යෙරෙමියා 30:1-24
-
ආපහු ගොඩනඟලා සුව කරනවා කියලා දුන්න පොරොන්දුව (1-24)
30 යෙහෝවා දෙවියන්ගෙන් යෙරෙමියාට මේ පණිවිඩය ලැබුණා.
2 “ඊශ්‍රායෙල්වරුන්ගේ දෙවි වන යෙහෝවා මෙහෙම කියනවා. ‘මං ඔයාට කියන හැම දෙයක්ම ලියවිල්ලක ලියාගන්න.
3 “බලන්න! වහලුන් විදිහට ඉන්න මගේ සෙනඟ වන ඊශ්‍රායෙල්වරුන්වයි, යූදා සෙනඟවයි මම එකට එකතු කරගන්න කාලයක් එනවා”+ කියලා යෙහෝවා කියනවා. “මම ඔවුන්ගේ මුතුන්මිත්තන්ට දුන්න දේශයට ඔවුන්ව ආපහු ගේනවා. ඔවුන් ඒ දේශය ආයෙත් අයිති කරගන්නවා”+ කියලා යෙහෝවා කියනවා.’”
4 යෙහෝවා ඊශ්‍රායෙල්වරුන්ටයි, යූදා සෙනඟටයි කියපු දේවල් තමයි මේ.
5 යෙහෝවා දෙවියන් මෙහෙම කියනවා.
“බයෙන් කෑගහන හඬක් අපිට ඇහුණා.භීතිය හැම තැනම පැතිරිලා. සාමය පේන මානෙකවත් නැහැ.
6 පුරුෂයෙක්ට දරුවෙක්ව බිහි කරන්න පුළුවන්ද කියලා අහලා බලන්න.
එහෙමනම් ශක්තිමත් පුරුෂයන් හැමෝම දරුවෙක් බිහි කරන ස්ත්‍රියක් වගේතුනටියට* අත තියාගෙන ඉන්නවා මට පේන්නේ ඇයි?+
හැමෝගෙම මුහුණු සුදුමැලි වෙලා තියෙන්නේ ඇයි?
7 අනේ, ඒ දවස කොච්චර භයානක දවසක් වෙයිද!+
කවදාවත් ඒ වගේ දවසක් තිබිලා නැහැ.ඒක යාකොබ්ට දුක් විඳින්න වෙන කාලයක්.
ඒත් ඔහුව ඒකෙන් බේරගන්නවා.”
8 ස්වර්ගයේ සේනාවල අධිපති වන යෙහෝවා මෙහෙම කියනවා. “ඒ දවසේදී ඔබේ කර පිට තියලා තියෙන වියගහ මම කඩලා දානවා. ඒකේ පටි මම දෙකට කඩනවා. ඊටපස්සේ විදේශිකයන්* ආයේ ඔහුව* දාසකමට ගෙනියන්නේ නැහැ.
9 ඔවුන් තමන්ගේ දෙවි වන යෙහෝවාට සේවය කරයි. ඔවුන්ගේ රජ විදිහට මං පත් කරන දාවිත්ට ඔවුන් සේවය කරයි.”+
10 යෙහෝවා මෙහෙම කියනවා. “මගේ සේවකයා වන යාකොබ්, බය වෙන්න එපා.ඊශ්‍රායෙල්, බයෙන් වෙවුලන්න එපා.+
මොකද දුර ඈත දේශයකට ගෙනියන ඔබව මම බේරගන්නවා.වහලුන් විදිහට ජීවත් වෙන ඔබේ දරුවන්ව මම බේරගන්නවා.+
යාකොබ් ආපහු ඇවිත් කරදරයක් නැතුව සැනසිල්ලේ ජීවත් වෙයි.කවුරුත් ඔවුන්ව බයගන්වන්නේ නැහැ.”+
11 “ඔබව බේරගන්න මම ඔබ එක්කම ඉන්නවා” කියලා යෙහෝවා කියනවා.
“මම ඔබව විසුරුවාහැරිය දේශවල ඉන්න හැම ජාතියක්වම නැත්තටම නැති කරනවා.+ඒත් මම ඔබව විනාශ කරන්නේ නැහැ.+
ඔබට දඬුවම් නොකර ඉන්නෙත් නැහැමම ඔබව සුදුසු ප්‍රමාණයට හික්මවනවා.”*+
12 යෙහෝවා මෙහෙම කියනවා.
“ගොඩ එන්න බැරි විදිහට ඔබ වැටිලා ගිහින්.+
ඔබේ තුවාලය සුව කරන්න බැහැ.
13 ඔබ වෙනුවෙන් කතා කරන්න කවුරුත් නැහැ.ඔබේ තුවාලය සුව කරන්න විදිහක් නැහැ.
