මීකා 5:1-15
5 “ප්‍රහාරයට ලක් වුණ දියණියෙනි,ඔබ ඔබේ ශරීරය කපාගෙන තුවාල කරගන්නවා.සතුරා අපිව වටලගෙන ඉන්නවා.+
ඔවුන් ඊශ්‍රායෙල් විනිශ්චයකරුගේ කම්මුලට පොල්ලකින් පහර දෙනවා.+
2 බෙත්ලෙහෙම් එෆ්‍රාතා,+යූදාවල නගර අතරින් කුඩාම* නගරය,මං වෙනුවෙන් ඊශ්‍රායෙල්වරුන්ව පාලනය කරන්න නියමිත තැනැත්තා එන්නේ ඔබෙන්.+ඔහුගේ පටන්ගැන්ම ඈත අතීතයට දිව යනවා.
3 දෙවියන් ඔවුන්ව අත්හැරලා දානවා.දරුවාව බිහි කරන්න ඉන්න ස්ත්‍රිය දරුවා බිහි කරන කල් ඔහු එහෙම කරනවා.
ඔහුගේ සහෝදරයන්ගෙන් ඉතුරු වෙන අය ආයෙත් ඊශ්‍රායෙල් සෙනඟට එකතු වෙනවා.
4 ඔහු නැඟී ඉඳලා යෙහෝවා දෙන ශක්තියෙන් සෙනඟව රැකබලා ගනියි.+ඔහු නැඟී ඉන්නේ ඔහුගේ දෙවි යෙහෝවාගේ තේජවත් නමින්.
ඔහුගේ පාලනය පොළොවේ දසත පැතිරෙන නිසා+සෙනඟ කිසි බයක් නැතුව සුරක්ෂිතව ජීවත් වෙයි.+
5 ඔහු සාමය උදා කරලා දෙයි.+
ඇසිරියානුවන් අපේ දේශය ආක්‍රමණය කරලා අපේ බලකොටු පාගලා දැම්මොත්+අපි ඔවුන්ට විරුද්ධව නැඟී ඉන්න එඬේරුන් හත්දෙනෙක්ව පත් කරනවා.අධිපතීන් අටදෙනෙක්ව පත් කරනවා.
6 ඔවුන් ඇසිරියාවට කඩුවෙන් පහර දෙයි.+නිම්රොද්ගේ+ දේශයට ඇතුල් වෙන තැනදී සෙනඟට පහර දෙයි.
ඇසිරියානුවන් අපේ දේශය ආක්‍රමණය කරද්දීඔහු ඔවුන්ගෙන් අපිව බේරගනියි.+
7 යාකොබ්ගේ පෙළපතෙන් ඉතුරු වෙන අය හුඟක් මිනිසුන් අතරේයෙහෝවා එවන පිනි වගෙත්ගස් වැල් මතට ඇද හැලෙන වර්ෂාව වගෙත් වෙයි.ඒවා මිනිසුන් මත රැඳෙන්නෙවත්මිනිසුන් ගැන බලාපොරොත්තු තියන්නෙවත් නැහැ.
8 යාකොබ්ගේ පෙළපතෙන් ඉතුරු වෙන අයහුඟක් ජාතීන් අතරෙත් මිනිසුන් අතරෙත් ඉඳියි.ඔවුන් වනසත්තු අතරේ සැරිසරන සිංහයෙක් වගේ වෙනවා.ඔවුන් හරියට බැටළු රැළවල් මතට කඩන් පැනලාඋන්ව කෑලි කෑලිවලට ඉරලා දාන තරුණ සිංහයෙක්* වගේ වෙනවා.ඔවුන්ව බේරගන්න කවුරුත්ම නැහැ.
9 ඔවුන් තමන්ගේ සතුරන්ව පරාජය කරයි.ඔවුන්ගේ හැම සතුරෙක්වම විනාශ කරලා දායි.”
10 යෙහෝවා දෙවියන් මෙහෙම කියනවා.“ඒ දවසේදී මම ඔබේ අශ්වයන්වත් අශ්ව රථත් විනාශ කරලා දානවා.
11 ඔබේ නගර සුනුවිසුනු කරලාඔබේ හැම බලකොටුවක්ම බිමට සමතලා කරනවා.
12 ඔබේ දේශයේ සිද්ධ වෙන මන්තර ගුරුකම් මම නවත්තලා දානවා.මායා බලයෙන් දේවල් කරන එක් කෙනෙක්වත් ඔබ අතරේ ඉන්න යන්නේ නැහැ.+
13 ඔබ හදාගත්ත දෙවිවරුන්ගේ රූපත් නමස්කාර කරන්න හදපු කුලුනුත් මම කඩලා දානවා.මීට පස්සේ ඔබේ අත්වලින් හදපු කිසිම දෙයක් ඉස්සරහා ඔබ වැඳ වැටෙන්නේ නැහැ.+
14 නමස්කාර කරන්න ඔබ හදාගත්ත කණු* මම ගලවලා දාලා+ඔබේ නගර හැම එකක්ම විනාශ කරනවා.
15 මට අකීකරු වුණ ජාතීන්ටදැවෙන කෝපයකින් මම දඬුවම් කරනවා.”
පාදසටහන්
^ මූ.අ., “යූදාවල දහස් ගණන් අතරේ ඉන්න තරම්වත් වටින්නේ නැති.”
^ හෝ, “කේශර සිංහයෙක්.”
^ “පැහැදිලි කිරීමක්” බලන්න.
