ගීතාවලිය 96:1-13
96 යෙහෝවා දෙවියන්ට අලුත් ගීයක් ගයන්න.+
පොළොවේ ඉන්න සියල්ලෙනි, යෙහෝවාට ගී ගයන්න.+
2 යෙහෝවාට ගී ගයන්න. ඔහුගේ නමට ප්‍රශංසා කරන්න.
ඔහු දෙන ගැලවීම ගැන ශුභාරංචිය හැම දවසකම දැනුම් දෙන්න.+
3 ඔහුගේ තේජස ගැන ජාතීන්ට ප්‍රකාශ කරන්න.ඔහු කරපු පුදුම දේවල් ගැන සියලු ජනයාට කියන්න.+
4 මොකද යෙහෝවා දෙවියන් ශ්‍රේෂ්ඨයි.හැම ප්‍රශංසාවක්ම ලබන්න වටින්නේ ඔහුයි.
ඔහු ගැන අපේ හිතේ ඇති වෙන ගරුබියවෙන කිසිම දෙවි කෙනෙක් ගැන ඇති වෙන්නේ නැහැ.
5 මිනිසුන් නමස්කාර කරන අනිත් දෙවිවරු හැමෝම කිසි වැඩකට නැති දෙවිවරු.+ඒත් මුළු අහස්තලයම නිර්මාණය කළේ යෙහෝවායි.+
6 ඔහු තේජසින්* සහ දීප්තියෙන් බැබළෙනවා.+ඔහුගේ ශුද්ධස්ථානයේ ශක්තිය සහ අලංකාරය තියෙනවා.+
7 පොළොවේ සියලු ගෝත්‍රවලට* අයිති ජනයෙනි,යෙහෝවාට ලැබෙන්න ඕනෙ ගෞරවය දෙන්න.යෙහෝවාට තියෙන තේජස සහ බලය නිසා ඔහුට ගෞරව කරන්න.+
8 යෙහෝවාගේ නමට දෙන්න ඕනෙ ගෞරවය දෙන්න.+තෑග්ගක් අරගෙන ඔහුගේ ගෘහයේ මළුවට එන්න.
9 ශුද්ධ ඇඳුම්වලින් සැරසිලා* යෙහෝවා ඉදිරියේ වැඳ වැටෙන්න.*පොළොවේ සියලු ජනයෙනි, ඔහු ඉදිරියේ බයෙන් ගැහෙන්න.
10 “යෙහෝවා රජ වෙලා”+ කියලා ජාතීන්ට දැනුම් දෙන්න.
“පොළොව ස්ථිරව පිහිටුවලා! ඒක කවදාවත් නියමිත තැනින් අයින් කරන්න බැහැ.*
ඔහු ජනයාව සාධාරණව විනිශ්චය කරනවා”*+ කියලත් ඔවුන්ට කියන්න.
11 ස්වර්ගය ප්‍රීති වේවා! පොළොව සතුටින් පිරී ඉතිරේවා!මුහුදත් ඒකේ තියෙන හැම දේමත් ප්‍රීති ඝෝෂා නඟත්වා!+
12 කෙත්වතුත් ඒවාවල තියෙන හැම දේමත් සතුටු වේවා!+
වනයේ හැම ගසකින්ම ප්‍රීති ඝෝෂා නැඟේවා!+
13 ඒ හැම දෙයක්ම යෙහෝවා ඉදිරියේ සතුටින් ඉපිල යත්වා!මොකද ඔහු පොළොව විනිශ්චය කරන්න එනවා.*
ඔහු ධර්මිෂ්ඨකමිනුත්+ අවංකකමිනුත්+පොළොවේ ඉන්න හැම කෙනෙක්වම විනිශ්චය කරයි.
පාදසටහන්
^ හෝ, “ගෞරවයෙන්.”
^ මූ.අ., “පවුල්වලට.”
^ හෝ සමහරවිට, “ඔහු ශුද්ධකමින් බැබළෙන නිසා.”
^ හෝ, “යෙහෝවාට නමස්කාර කරන්න.”
^ හෝ, “ඒක කවදාවත් කඩන් වැටෙන්නේ නැහැ.”
^ හෝ, “ජනයා වෙනුවෙන් යුක්තිය ඉටු කරනවා.”
^ හෝ, “ඇවිත් ඉන්නවා.”
