යෙරෙමියා 46:1-28
46 ජාතීන් ගැන යෙහෝවා දෙවියන්ගෙන් අනාගතවක්තෘ යෙරෙමියාට මේ පණිවිඩය ලැබුණා.+
2 මුලින්ම ලැබුණේ යුප්‍රටීස් ගඟ ළඟ හිටපු ඊජිප්තුවේ+ රජ වුණ පාරාවෝ නෙකෝගේ+ හමුදාව ගැන පණිවිඩයයි. යොෂියාගේ පුතා වුණ යෙහෝයාකිම් යූදාවල රජකම් කරපු හතරවෙනි අවුරුද්දේදී+ බැබිලෝනියේ රජ වුණ නෙබුකද්නෙෂර්* කර්කෙමිෂ්වලදී ඊජිප්තුවේ රජව පරාජය කළා. ඔහුගේ හමුදාව ගැන ලැබුණ පණිවිඩය තමයි මේ.
3 “ඔබේ කුඩා පලිස්* සහ විශාල පලිස් සූදානම් කරගන්න.ඒවා අරගෙන සටනට යන්න.
4 අසරුවෙනි, අශ්වයන්ව සූදානම් කරගෙන උන් පිට නැඟලා යන්න.
යුද්ධයට පෙළ ගැහෙන්න. හිස්වැසුම් පැලඳගන්න.
හෙල්ලයේ තුඩ හොඳින් උල් කරගෙන යුද ඇඳුම් ඇඳගන්න.
5 ‘ඔවුන් බයෙන් වෙවුලන හැටි මට පේනවා. ඒ ඇයි?
ඔවුන් පසුබහිනවා. ඔවුන්ගේ යුධ දක්ෂයෝ පරාජයට පත් වෙලා.
ඔවුන් බයේ පැනලා දිව්වා. ඔවුන්ගේ යුධ දක්ෂයෝ පස්ස නොබලා පැනලා දිව්වා.
භීතිය හැම තැනම පැතිරිලා’ කියලා යෙහෝවා කියනවා.
6 ‘වේගවත්ම අයටවත් පලා යන්න බැහැ. යුධ දක්ෂයන්ටවත් බේරෙන්න බැහැ.
උතුරු දෙසින් ඇති යුප්‍රටීස් ගංඉවුරේදී,ඔවුන් හැමෝම වැටිලා ගියා.’+
7 දෙගොඩ තලා යන ජල කඳක් වගේ,පිටාර ගලන නයිල් ගංගාව වගේ මේ එන්නේ කවුද?
8 නයිල් ගඟ වගේ එන්නේ ඊජිප්තුවරුනුයි.+දෙගොඩ තලා යන ජල කඳක් වගේ එන්නේ ඔවුනුයි.‘මම ගිහින් මුළු පොළොවම යටත් කරගන්නවා.
නගරයත් ඒකේ වැසියන්වත් විනාශ කරනවා’ කියලා ඔවුන් කියනවා.
9 අසරුවෙනි, යුද්ධයට යන්න.
අශ්ව රථ සේනාවෙනි, ඔබේ රථ වේගයෙන් පදවන්න.
යුධ දක්ෂයෙනි, ඉදිරියට යන්න.පලිස් හොඳින් හසුරුවන කූෂ් සහ පූට් ජාතිකයෙනි,+ ඉදිරියට යන්න.දක්ෂ විදිහට දුන්න නමලා විදින්න සූදානමින් ඉන්න ලූදිම්වරුනි,+ ඉදිරියට යන්න.+
10 “ඒ දවස අයිති ශ්‍රේෂ්ඨතම පාලකයාණන් සහ ස්වර්ගයේ සේනාවල අධිපති වන යෙහෝවාටයි. ඒ දවස ඔහුගේ සතුරන්ට දඬුවම් කරන දවසයි. කඩුව තෘප්තියට පත් වෙන කල් ඔවුන්ව ගිලලා දානවා. පිපාසය නිවෙන කල් ඔවුන්ගේ ලේ බොනවා. මොකද ශ්‍රේෂ්ඨතම පාලකයාණන් සහ ස්වර්ගයේ සේනාවල අධිපති වන යෙහෝවා, උතුරු දේශයේ යුප්‍රටීස් ගඟ+ ළඟ පූජාවක් සූදානම් කරලා තියෙනවා.
