යෙසායා 29:1-24
29 “අරියෙල්,* දාවිත් කඳවුරු බැඳගත්ත නුවර+ වුණ අරියෙල්, ඔබට මොන තරම් දුකක් අද්දකින්න වෙයිද!
වසරක් වසරක් පාසා එනහැම උත්සවයක්ම+ දිගටම සමරන්න.
2 ඒත් මම අරියෙල් පිටට විපතක් ගේනවා.+එදාට ඇය විලාප තියයි. ශෝකයෙන් කෑගහයි.+ඇය මට දේවල් පුච්චලා දාන පූජාසනයක් වගේ වෙයි.+
3 මම ඔබට විරුද්ධව ඇවිත් ඔබ වටේටම කඳවුරු බැඳගන්නවා.මම උල් කණු තියෙන වැටක් බැඳලා ඔබව වටලනවා.ඔබට පහර දෙන්න බැම්මක් ගොඩනඟනවා.+
4 ඔබව බිමටම ඇදලා දානවා.බිමට වැටිලා ඉන්න ඔබ කතා කරයි.ඒත් දූවිලි නිසා ඔබ කියන දේ හරියට ඇහෙන්නේ නැහැ.
මතුරන්නෙක්ගෙන් එන හඬ වගේඔබේ හඬත් දූවිලි ගොඩෙන් නැඟී එයි.+ඔබ කියන දේවල් දූවිල්ලෙන් නැඟෙන කෙඳිරිල්ලක් වගේ වෙයි.
5 ඔබට විරුද්ධව එක් රැස් වෙන ඔබේ සතුරනුත් සිහින් දූවිල්ලක් වගේ වෙයි.+ඒ කුරිරු සෙනඟ හුළඟට ගහගෙන යන දහයියා වගේ වෙයි.+
ඒක හදිස්සියේම, එකපාරටම වෙයි.+
6 ස්වර්ගයේ සේනාවල අධිපති වන යෙහෝවා ඔබව ගලවගන්න පියවර ගනියි.මහත් ගිගුරුම් හඬ, භූමිකම්පා සහ දෙදරන ශබ්දයක් මැද ඔහු ඒ දේ කරයි.සුළිසුළං, කුණාටු සහ ඇවිළෙන ගින්නක් මැද ඔහු ඒ දේ කරයි.”+
7 එතකොට අරියෙල්ට විරුද්ධව රැස් වෙන හැම ජාතියක්ම,+ඇයට විරුද්ධව සටන් කරන හැම කෙනෙක්ම නැති වෙලා යයි.ඇයට විරුද්ධව යුධ රථ ලෑස්ති කරපු,ඇය පිටට දුක් කන්දරාවක් ගෙනාපුහැමෝම සිහිනයක් වගේ, රාත්‍රියේ දකින දර්ශනයක් වගේ පෙනී නොපෙනී යයි.
8 ඒක හරියට බඩගින්නේ ඉන්න කෙනෙක් හීනෙන් කෑම කනවා වගෙයි.අවදි වෙද්දී තාමත් ඔහු ඉන්නේ බඩගින්නෙන්.තිබහෙන් ඉන්න කෙනෙක් හීනෙන් වතුර බොනවා වගෙයි.
අවදි වෙද්දී තාමත් ඔහු ඉන්නේ පිපාසයෙන්, තෙහෙට්ටුවෙන්.සියොන් කන්දට විරුද්ධව එක් රැස් වෙලා ඉන්නජාතීන් හැමෝටම වෙන්නෙත් ඒ දේමයි.+
9 කට ඇරගෙන පුදුමයෙන් බලාගෙන ඉන්න.+අන්ධයන් වගේ ඇස් වහගන්න.+
ඔවුන් ඉන්නේ වෙරි මතින්. ඒත් ඒ වයින් නිසා නෙමෙයි.ඔවුන් වැනිවැනී යයි. ඒකට හේතුව මත්පැන් නෙමෙයි.
10 යෙහෝවා ඔබව තද නින්දකට දාලා තියෙනවා.+ඔබේ ඇස් වගේ හිටපු අනාගතවක්තෘවරුන්ගේ+ ඇස් ඔහු පියෙව්වා.ඔබේ හිස වගේ හිටපු දර්ශන දකින අයගේ හිස් ඔහු වහලා දැම්මා.+
11 හැම දර්ශනයක්ම ඔබටම මුද්‍රා කරපු ලියවිල්ලක් වගේ වෙයි.+ කියවන්න දන්න කෙනෙක්ට ඔවුන් ඒක දීලා “අනේ, මේක අපිට ඇහෙන්න කියවන්න” කියලා කියයි. එතකොට ඔහු මෙහෙම කියයි. “මට බැහැ. ඒක මුද්‍රා කරලයි තියෙන්නේ.”
12 කියවන්න දන්නේ නැති කෙනෙක්ට ඔවුන් ඒක දීලා “අනේ, මේක කියවන්න” කියලා කියයි. එතකොට ඔහු “මම කියවන්න දන්නේ නැහැ” කියලා කියයි.
