මාක් 16:1-8
-
යේසුස්ව නැවත නැඟිටුවයි (1-8)
16 සබත් දවස+ ගෙවුණාට පස්සේ මරියා මග්දලේනායි, යාකොබ්ගේ අම්මා වුණ මරියායි,+ සලෝමියි සුවඳ ද්‍රව්‍ය මිල දීලා ගත්තා. එයාලා ඒවා ගත්තේ යේසුස්ගේ දේහයේ ගාන්නයි.+
2 එයාලා සතියේ පළවෙනි දවසේ පාන්දරින්ම නැඟිටලා සොහොන් ගේ* ළඟට යන්න පිටත් වුණා. එයාලා එතනට එද්දී ඉර පායලා තිබුණා.+
3 මඟ එද්දී එයාලා එකිනෙකා අතරේ මෙහෙම කතා වුණා. “සොහොන් ගෙයි දොරකඩ ළඟ තියෙන ගල අපි කාට කියලද අයින් කරගන්නේ?”
4 ඒත් සොහොන් ගෙට ඇතුල් වෙන තැන දිහා බලද්දී එයාලා දැක්කා ඒ විශාල ගල අහකට පෙරළලා දාලා තියෙනවා.+
5 සොහොන් ගේ ඇතුළට ගියාම සුදු ඇඳුමක් ඇඳගෙන හිටපු තරුණයෙක් ඒකේ දකුණු පැත්තේ ඉඳගෙන ඉන්නවා එයාලා දැක්කා. ඒ තරුණයා දිහා එයාලා ගල්ගැහිලා වගේ බලාගෙන හිටියා.
6 එතකොට එයා මෙහෙම කිව්වා. “පුදුම වෙලා බලන් ඉන්න එපා.+ ඔයාලා හොයන්නේ කණුවක ඇණ ගහලා මරලා දාපු නාසරෙත්වල යේසුස්ව කියලා මං දන්නවා. ඔහුව මරණයෙන් නැඟිට්ටෙව්වා.+ එයාලා ඔහුව තැන්පත් කළේ මෙතන.+ ඒත් බලන්න! දැන් ඔහු මෙතන නැහැ.
7 ඔයාලා දැන් ගිහින් ඔහුගේ ගෝලයන්ටයි, පේතෘස්ටයි මෙහෙම කියන්න. ‘ඔහු ඔයාලට කලින් ගලීලයට යනවා.+ ඔහු කිව්ව විදිහටම එහෙදී ඔයාලට ඔහුව හම්බ වෙයි.’”+
8 සොහොන් ගෙයින් එළියට ආපු එයාලා වෙච්ච දේ අදහාගන්න බැරුව, බයෙන් වෙවුල වෙවුල එතනින් දුවලා ගියා. බය නිසා වෙච්ච ඒ කිසිම දෙයක් ගැන එයාලා කාටවත් කිව්වේ නැහැ.*+
පාදසටහන්
^ හෝ, “සිහි වෙන්න හදපු සොහොන් ගේ.”