11 කන්‍යා දියණිය වන ඊජිප්තුව,බෝල්සම් තෛලය ලබාගන්න ගිලියද්වලට යන්න.+
ඔබ සුවය ලබාගන්න කොච්චර උත්සාහ කළත් වැඩක් වෙන්නේ නැහැ.මොකද ඔබට කිසිම සුවයක් ලැබෙන්නේ නැහැ.+
12 ඔබට අත් වුණ නින්දාව ගැන ජාතීන්ට ආරංචි වෙලා.+ඔබේ වැලපීමේ හඬ දේශය පුරාම පැතිරිලා.
යුධ දක්ෂයෝ එකිනෙකාගේ ඇඟේ හැප්පිලා,එකට ඇදගෙන වැටෙනවා.”
13 ඊජිප්තු දේශයට පහර දෙන්න එන බැබිලෝනියේ රජ වන නෙබුකද්නෙෂර්* ගැන අනාගතවක්තෘ යෙරෙමියාට යෙහෝවා මේ පණිවිඩය දුන්නා.+
14 “මේ ගැන ඊජිප්තුවේදී ප්‍රකාශ කරන්න. මිග්දෝල්වලදී දැනුම් දෙන්න.+
නොෆ්වලදීත්* තාහ්පනේස්වලදීත්+ මේ ගැන කියන්න.
‘පෙළ ගැහිලා යුද්දෙට සූදානම් වෙන්න.මොකද ඔබ වටේ තියෙන හැම දෙයක්ම කඩුව ගිලලා දානවා.
15 දිය පහරකට ගහගෙන යනවා වගේ ඔබේ ශක්තිමත් පුරුෂයෝ ගහගෙන ගියේ ඇයි?
ඒකට විරුද්ධව ඉන්න ඔවුන්ට බැරි වුණා.මොකද යෙහෝවා ඔවුන්ව තල්ලු කරලා දැම්මා.
16 ඔවුන්ගෙන් ලොකු පිරිසක් වැටිලා යනවා.
ඔවුන් මෙහෙම කතා වෙයි.
“නැඟිටින්න! දරුණු කඩු පහරින් බේරිලා,අපි අපේ සෙනඟ ළඟටත් අපේ දේශයටත් පැනලා යමු.”’
17 එහෙදී ඔවුන් මෙහෙම කිව්වා.‘ඊජිප්තුවේ රජ වන පාරාවෝ බොරුවට කියවනවා විතරයි.ඔහු අවස්ථාවෙන්* ප්‍රයෝජන ගත්තේ නැහැ.’+
18 ස්වර්ගයේ සේනාවල අධිපති වන යෙහෝවා කියලා හඳුන්වන රජාණන් මෙහෙම කියනවා. ‘ඔහු* අනිවාර්යයෙන්ම එනවා කියලා ජීවමාන දෙවි වන මම කියනවා.කඳු අතරේ තියෙන තාබෝර්+ කන්ද වගේ ඔහුගේ පැමිණීම හැමෝම දකිනවා.මුහුද ළඟ තියෙන කර්මෙල්+ කන්ද වගේ ඒක හැමෝම දකිනවා.
19 ඊජිප්තුවේ ජීවත් වෙන දියණිය,බඩු මලු බැඳගෙන වහල්කමට යන්න ලෑස්ති වෙන්න.
මොකද නොෆ්* නගරයට වෙන දේ දැක්කාම හැමෝම බය වෙනවා.ඒකට ගිනි තියලා දානවා.* ඒකේ කිසිම කෙනෙක් ඉතුරු වෙන්නේ නැහැ.+
20 ඊජිප්තුව හොඳ පෙනුමක් තියෙන වැස්සියක් වගෙයි.ඒත් උතුරු දෙසින් එන ගඩු මැස්සන්ගෙන් ඇය පහර කනවා.
21 ඇය අතරේ ඉන්න කුලියට ගත්ත සෙබළුනුත් තර කරපු වස්සන් වගෙයි.ඒත් ඔවුන් හැමෝම පසුබැහැලා පලා ගියා.
විරුද්ධව ඉන්න තරම් ශක්තියක් ඔවුන්ට නැහැ.+මොකද ඔවුන් විනාශ වෙන දවස ඇවිල්ලා.ඔවුන්ට විනිශ්චය ලැබෙන දවස ඇවිල්ලා.’
