යෙරෙමියා 2:1-37
2 යෙහෝවා දෙවියන්ගෙන් මට පණිවිඩයක් ලැබුණා. ඔහු මට මෙහෙම කිව්වා.
2 “ගිහින් යෙරුසලමේ සෙනඟට මේ දේ කියන්න. ‘යෙහෝවා මෙහෙම කියනවා.
“තරුණ කාලේදී ඔබ මට පෙන්නපු ආදරේ* මට අමතක වෙලා නැහැ.+විවාහ ගිවිසගෙන හිටපු කාලේදී ඔබ පෙන්නපු ආදරේ මට තාමත් මතකයි.+කිසි වගාවක් නොකරපු දේශයේදී,පාළුකරයේදී ඔබ මං පස්සෙන්ම ආව විදිහ මට තාම මතකයි.+
3 යෙහෝවා ඊශ්‍රායෙල්ව සැලකුවේ ශුද්ධ කෙනෙක් විදිහටයි.+ තමන්ගේ අස්වැන්නේ මුල් පලදාව විදිහටයි.”’
‘ඔහුට හානි කරන ඕනෙම කෙනෙක් වරදකරුවෙක් වෙයි.
ඒ කෙනා පිටට විපතක් එයි’ කියලා යෙහෝවා කියනවා.”+
4 යාකොබ්ගෙන් පැවතෙන සියල්ලෙනි, සවන් දෙන්න.ඊශ්‍රායෙල් සෙනඟට අයිති හැම පවුලක්ම යෙහෝවා කියන දේට ඇහුම්කන් දෙන්න.
5 යෙහෝවා දෙවියන් මෙහෙම කියනවා.
“ඔබේ පියවරුන් මගෙන් මෙච්චර ඈත් වෙලා ගියේ මගේ මොන වරදක් නිසාද?+වැඩකට නැති රූප පස්සේ ගිහින්,+ඔවුනුත් කිසි වැඩකට නැති අය වුණා.+
6 ‘අපිව ඊජිප්තු දේශයෙන් බේරගත්ත,+කාන්තාර+ සහ වළවල් ඇති දේශයක් මැදින් අපිව ගෙනාපු,දිය පොදක් නැති,+ අන්ධකාරයෙන් වැහුණු දේශයක් මැදින් අපිව ගෙනාපු,කිසිම මිනිසෙක් ගමන් කරන්නෙවත්,ජීවත් වෙන්නෙවත් නැතිපාළුකරය මැදින් එන්න අපිට මඟ පෙන්නපුයෙහෝවාගේ උදව් අපි ඉල්ලමු’* කියලා ඔවුන් කිව්වේ නැහැ.
7 පලතුරු වතුවලින් පිරුණු දේශයකට මම ඔබව ගෙනාවා.ඒ වතුවල පලදාව කාලා දේශයේ හොඳ දේවලින් සතුටු වෙන්න මම ඔබව එහෙට ගෙනාවා.+
ඒත් ඔබ ඇවිත් මගේ දේශය අපවිත්‍ර කළා.මගේ උරුමය නාස්ති කළා.+
8 පූජකයන් ‘අපි යෙහෝවාගේ උදව් ඉල්ලමු’ කියලා කිව්වේ නැහැ.+
නීතිය උගන්නන අය මාව අඳුරගෙන හිටියේ නැහැ.එඬේරු මට විරුද්ධව කැරලිගැහුවා.+අනාගතවක්තෘවරු බාල්ගේ නමින් අනාවැකි කිව්වා.+ඔවුන් කිසිම උදව්වක් කරන්න බැරි දෙවිවරු පස්සේ ගියා.
9 ‘ඒ නිසා මම ඔබට විරුද්ධව මගේ පැමිණිල්ල ආයෙත් ඉදිරිපත් කරනවා’+ කියලා යෙහෝවා කියනවා.‘ඔබේ දරුවන්ගේ දරුවන්ට විරුද්ධවත් මගේ පැමිණිල්ල ඉදිරිපත් කරනවා.’
