යෙරෙමියා 39:1-18
39 යූදාවල රජ වුණ ශෙදකියා පාලනය කරපු නමවෙනි අවුරුද්දේ දහවෙනි මාසේ බැබිලෝනියේ රජ වන නෙබුකද්නෙෂර්* සහ එයාගේ මුළු හමුදාවම යෙරුසලමට ඇවිත් ඒක වැටලුවා.+
2 ශෙදකියා පාලනය කරපු 11වෙනි අවුරුද්දේ හතරවෙනි මාසේ නමවෙනි දවසේදී හමුදාව නගරයේ පවුර කඩලා දැම්මා.+
3 බැබිලෝනියේ රජගේ අධිපතීන් හැමෝම නගරයට ඇතුල් වෙලා මැද දොරටුව ළඟ ඉඳගත්තා.+ ඒ කියන්නේ සම්ගර් කියන තනතුර දරන නේර්ගල්ෂරෙෂෙර්, රබ්සාරිස්* කියන තනතුර දරන නෙබෝසර්සෙකිම්, රබ්මග්* කියන තනතුර දරන නේර්ගල්ෂරෙෂෙර් සහ අනිත් අධිපතීන් හැමෝම ගිහින් දොරටුව ළඟ ඉඳගත්තා.
4 එයාලව දැකලා යූදාවල රජ වුණ ශෙදකියාත් සෙබළු හැමෝමත් පැනලා දිව්වා.+ රාත්‍රියේදී එයාලා රජගේ උයන හරහා ගිහින් තාප්ප දෙක අතරේ තිබුණ දොරටුවෙන් පිට වෙලා නගරයෙන් පැනලා ගියා. අරබා නිම්නයට යන පාරේ එයාලා දිගටම ගියා.+
5 ඒත් කල්දිවරුන්ගේ හමුදාව එයාලා පස්සෙන් පන්නගෙන ගිහිල්ලා යෙරිකෝවට කිට්ටුවෙන් තියෙන පාළුකරයේදී ශෙදකියාව අල්ලගත්තා.+ ඊටපස්සේ කල්දිවරුන්ගේ හමුදාව හමාත් දේශයේ+ රිබ්ලාවල+ හිටපු බැබිලෝනියේ රජ වන නෙබුකද්නෙෂර්* ළඟට එයාව අරගෙන ගියා. රජ එහෙදී ශෙදකියාට ලැබෙන්න ඕනෙ දඬුවම නියම කළා.
6 බැබිලෝනියේ රජ ශෙදකියාගේ පුතාලව එයා ඉස්සරහම රිබ්ලාවලදී මරලා දැම්මා. යූදාවල වංශවත් අයවත් මරලා දැම්මා.+
7 ඊටපස්සේ බැබිලෝනියේ රජ ශෙදකියාගේ ඇස් අන්ධ කරලා එයාට තඹ විලංගු දාලා එයාව බැබිලෝනියට අරගෙන ගියා.+
8 කල්දිවරු රජමාලිගාවයි, සෙනඟගේ ගෙවල් දොරවලුයි ගිනි තියලා විනාශ කරලා දැම්මා.+ යෙරුසලමේ පවුරුත් කඩලා දැම්මා.+
9 ආරක්ෂක නිලධාරීන්ගේ ප්‍රධානියා වුණ නෙබුෂරදාන්+ නගරයේ ඉතුරු වෙලා හිටපු හැමෝවමයි, එයාට යටත් වුණ අයවයි, නගරය අවට ඉතුරු වෙලා හිටපු අනිත් අයවයි වහලුන් විදිහට බැබිලෝනියට අරන් ගියා.
10 ඒත් කිසිම දෙයක් නැති, දුප්පත්ම අයගෙන් සමහරදෙනෙක්ව ආරක්ෂක නිලධාරීන්ගේ ප්‍රධානියා වුණ නෙබුෂරදාන් යූදා දේශයේ තියලා ගියා. ඒ අයට වගා කරන්න කියලා එදා එයා මිදිවතු සහ කෙත්වතු භාර දුන්නා.*+
11 බැබිලෝනියේ රජ වන නෙබුකද්නෙෂර්* යෙරෙමියා ගැන මේ වගේ අණක් ආරක්ෂක නිලධාරීන්ගේ ප්‍රධානියා වුණ නෙබුෂරදාන්ට දුන්නා.