22 ‘ඇගේ කටහඬ හරියට සර්පයෙක් ලිස්සලා යද්දී නැඟෙන හඬ වගෙයි.මොකද සතුරන්, ගස් කපලා දාන මිනිස්සු වගේපොරෝ අරගෙන ඇය පස්සෙන් එනවා.
23 ඔවුන් ඇගේ වනාන්තර කපලා දානවා. ඒවාට ඇතුල් වෙන්න බැහැ කියලා පෙනුණත් ඔවුන් ඒවා කපලා දානවා’ කියලා යෙහෝවා කියනවා.
‘ඔවුන්ගේ ගාණ පළඟැටියන්ගේ ගාණටත් වඩා වැඩියි. කාටවත් ඔවුන්ව ගණන් කරන්න බැහැ.
24 ඊජිප්තු දියණියව ලැජ්ජාවට පත් කරනවා.
උතුරෙන් එන සෙනඟ අතට ඇයව භාර දෙනවා.’+
25 “ස්වර්ගයේ සේනාවල අධිපති සහ ඊශ්‍රායෙල්වරුන්ගේ දෙවි වන යෙහෝවා මෙහෙම කියනවා. ‘නෝ* නගරයේ+ දෙවියා වන ආමොන්ටත්+ පාරාවෝටත් ඊජිප්තුවටත් ඇගේ දෙවිවරුන්ටත්+ ඇගේ රජවරුන්ටත් පාරාවෝ ගැන විශ්වාසය තියන හැමෝටමත් දඬුවම් කරන්න මම දැන් පියවර ගන්නවා.’+
26 “‘ඔවුන්ව මරලා දාන්න හොයන අයගේ අතටත් බැබිලෝනියේ රජ වන නෙබුකද්නෙෂර්ගේ*+ අතටත් ඔහුගේ සේවකයන්ගේ අතටත් මම ඔවුන්ව භාර දෙනවා. ඒත් කාලයක් ගියාම කලින් වගේම සෙනඟ ආපහු ඊජිප්තුවේ ජීවත් වෙනවා’ කියලා යෙහෝවා කියනවා.+
27 ‘ඒත් මගේ සේවකයා වන යාකොබ්, බය වෙන්න එපා.ඊශ්‍රායෙල්, බයෙන් වෙවුලන්න එපා.+
මොකද දුර ඈත දේශයකට ගෙනියන ඔබව මම බේරගන්නවා.වහලුන් විදිහට ඉන්න ඔබේ දරුවන්ව මම ගලවගන්නවා.+
යාකොබ් ආපහු ඇවිත් කරදරයක් නැතුව සැනසිල්ලේ ජීවත් වෙනවා.කවුරුත් ඔවුන්ව බයගන්වන්නේ නැහැ.+
28 ඉතින් මගේ සේවකයා වන යාකොබ්, බය වෙන්න එපා’ කියලා යෙහෝවා කියනවා. ‘මොකද මම ඔබ එක්කම ඉන්නවා.
මම ඔබව විසුරුවාහැරිය දේශවල ඉන්න හැම ජාතියක්ම නැත්තටම නැති කරනවා.+ඒත් මම ඔබව විනාශ කරන්නේ නැහැ.+
ඔබට දඬුවම් නොකර ඉන්නෙත් නැහැ.මම ඔබව සුදුසු ප්‍රමාණයට හික්මවනවා.’”*+
පාදසටහන්
^ මූ.අ., “නෙබුකද්රෙෂර්.” ඒ නම ලියන වෙන විදිහක්.
^ දුනුවායන් පාවිච්චි කරපු එකක්.
^ මූ.අ., “නෙබුකද්රෙෂර්.” ඒ නම ලියන වෙන විදිහක්.
^ හෝ, “මෙම්ෆිස්වලදීත්.”
^ හෝ, “පියවර ගන්න තිබුණ වෙලාවෙන්.”
^ ඒ කියන්නේ ඊජිප්තුව පරාජය කරන කෙනා.
^ හෝ, “මෙම්ෆිස්.”
^ හෝ සමහරවිට, “ඒක පාළු තැනක් වෙනවා.”
^ ඒ කියන්නේ තීබ්ස්.
^ මූ.අ., “නෙබුකද්රෙෂර්ගේ.” ඒ නම ලියන වෙන විදිහක්.
^ හෝ, “නිවැරදි කරනවා.”