10 ‘කිත්තිම්වරුන්ගේ+ වෙරළබඩ ප්‍රදේශවලට ගිහින් බලන්න.
කේදාර්වලට+ පණිවිඩයක් යවලා බලන්න.මේ වගේ දෙයක් වෙලා තියෙනවාද කියලා හොඳට හොයලා බලන්න.
11 කිසිම ජාතියක් තමන්ගේ දෙවිවරුන්ව අතහැරලා වැඩකට නැති දෙවිවරු පස්සේ ගිහින් තියෙනවාද?
ඒත් මගේම සෙනඟ තේජවත් දෙවියන් වන මාව අතහැරලා කිසි වැඩකට නැති දේවල් පස්සේ යනවා.+
12 අහස්තලය, මේ දිහා පුදුමයෙන් බලන්න.බයෙන් වෙවුලන්න’ කියලා යෙහෝවා කියනවා.
13 ‘මොකද මගේ සෙනඟ වැරදි දෙකක් කළා.
ඔවුන් ජීවනය ලබා දෙන දිය උල්පත වන මාව අතහැරියා.+ඔවුන් වතුර රඳවගන්න බැරි, දිය කාන්දු වෙන පොකුණු හාරගත්තා.’*
14 ‘ඊශ්‍රායෙල් සේවකයෙක්ද? නැත්නම් ස්වාමියාගේ ගෙදර උපන් දාසයෙක්ද?
එහෙමනම් මිනිස්සු ඔහුව වහලෙක් විදිහට අරගෙන ගියේ ඇයි?
15 තරුණ කේශර සිංහයෝ ඔහුට විරුද්ධව ගොරවනවා.+උන් මහ හයියෙන් ගොරවනවා.
උන් ඔහුගේ දේශය නාස්ති කරලා තියෙන විදිහ දකින හැමෝම පුදුම වෙනවා.
එක් කෙනෙක්වත් ඉතුරු වෙන්නේ නැති විදිහට ඔහුගේ නගරවලට ගිනි තියලා.
16 නොෆ්*+ සහ තාහ්පනේස්වල+ සෙනඟ ඔබේ හිස් මුදුන කනවා.
17 ඒ දේ ඔබට කරගත්තේ ඔබම නෙමෙයිද?එහෙම වුණේ ඔබේ දෙවි වන යෙහෝවා ඔබව හරි මාර්ගයේ ගෙනියද්දීඔබ ඔහුව අතහැරලා ගිය නිසා නෙමෙයිද?+
18 ඔබ ඊජිප්තුවට යන්න ආශාවෙන් ඉන්නේ ඇයි?+ෂිහොර්* ගඟෙන් වතුර බොන්නද?
ඔබ ඇසිරියාවට යන්න ආශාවෙන් ඉන්නේ ඇයි?+යුප්‍රටීස් ගඟෙන් වතුර බොන්නද?
19 ඔබේ දුෂ්ටකම්වලින් ඔබ පාඩමක් ඉගෙනගන්න ඕනේ.ඔබේ ද්‍රෝහිකම් ඔබව නිවැරදි කරන්න ඕනේ.
ඔබේ දෙවි වන යෙහෝවාව අතහැරිය එකකොච්චර නරක, බරපතළ දෙයක්ද කියලා තේරුම්ගන්න.+ඔබ මට කිසිම ගරුබියක් පෙන්නුවේ නැහැ’+ කියලා ශ්‍රේෂ්ඨතම පාලකයාණන් සහ ස්වර්ගයේ සේනාවල අධිපති වන යෙහෝවා කියනවා.
20 ‘මොකද ගොඩක් කාලෙකට කලින් මම ඔබේ වියගහ කුඩු කරලා දැම්මා.+ඔබේ විලංගු කඩලා දැම්මා.
ඒත් ඔබ “මං ඔබට සේවය කරන්නේ නැහැ” කියලා කිව්වා.
