ගීතාවලිය 86:1-17
දාවිත්ගේ යාච්ඤාවක්.
86 අනේ යෙහෝවා, මට සවන් දීලා* මගේ යාච්ඤාවට උත්තර දෙන්න.දුක් පීඩාවන් නිසා මම අන්ත අසරණ වෙලා.+
2 මම ඔබට විශ්වාසවන්තව ඉන්න නිසා මගේ ජීවිතේ ආරක්ෂා කරන්න.+
මගේ දෙවියන් ඔබයි. ඔබ ගැන විශ්වාසය තියන ඔබේ සේවකයාව බේරගන්න.+
3 අනේ යෙහෝවා, දවස තිස්සේම මං ඔබට හඬගසනවා.+මට කරුණාවෙන් සලකන්න.+
4 යෙහෝවා දෙවියනි, ඔබේ සේවකයාව සතුටට පත් කරන්න.මොකද මං විශ්වාසය තියන්නේ ඔබ මතයි.*
5 යෙහෝවා දෙවියනි, ඔබ සමාව දෙන්න කැමති,+ යහපත් දෙවි කෙනෙක්.+ඔබේ නම කියලා අයැදින හැමෝටම ඔබ පෙන්වන නොසැලෙන ආදරේට නිමක් නැහැ!+
6 අනේ යෙහෝවා, මගේ යාච්ඤාවට සවන් දෙන්න.මං උදව් ඉල්ලද්දී මට ඇහුම්කන් දෙන්න.+
7 මගේ විපතේදී මම ඔබට හඬගසනවා.+ඔබ මට උත්තර දෙනවා කියලා මං දන්නවා.+
8 යෙහෝවා දෙවියනි, ඔබට සමාන වෙන කිසිම දෙවි කෙනෙක් නැහැ.+ඔබ කරලා තියෙන දේවල් වෙන කිසිම කෙනෙක් කරලත් නැහැ.+
9 යෙහෝවා දෙවියනි, ඔබ ජීවිතය දුන්න සියලුම ජාතීන්ඔබ ඉස්සරහට ඇවිත් වැඳ වැටෙයි.+ඔවුන් ඔබේ නම ගෞරවයට පත් කරයි.+
10 මොකද ඔබ ශ්‍රේෂ්ඨයි. ඔබ පුදුමාකාර දේවල් කරනවා.+ඔබ හැර වෙන දෙවි කෙනෙක් නැහැ.+
11 යෙහෝවා දෙවියනි, ඔබේ මාර්ග ගැන මට උගන්වන්න.+
ඔබ උගන්වන සත්‍ය මාර්ගයේ මම ගමන් කරන්නම්.+
ඔබේ නමට මුළු හදවතින්ම* ගෞරව කරන්න මට උදව් කරන්න.+
12 යෙහෝවා මගේ දෙවියනි, මගේ මුළු හිතින්ම මම ඔබට ප්‍රශංසා කරනවා.+හැමදාම ඔබේ නම ගෞරවයට පත් කරනවා.
13 ඔබ මට පෙන්වන නොසැලෙන ආදරය මොන තරම්ද!ඔබ මාව මිනී වළෙන් ගලවගත්තා.+
14 අනේ දෙවියනි, උඩඟු අය මට විරුද්ධව නැඟී ඉන්නවා.+මැර පිරිසක් මාව මරන්න හොයනවා.ඔවුන්ට ඔබ ගැන කිසි ගෞරවයක් නැහැ.*+
15 ඒත් යෙහෝවා, ඔබ අනුකම්පාව පෙන්වන, දයාවන්ත දෙවි කෙනෙක්.ඔබ ඉක්මනින් කේන්ති ගන්නේ නැහැ.ඔබ හැම වෙලේම විශ්වාසවන්තව වැඩ කරන,*නොසැලෙන ආදරයකින් පිරුණු දෙවි කෙනෙක්.+
16 දෙවියනි, මං දිහා බලලා මට කරුණාව පෙන්වන්න.+
ඔබේ සේවකයාට ශක්තිය ලබා දෙන්න.ඔබේ දාසියගේ පුතාව බේරගන්න.+
17 ඔබ මට කොච්චර ආදරෙයිද කියලා මට වෛර කරන අයට පෙන්වලාඔවුන්ව ලැජ්ජාවට පත් කරන්න.
යෙහෝවා දෙවියනි, මගේ උදව්වට ඉන්නෙත් මාව සනසන්නෙත් ඔබයි.
පාදසටහන්
^ හෝ, “පහතට නැමිලා මට ඇහුම්කන් දීලා.”
^ හෝ, “මගේ මුළු ජීවිතයම මං ඔබට භාර දෙනවා.”
^ හෝ, “නොබෙදුණු හිතකින්.”
^ හෝ, “ඔබ ඔවුන් ඉස්සරහා ඉන්නවා කියලා ඔවුන්ගේ මතකයෙවත් නැහැ.”
^ හෝ, “ඇත්ත කියන.”