13 යෙහෝවා මෙහෙම කියනවා. “මේ මිනිස්සු මට නමස්කාර කරන්නේ වචනවලින් විතරයි.මට ගෞරව කරන්නේ තොල්වලින් විතරයි.+ඒත් ඔවුන්ගේ හිත් මගෙන් ගොඩක් ඈත් වෙලා.ඔවුන් හිතනවා ඔවුන් මට ගරුබිය දක්වනවා කියලා. ඒත් ඇත්තටම ඔවුන් යන්නේ මිනිස්සු හදපු නීති පස්සෙයි.+
14 ඒ නිසා මම ආයෙත් සැරයක් මේ සෙනඟව පුදුම කරනවා.එක පිට එක පුදුම දේවල් කරනවා.+ඔවුන්ගේ ප්‍රඥාවන්තයන්ගේ ප්‍රඥාව නැති වෙලා යනවා.බුද්ධිමතුන්ගේ බුද්ධිය අතුරුදහන් වෙලා යනවා.”+
15 තමන්ගේ දුෂ්ට සැලසුම් යෙහෝවාගෙන් හංගන්න ලොකු උත්සාහයක් ගන්න අයට මොන තරම් විපතක් වෙයිද!+
අඳුරු තැන්වලට වෙලා පව්කාර වැඩ කරන ඔවුන් මෙහෙම කියයි.“අපි කරන දේවල් කවුද දකින්නේ?
කවුද දන්නේ?”+
16 ඔවුන් හැම දේම කණපිට හරවන හැටි බලන්න!
කුඹල්කරුව මැටිවලට සමාන කරන එක හරිද?+
“මාව හැදුවේ ඔබ නෙමෙයි”+ කියලා
මැටිවලින් හදපු දේ හදපු කෙනාට කියන එක හරිද?
“ඔබ දන්න දෙයක් නැහැ”+ කියලා
මැටි භාජනය ඒක හදපු කෙනාට කියන එක හරිද?
17 තව කෙටි කාලෙකින් ලෙබනොන් දේශය පලතුරු උයනක් වෙයි.+ඒ පලතුරු උයන ගන කැලෑවක් වගේ පෙනෙයි.+
18 ඒ දවසේදී බිහිරි අයට ලියවිල්ලේ සඳහන් වචන ඇහෙයි.අන්ධයන් අඳුරෙන්, අන්ධකාරයෙන් මිදිලා පෙනීම ලබයි.+
19 නිහතමානී අය යෙහෝවා නිසා ගොඩක් ප්‍රීති වෙයි.දුගී දුප්පත් අය ඊශ්‍රායෙල්වරුන්ගේ ශුද්ධ තැනැත්තාණන් නිසා සතුටු වෙයි.+
20 මොකද කුරිරු වැඩ කරන අය නැති වෙලා යයි.පුරසාරම් දොඩන අය අතුරුදහන් වෙලා යයි.අනුන්ට හානියක් කරන්න මාන බලන අය විනාශ වෙලා යයි.+
21 අනිත් අයට බොරු චෝදනා කරන අයත්නුවර දොරටුව ළඟදී+ යුක්තිය වෙනුවෙන් කතා කරන කෙනාට* උගුල් අටවන අයත්බොරු තර්කවලින් ධර්මිෂ්ඨයාගේ යුක්තිය පෙරළන අයත් විනාශ වෙලා යයි.+
22 ඒ නිසා ආබ්‍රහම්ව+ ගලවගත්ත යෙහෝවා දෙවියන් යාකොබ්ගේ පෙළපත ගැන මෙහෙම කියනවා.
“යාකොබ් තවත් ලැජ්ජාවට පත් වෙන්නෙවත්ඔහුගේ මුහුණ සුදුමැලි* වෙලා තියෙන්නෙවත් නැහැ.+
23 මගේ අතින්ම හදපු ඔහුගේ දරුවන්ඔහු එක්ක ඉන්නවා ඔහු දකිද්දී+ඒ හැමෝම මගේ නමට ගෞරව කරයි.යාකොබ්ගේ ශුද්ධ තැනැත්තාණන්ට ගෞරව කරයි.ඒ හැමෝම ඊශ්‍රායෙල්වරුන්ගේ දෙවියන් වන මං ඉස්සරහා ලොකු ගරුබියකින් ඉඳියි.+
24 මංමුළා වුණ අය නිවැරදි අවබෝධයක් ලබාගනියි.මැසිවිලි නඟන අය දැනමුතුකම් ලබාගනියි.”
පාදසටහන්
^ තේරුම, “පූජාසනයේ දේවල් පුච්චන තැන” වෙන්න පුළුවන්. පේන විදිහට යෙරුසලමට කියන නමක්.
^ මූ.අ., “අවවාද ලබා දෙන කෙනාට.”
^ ඒ කියන්නේ දැනෙන ලැජ්ජාව සහ කලකිරීම නිසා සුදුමැලි වෙන එක.