ඔබ හැම කඳු මුදුනකම සහ සරුවට වැඩුණු හැම ගහක් යටම වැතිරිලා+ගණිකාවක් වගේ හැසිරුණා.+
21 මං හිටෙව්වේ ඉස්තරම්ම රතු මිදිවැලක්.+ ඒ මිදිවැල හොඳම බීජවලින් හැදුණ එකක්.ඒ වගේ හිටපු ඔබ මං ඉස්සරහා කිසි වැඩකට නැති මිදිවැලක් වුණේ කොහොමද? වල් මිදිවැලකින් එන අතු ඔබෙන් හටගත්තේ කොහොමද?’+
22 ‘ඔබේ ශරීරය ලුණු වතුරෙන්* හෝදගත්තත් ඔබ කොච්චර සබන් ගෑවත්ඔබේ වැරදි මැකිලා යන්නේ නැහැ. ඒවා කැළලක් වගේ මං ඉස්සරහා තියෙනවා’+ කියලා ශ්‍රේෂ්ඨතම පාලකයාණන් වන යෙහෝවා කියනවා.
23 ‘මං මාව කිලුටු කරගත්තේ නැහැ.
මං බාල් දෙවිවරු පස්සේ ගියේ නැහැ’ කියලා ඔබ කියන්නේ කොහොමද?
නිම්නයේදී ඔබ හැසිරුණ හැටි බලන්න.
ඔබ කරපු දේවල් ගැන හිතලා බලන්න.
ඔබ හරියට ඒ මේ අත ඔහේ වේගයෙන් දුවන,තරුණ ඔටුදෙනක් වගෙයි.
24 ඔබ හරියට තමන්ගේ ආශාව ඉටු කරගන්න පිරිමි සතුන්ගේ ඉව අල්ලමින් යනපාළුකරයේ ඉන්න බූරුදෙනක් වගෙයි.
ඒ ආශාවෙන් ඉද්දී ඌව පාලනය කරන්න පුළුවන් කාටද?
පිරිමි සතුන්ට ඌව හොයාගන්න මහන්සි වෙන්න ඕනෙ නැහැ.
උන්ට ඒ කාලෙට ඌව ලේසියෙන්ම හොයාගන්න පුළුවන්.
25 ඔබේ පාවහන් ගෙවිලා යන්න කලින්,උගුර කට වේළිලා යන්න කලින් දුවන එක නතර කරන්න.
ඒත් ඔබ මෙහෙම කිව්වා. ‘මට ආපහු හැරිලා එන්න බැහැ!+
මං නාඳුනන අයට* ආදරේ කරනවා.+මං ඔවුන්ගේ පස්සේ යනවා.’+
26 හොරෙක් අහු වුණාම ඔහු ලැජ්ජාවට පත් වෙන විදිහටමඊශ්‍රායෙල්වරුනුත් ලැජ්ජාවට පත් වෙලා.ඔවුනුත් ඔවුන්ගේ රජවරුනුත් අධිපතීනුත්පූජකයොත් අනාගතවක්තෘවරුනුත් ලැජ්ජාවට පත් වෙලා.+
27 ඔවුන් ගහකට ‘ඔබයි මගේ තාත්තා’ කියලත්+
ගලකට ‘ඔබයි මට ජීවිතය දුන්නේ’ කියලත් කියනවා.
ඔවුන් මං වෙතට හැරෙනවා වෙනුවට මට පිටු පානවා.+
ඔවුන් විපතකට මුහුණ දෙද්දී‘ඇවිත් අපිව බේරගන්න’ කියලා කියනවා.+
28 යූදා සෙනඟෙනි, ඔබ හදාගත්ත දෙවිවරු දැන් කොහෙද?+
ඔබ විපතකට මුහුණ දෙද්දී පුළුවන් නම් ඇවිත් ඔබව බේරගන්න කියලා ඔවුන්ට කියන්න.මොකද ඔබේ නුවරවල් ගාණට ඔබට දෙවිවරු ඉන්නවා.+
29 ‘ඔබ මට විරුද්ධව චෝදනා කරන්නේ ඇයි?
හැමෝම මට විරුද්ධව කැරලිගහන්නේ ඇයි’+ කියලා යෙහෝවා අහනවා.
