යෙසායා 11:1-16
11 යෙස්සේගේ+ කඳෙන් රිකිල්ලක්+ හටගන්නවා.ඔහුගේ මුල්වලින් අංකුරයක්+ හටගෙන පල දරනවා.
2 ඔහුට යෙහෝවා දෙවියන්ගේ බලය ලැබෙයි. ඒ බලයෙන් ඔහු පිරිලා ඉතිරිලා යයි.+ඒ නිසා ඔහු ප්‍රඥාවෙන්+ සහ අවබෝධයෙන් වැඩ කරයි.නැණවත් මඟ පෙන්වීම් ලබා දෙයි. එඩිතරව වැඩ කරයි.+ඔහුට දැනුමෙන් කිසිම අඩුවක් නැහැ. ඔහු යෙහෝවා ගැන ගරුබිය ඇතුව වැඩ කරයි.
3 යෙහෝවාට ගරුබිය දැක්වීමෙන් ඔහු ලොකු සතුටක් ලබයි.+
ඔහු මතුපිටින් දකින දේ අනුව විනිශ්චය කරන්නේ නැහැ.යමක් ඇසුණු පමණින් නිවැරදි කරන්න ඔහු ඉක්මන් වෙන්නේ නැහැ.+
4 ඔහු අසරණ අයට සාධාරණ විනිශ්චයක් දෙයි.*පොළොවේ ඉන්න නිහතමානී අයව ආරක්ෂා කරන්න ඔහු සාධාරණ තීන්දු දෙයි.
ඔහුගේ කටින් පිට වෙන වදන් හරියට දණ්ඩක් වගේ. ඔහු ඒවායින් පොළොවට පහර දෙයි.+ඔහුගේ කටින් පිට වෙන හුස්මෙන් ඔහු දුෂ්ටයාව මරලා දායි.+
5 ධර්මිෂ්ඨකම ඔහුගේ ඉණපටිය වගෙත්විශ්වාසවන්තකම ඔහුගේ බඳ පටිය වගෙත් වෙයි.+
6 වෘකයා බැටළු පැටියා එක්ක කල් ගෙවයි.+එළු පැටියා දිවියා එක්ක එකට ලගියි.වහු පැටියායි, සිංහයායි, තර සතායි එකට ලගියි.*+කුඩා දරුවෙක් උන්ට මඟ පෙන්නයි.
7 එළදෙනත් වැලහින්නත් එකට තණ කයි.උන්ගේ පැටවුන් එකට ලගියි.
සිංහයා ගොනා වගේ පිදුරු කයි.+
8 කිරි බොන දරුවා නයාගේ තුඹස උඩ සෙල්ලම් කරයි.මව්කිරි බොන කාලේ පහු කරපු දරුවෙක් විෂ සර්පයෙක්ගේ ගුලට අත දායි.
9 මගේ ශුද්ධ කන්දේ කොතැනකදීවත් කවුරුත්* කාටවත් හානියක් කරන්නෙවත්+විනාශයක් කරන්නෙවත් නැහැ.+මොකද ජලයෙන් මුහුද පිරිලා තියෙනවා වගේයෙහෝවා ගැන දැනුමෙන් මුළු පොළොවම පිරිලා තියෙයි.+
10 ඒ දවසේදී සෙනඟට ලකුණක්* විදිහට යෙස්සේගේ මුල+ නැඟිට සිටියි.+
ජාතීන් මඟ පෙන්වීම් පතා ඔහු වෙතට හැරෙයි.+ඔහුගේ වාසස්ථානය තේජසින් පිරිලා යයි.
11 ඒ දවසේදී යෙහෝවා දෙවෙනි පාරටත් ඔහුගේ අත දික් කරලා ඉතුරු වෙලා ඉන්න ඔහුගේ සෙනඟව ආයෙත් එකතු කරගන්නවා. ඇසිරියාව,+ ඊජිප්තුව,+ පත්‍රොස්,+ කූෂ්,+ ඒලාම්,+ ෂීනාර්,* හමාත් සහ දූපත්වල+ ඉන්න හැමෝවම ඔහු එක් රැස් කරගන්නවා.
12 ඔහු ජාතීන්ට පේන්න කණුවක්* හිටවලා විසිරිලා ඉන්න ඊශ්‍රායෙල්වරුන්ව එකතු කරගන්නවා.+ පොළොවේ හතර කොනටම විසිරිලා ගිහින් ඉන්න යූදා සෙනඟව ඔහු ආයෙත් එකතු කරගන්නවා.+
13 එෆ්‍රායිම්ගේ ඊර්ෂ්‍යාව නැති වෙලා යයි.+යූදාට හතුරුකම් කරපු හැමෝම විනාශ වෙලා යයි.
එෆ්‍රායිම් යූදාට ඊර්ෂ්‍යා කරන්නෙවත්යූදා එෆ්‍රායිම්ට හතුරුකම් කරන්නෙවත් නැහැ.+
14 ඔවුන් බස්නාහිර පැත්තේ තියෙන පිලිස්තිවරුන්ගේ කඳු බෑවුමට කඩාවදියි.ඔවුන් එකතු වෙලා නැඟෙනහිර පැත්තේ ජීවත් වෙන සෙනඟගෙන් කොල්ල කයි.
ඒදොම්වරුන්ටත්+ මෝවබ්වරුන්ටත්+ විරුද්ධව ඔවුන්ගේ අත දික් කරයි.*අම්මොන්වරු ඔවුන්ට යටත් වෙයි.+
15 යෙහෝවා ඊජිප්තු මුහුදු බොක්ක දෙකට බෙදයි.*+ඔහු තමන්ගේ අත මහ ගඟට* විරුද්ධව දික් කරයි.+
ඔහුගෙන් පිට වෙන දැවෙන හුස්මෙන් ඒකේ අතු ගංගා හතට පහර දෙයි.*ඔහු සෙනඟට පාවහන් ගලවන්නේ නැතුව ඒ මැදින් යන්න සලස්වයි.
16 ඔහුගේ සෙනඟ අතරින් ඉතුරු වෙන අයට+ ඇසිරියාවෙන් පිටත් වෙලා එන්න මාර්ගයක් තියෙයි.+ඒක හරියට ඊශ්‍රායෙල් ඊජිප්තුවෙන් පිටත් වෙලා එද්දී තිබුණ මාර්ගය වගේ වෙයි.
පාදසටහන්
^ හෝ, “ධර්මිෂ්ඨකමින් විනිශ්චය කරයි.”
^ හෝ සමහරවිට, “වහු පැටියායි, සිංහයායි, තර සතායි එකට කෑම කයි.”
^ මූ.අ., “උන්.”
^ හෝ, “සංඥාවක් දෙන කණුවක්.”
^ ඒ කියන්නේ බැබිලෝනියාව.
^ හෝ, “ලකුණක් විදිහට කණුවක්.”
^ හෝ, “ඒදොම්වරුන්වත් මෝවබ්වරුන්වත් පරාජය කරයි.”
^ හෝ සමහරවිට, “වතුර හිඳිලා යන්න සලස්වයි.”
^ ඒ කියන්නේ යුප්‍රටීස් ගඟට.
^ හෝ සමහරවිට, “ඒක අතු ගංගා හතකට බෙදයි.”