12 “එයාව ඔයාගේ භාරයට අරගෙන එයාව බලාගන්න. එයාට කරදරයක් කරන්න එපා. එයා ඉල්ලන ඕනෙම දෙයක් දෙන්න.”+
13 ඉතින් ආරක්ෂක නිලධාරීන්ගේ ප්‍රධානියා වුණ නෙබුෂරදාන්, රබ්සාරිස් කියන තනතුර දරන නෙබුෂෂ්බාන්, රබ්මග් කියන තනතුර දරන නේර්ගල්ෂරෙෂෙර් සහ බැබිලෝනියේ රජගේ ප්‍රධානීන් හැමෝම මිනිස්සුන්ව යවලා
14 මුරකරුගේ මළුවේ රඳවලා හිටපු යෙරෙමියාව නිදහස් කළා.+ ඊටපස්සේ එයාලා යෙරෙමියාව ෂාපාන්ගේ+ පුතා වුණ අහිකාම්ගේ+ පුත් ගෙදලියාට+ භාර දුන්නා. එහෙම කළේ එයාට ගෙදලියාගේ ගෙදර ඉන්න පුළුවන් වෙන්නයි. ඉතින් යෙරෙමියා සෙනඟ අතරේ ජීවත් වුණා.
15 යෙරෙමියාව මුරකරුගේ මළුවේ රඳවලා හිටපු කාලේදී+ එයාට යෙහෝවාගෙන් මේ පණිවිඩය ලැබුණා.
16 “ගිහින් ඉතියෝපිය ජාතික ඒබෙද්මෙලෙක්ට+ මේ දේ කියන්න. ‘ස්වර්ගයේ සේනාවල අධිපති සහ ඊශ්‍රායෙල්වරුන්ගේ දෙවි වන යෙහෝවා මෙහෙම කියනවා. “මේ නගරයට යහපතක් කරනවා වෙනුවට විපත්ති ගේනවා කියලා මං කියපු දේ මං ඒ විදිහටම ඉටු කරනවා. ඒක වෙන දවසේදී ඔයා ඒක දකියි.”’
17 “‘ඒත් එදාට මම ඔයාව බේරගන්නවා’ කියලා යෙහෝවා කියනවා. ‘ඔයා බයෙන් ඉන්න මිනිස්සුන්ගේ අතට ඔයාව භාර දෙන්නේ නැහැ.’
18 “‘මම ඔයාට බේරෙන්න විදිහක් පෙන්නලා දෙනවා. ඔයා කඩුවෙන් මැරුම් කන්නේ නැහැ. ඔයා මං ගැන විශ්වාසය තිබ්බ නිසා+ ඔයාගේ ජීවිතය වස්තුවක් වගේ ආරක්ෂා කරලා දෙනවා’+ කියලා යෙහෝවා කියනවා.”
පාදසටහන්
^ මූ.අ., “නෙබුකද්රෙෂර්.” ඒ නම ලියන වෙන විදිහක්.
^ හෙබ්‍රෙව් වචන වෙනස් විදිහකට බෙදුවොත් මේ කොටස සඳහන් වෙන්නේ මෙහෙමයි. “නේර්ගල්ෂරෙෂෙර්, සම්ගර්නෙබෝ, සර්සෙකිම්, රබ්සාරිස්.”
^ හෝ, “මායාකාරයන්ගේ ප්‍රධානියා (ජ්‍යෝතිශ්ශස්ත්‍රඥයා).”
^ මූ.අ., “නෙබුකද්රෙෂර්.” ඒ නම ලියන වෙන විදිහක්.
^ හෝ සමහරවිට, “වැඩ කරන්න නියම කළා.”
^ මූ.අ., “නෙබුකද්රෙෂර්.” ඒ නම ලියන වෙන විදිහක්.