30 මං ඔබේ දරුවන්ට දඬුවම් කළත් ඒකෙන් කිසිම වැඩක් වුණේ නැහැ.+
ලැබෙන හික්මවීම් ඔවුන් පිළිගන්නේ නැහැ.+දරුණු සිංහයෙක් වගේඔබ ඔබේම කඩුවෙන් ඔබේ අනාගතවක්තෘවරුන්ව මරලා දානවා.+
31 මගේ සෙනඟෙනි, යෙහෝවා කියන දේ හිතට ගන්න.
මම ඊශ්‍රායෙල්වරුන්ට පාළුකරයක් වගේ වුණාද?නැත්නම් ඝනාන්ධකාරයෙන් වැහුණු දේශයක් වගේ වුණාද?
එහෙමනම් ‘අපි නිදහසේ එහේ මෙහේ යනවා.
අපි ආයෙත් ඔබ ළඟට එන්නේ නැහැ’+ කියලා මගේ සෙනඟ කියන්නේ ඇයි?
32 තරුණියකට ඇගේ ආභරණවත්මනාලියකට ඇගේ ලස්සන ඉණපටිවත්* අමතක වෙයිද?
ඒත් මගේම සෙනඟට මාව අමතක වෙලා දැන් ගොඩක් කල් ගිහින්.+
33 “ස්ත්‍රිය,* ඔබ ආදරය දිනාගන්න කොච්චර දක්ෂ විදිහට සැලසුම් කළාද!
ඔබ ඔබවම පුහුණු කරගත්තේ දුෂ්ට දේවල් කරන්නයි.+
34 ඔබේ ඇඳුම්වල පවා අහිංසක, දුප්පත් අයගේ ලේ ගෑවිලා.+ඒ අය ඔබේ ගෙවල්වලට කඩාවැදෙනවා මං දැක්කේ නැහැ.එහෙමනම් ඒ අයගේ ලේ ඔබේ ඇඳුම්වල ගෑවුණේ කොහොමද?+
35 ඒත් ඔබ කියනවා ‘මං හරි අහිංසකයි.
මට විරුද්ධව ඇවිළුණ ඔහුගේ කේන්තිය නිවිලා ගිහින් ඇති’ කියලා.
‘මං වැරදි කළේ නැහැ’ කියලා ඔබ කියන නිසාඔබට විරුද්ධව තීන්දු කරපු දේ දැන් මං ඉටු කරනවා.
36 ඔබ නිතරම වෙනස් වෙන්නේ ඇයි? හැම දෙයක්ම සැහැල්ලුවට ගන්නේ ඇයි?
ඇසිරියාව නිසා ලැජ්ජාවට පත් වුණ විදිහටම+ඊජිප්තුව නිසාත් ඔබ ලැජ්ජාවට පත් වෙයි.+
37 ඒ හේතුව නිසා ඔබ ලැජ්ජාවෙන් ඔළුව උඩ අත් දෙක තියාගෙන පිටත් වෙනවා.+මොකද ඔබ විශ්වාසය තිබ්බ අයව යෙහෝවා ප්‍රතික්ෂේප කළා.ඔවුන්ගෙන් ඔබට කිසිම උදව්වක් ලැබෙන්නේ නැහැ.”
පාදසටහන්
^ හෝ, “නොසැලෙන ආදරේ.” “පැහැදිලි කිරීමක්” බලන්න.
^ මූ.අ., “යෙහෝවා කොහෙද?”
^ සමහරවිට මේවා පර්වත හාරලා හදාගන්න ඇති.
^ හෝ, “මෙම්ෆිස්.”
^ ඒ කියන්නේ නයිල් ගඟේ අතු ගංගාවක්.
^ හෝ, “ආප්ප සෝඩාවලින්.”
^ හෝ, “වෙනත් දෙවිවරුන්ට.”
^ මනාලියක් පලඳින වැඩ දාපු පටි.
^ මෙතන කතා කරන්නේ යෙරුසලම ගැනයි.