ඔබට කිසිම සුවයක් නැහැ.
14 ඔබේ පෙම්වතුන්ට ඔබව අමතක වෙලා.+
ඔවුන් ආයේ ඔබව හොයාගෙන එන්නේ නැහැ.
මොකද සතුරෙක් පහර දෙනවා වගේ මම ඔබට පහර දුන්නා.+කුරිරු කෙනෙක් වගේ මම ඔබට දඬුවම් කළා.මම එහෙම කළේ ඔබ ගොඩක් වැරදි කරපු නිසයි. ඔබ හුඟක් පව්කාර දේවල් කරපු නිසයි.+
15 ඔබේ වැටීම ගැන ඔබ අඬා වැලපෙන්නේ මොකටද?
ඔබට දැනෙන වේදනාව නැති වෙන්නේ නැහැ.
මම මේ දේ ඔබට කළේ ඔබ ගොඩක් වැරදි කරපු නිසයි.+ඔබ හුඟක් පව්කාර දේවල් කරපු නිසයි.
16 ඔබව විනාශ කරන අයව සතුරෙක් විනාශ කරලා දානවා.+ඔබේ සතුරන් හැමෝවමත් වහල්කමට ගෙනියනවා.+
ඔබව කොල්ල කන අයවත් කොල්ල කනවා.ඔබට අයිති දේවල් පැහැරගන්න අයව මම කොල්ලකරුවන්ගේ අතට භාර දෙනවා.”+
17 “පන්නලා දැම්ම තැනැත්තියක් විදිහට ඔබව සලකයි.‘කවුරුත් හොයලා බලන්නේ නැති සියොන්’+ කියලා ඔබව හඳුන්වයි.
ඒත් මම ඔබව සුව කරනවා. ඔබේ තුවාල සනීප කරනවා”+ කියලා යෙහෝවා කියනවා.
18 යෙහෝවා මෙහෙම කියනවා.
“මම ආපහු යාකොබ්ගේ කූඩාරම්වලට ඇවිල්ලා වහලුන්ව එකට එකතු කරගන්නවා.+ඔහු වාසය කරන තැන්වලට අනුකම්පාව පෙන්නනවා.
නගරය තිබුණ කන්ද මතම ඒක ආපහු ගොඩනඟනවා.+ඒකේ බලකොටුව තිබුණ තැනම ආපහු ඉදි කරනවා.
19 ස්තුති ගී ගයන හඬත් සතුටින් හිනා වෙන හඬත් ඔවුන් අතරින් ඇහෙයි.+
මම ඔවුන්ව ගණනින් වැඩි කරනවා. ඔවුන්ගේ ගාණ අඩු වෙන්න දෙන්නේ නැහැ.+මම ඔවුන්ව විශාල සෙනඟක් කරනවා.*ඔවුන් කුඩා සෙනඟක් වෙන්නේ නැහැ.+
20 යාකොබ්ගේ පුතුන් කලින් වගේම සැපට ජීවත් වෙයි.මං ඉස්සරහා ඔවුන් ශක්තිමත් සෙනඟක් වෙයි.+
ඔහුට පීඩා කරපු හැමෝටම මම දඬුවම් කරනවා.+
21 ඔහුගෙන්ම පැවතෙන කෙනෙක් ඔහුගේ උත්තමයා වෙනවා.ඔහුගේ පාලකයා එන්නේ ඔහු අතරින්මයි.
මං ළඟට එන්න ඒ කෙනාට මම අවසර දෙනවා. ඒ කෙනා මං ළඟට එයි.”
“ඇත්තටම මගේ අවසරය නැතුව මං ළඟට එන්න ඉදිරිපත් වෙන්නේ කවුද” කියලා යෙහෝවා අහනවා.
22 “ඔබ මගේ සෙනඟ වෙනවා.+ මම ඔබේ දෙවියන් වෙනවා.”+
23 බලන්න! යෙහෝවාගේ කේන්තිය සුළි කුණාටුවක් වගේ හමාගෙන එනවා.+ඒක සුළිසුළඟක් වගේ ඇවිත් දුෂ්ටයාගේ ඔළුවට කඩා වැටෙනවා.
24 යෙහෝවා කරන්න හිතපු දේ කරලා ඉවර වෙන කල්ඇවිළෙන ඔහුගේ කේන්තිය නිවිලා යන්නේ නැහැ.+
අවසාන කාලේදී ඔබ ඒ ගැන තේරුම්ගනියි.+
පාදසටහන්
^ හෝ, “බඩට.”
^ හෝ, “නාඳුනන අය.”
^ හෝ, “ඔවුන්ව.”
^ හෝ, “නිවැරදි කරනවා.”
^ හෝ සමහරවිට, “ගෞරවය දිනාගත්ත සෙනඟක් කරනවා.”
