිවාර්යයෙන්ම ගැලවීම ලබා දෙනවා.+ඔහු එහෙම කරන්නේ අපේ දේශය ඔහුගේ තේජසින් පිරිලා යන්නයි.
10 නොසැලෙන ආදරය සහ විශ්වාසවන්තකම අත්වැල් බැඳගන්නවා.ධර්මිෂ්ඨකම සහ සමාදානය එකිනෙකාව වැලඳගන්නවා.+
11 විශ්වාසවන්තකම භූමියෙන් දලුලයි.ධර්මිෂ්ඨකම ස්වර්ගයේ ඉඳන් බලන් ඉඳියි.+
12 යෙහෝවා යහපත් දේ* දීලා අපිට ආශීර්වාද කරනවා.+ඒ නිසා අපේ දේශයෙන් සම්පූර්ණ පලදාවම ලැබෙනවා.+
13 ධර්මිෂ්ඨකම දෙවියන් ඉදිරියෙන් ගමන් කරයි.+ඔහු යන මඟ සකස් කරලා දෙයි.
පාදසටහන්
^ හෝ, “සමෘද්ධිය.”