ගීතාවලිය 88:1-18
කෝරාගේ පුතුන් රචනා කරපු ගීතයක්.+ සංගීත අධ්‍යක්ෂක වෙත. මහලත්* ස්වරයෙන් ගායනා කරන්න. මාරුවෙන් මාරුවට ගායනා කරන්න. සේරාගෙන් පැවතෙන කෙනෙක් වුණ හේමාන්ගේ මස්කිල්.*+
88 මට ගැලවීම දෙන යෙහෝවා දෙවියනි,+දිවා රෑ දෙකේම මම ඔබ ඉස්සරහා හඬා වැලපෙනවා.+
2 මගේ යාච්ඤාවට ඇහුම්කන් දෙන්න.+මම උදව් ඉල්ලලා හඬගසද්දී ඔබේ සවන් යොමු කරන්න.*+
3 මගේ ජීවිතය* දුක් කරදරවලින් පිරිලා.+මම මිනී වළ අද්දරටම ඇවිත්.+
4 මැරෙන්න ඔන්න මෙන්න ඉන්න කෙනෙක් විදිහටයි මාව ගණන් ගන්නේ.+මම අන්ත අසරණ තත්වයකට පත් වෙලා.*+
5 මිය ගිය අය අතරේ මාවත් දාලා ගිහින්.මිනී වළේ ඉන්න මැරුම් කාපු අයව අමතක වෙලා යනවා වගේ,ඔබ මාවත් අමතක කරලා.ඔබේ රැකවරණය ලබන අය අතරින් මාව අයින් කරලා.
6 ඔබ මාව ගැඹුරු වළකට තල්ලු කළා.ඝන අන්ධකාරයෙන් වැහිලා ගිය අගාධයකට ඇදලා දැම්මා.
7 ඔබට මං ගැන තියෙන කේන්තිය මට දරාගන්න බැහැ.+ඔබ එවන දරුණු රළ පහරවලට මාව යට වෙලා යනවා. (සීලාහ්)
8 මගේ යාළුවන්ව ඔබ මගෙන් ඈත් කළා.+ඔවුන්ට මාව පිළිකුලක් වෙන්න සැලැස්සුවා.
බේරිලා යන්න බැරි තරමටම මම හිර වෙලා.
9 මං අද්දකින පීඩා නිසා මගේ ඇස් දුර්වල වෙලා.+
යෙහෝවා දෙවියනි, දවස තිස්සේම මම ඔබට හඬගසනවා.+මගේ අත් දෙක දිගු කරලා ඔබට යාච්ඤා කරනවා.
10 මිය ගිය අය වෙනුවෙන් ඔබ පුදුම දේවල් කරනවාද?
මරණ නින්දේ ඉන්න අයට පුළුවන්ද ඔබට ප්‍රශංසා කරන්න?+ (සීලාහ්)
11 ඔබේ නොසැලෙන ආදරේ ගැන මිනී වළේදී වර්ණනා කරයිද?හැම දේම දිරාපත් වෙන තැනදී* ඔබේ විශ්වාසවන්තකම ගැන කතා කරයිද?
12 ඝන අන්ධකාරයෙන් වැහිලා ගිය තැන්වලඔබේ පුදුමාකාර ක්‍රියාවන් ගැන දැනගන්න ලැබෙයිද?මතකයෙන් ගිලිහිලා ගිය අය ඉන්න ස්ථානයේදී ඔබේ ධර්මිෂ්ඨකම ගැන කතා කරයිද?+
13 ඒත් යෙහෝවා, මම තාමත් ඔබෙන් උදව් ඉල්ලලා හඬගසනවා.+හැම උදෑසනකම ඔබට යාච්ඤා කරනවා.+
14 අනේ යෙහෝවා, ඇයි ඔබ මගේ යාච්ඤා අහන්නේ නැත්තේ?+
ඇයි ඔබේ මූණ මගෙන් හංගගෙන ඉන්නේ?+
15 තරුණ කාලේ ඉඳන්ම මම ගොඩක් දුක් පීඩා අද්දකිනවා.මම මරණය අද්දරටම ඇවිත්.+ඔබ මට අද්දකින්න ඉඩහැරපු භයානක දේවල් නිසාමට කිසිම දෙයක් හැඟෙන්නේ දැනෙන්නේ නැහැ.
16 දෙවියනි, ඔබේ දැවෙන කෝපය මට දරාගන්න බැහැ.+ඔබ මං පිටට ගෙනාපු භයානක දේවලින් මම විනාශ වෙලා යනවා.
17 ඒවා මහා ජල කඳක් වගේ මාව වට කරගන්නවා.ඒවා හැම පැත්තකින්ම මාව කොටු කරගෙන මාව ගිලගන්නවා.*
18 මගේ හිතමිතුරන්ගෙනුත් අසල්වැසියන්ගෙනුත් ඔබ මාව ඈත් කළා.+දැන් මට ඉන්න එකම යාළුවා ඝන අන්ධකාරයයි.
පාදසටහන්
^ “පැහැදිලි කිරීමක්” බලන්න.
^ “පැහැදිලි කිරීමක්” බලන්න.
^ හෝ, “පහතට නැමිලා මට ඇහුම්කන් දෙන්න.”
^ හෙබ්‍රෙව් භාෂාවෙන් නෙෆෙෂ්. “පැහැදිලි කිරීමක්” බලන්න.
^ හෝ, “මම කිසිම සවිශක්තියක් නැති කෙනෙක් වගේ.”
^ හෝ, “අබද්දොන්වලදී.” “පැහැදිලි කිරීමක්” බලන්න.
^ හෝ සමහරවිට, “ඒවා එකපාරටම මං දිහාවට ගහගෙන ආවා.”
