යෙසායා 38:1-22
38 ඒ කාලේදී හෙසකියා අසනීප වෙලා මරණාසන්න වුණා.+ ආමොෂ්ගේ පුතා වුණ අනාගතවක්තෘ යෙසායා+ එයාව හම්බ වෙන්න ඇවිල්ලා මෙහෙම කිව්වා. “යෙහෝවා දෙවියන් කියන්නේ මේකයි. ‘ඔයාට හොඳ වෙන්නේ නැහැ.+ ඔයා මැරෙනවා. ඒ නිසා ඔයාගේ මරණෙන් පස්සේ දේවල් කෙරෙන්න ඕනෙ විදිහ පවුලේ අයට* කියන්න.’”
2 එතකොට හෙසකියා බිත්තිය පැත්තට හැරිලා යෙහෝවාට මෙහෙම යාච්ඤා කළා.
3 “අනේ යෙහෝවා, මම විශ්වාසවන්තව ඔයාගේ මඟ පෙන්වීම් පිළිපැද්ද විදිහ සිහි කරන්න.+ මුළු හදවතින්ම+ ඔයාට ළැදි වෙලා ඔයා හරියි කියලා සලකන දේවල් කරපු විදිහ සිහි කරන්න කියලා බැගෑපත්ව ඉල්ලනවා.” එහෙම කියලා හෙසකියා හොඳටම අඬන්න පටන්ගත්තා.
4 ඊටපස්සේ යෙහෝවාගෙන් යෙසායාට මේ පණිවිඩය ලැබුණා.
5 “ආයෙත් ගිහින් හෙසකියාට+ මෙහෙම කියන්න. ‘ඔයාගේ මුතුන්මිත්තා වන දාවිත්ගේ දෙවි යෙහෝවා ඔයාට මේ දේ කියනවා. “ඔයාගේ යාච්ඤාව මට ඇහුණා.+ ඔයාගේ කඳුළු මම දැක්කා.+ දැන් මම ඔයාගේ ජීවිතේට තව අවුරුදු 15ක් එකතු කරනවා.+
6 මම ඔයාවයි, මේ නගරෙයි ඇසිරියාවේ රජගේ අතින් බේරගන්නවා. මම මේ නගරේ ආරක්ෂා කරනවා.+
7 යෙහෝවා කියපු දේ අනිවාර්යයෙන්ම කරනවා කියලා ඔයාට සහතික කරන්න යෙහෝවා දෙන ලකුණ මේකයි.+
8 මම ආහස්ගේ පඩි පෙළට වැටිලා තියෙන හෙවණැල්ල* පඩි දහයක් ආපස්සට යන්න සලස්වනවා.”’”+ ඊටපස්සේ පඩි පෙළට වැටිලා තිබුණ හෙවණැල්ල පඩි දහයක් ආපස්සට ගියා.
9 අසනීපයෙන් ඉඳලා සුව වුණ යූදාවල රජ වුණ හෙසකියා ලියපු වචන තමයි මේ.
10 “වයසට යන්නත් කලින්මිනී වළේ දොරටුවලින් මට ඇතුල් වෙන්න වෙයි.
මගේ ජීවිතේ ඉතුරු කාලය මගෙන් සොරාගනියි” කියලා මම හිතුවා.
11 මට මෙහෙම හිතුණා. “අනේ, මට ආයේ යාහ්ව* දකින්න ලැබෙන එකක් නැහැ. ජීවතුන්ගේ දේශයේදී මට යාහ්ව දකින්න ලැබෙන එකක් නැහැ.+
හැම දෙයක්ම නිහඬ වෙලා තියෙන දේශයේ වැසියන් එක්ක ඉද්දීමිහිපිට ඉන්න කිසිම කෙනෙක්ව ආයේ මට දකින්න ලැබෙන එකක් නැහැ.
12 එඬේරෙක් තම කූඩාරම අකුළනවා වගේමගේ වාසස්ථානය මගෙන් ඇදලා අරන් අයින් කරලා දාලා.+
රෙදි වියන කෙනෙක් වියපු රෙද්දක් ඔතනවා වගේ මගේ ජීවිතේ මම ඔතලා දැම්මා.රෙදි වියන යන්ත්‍රයේ නූල් කපලා දානවා වගේ ඔහු මාවත් කපලා අයින් කළා.
උදේ ඉඳන් රෑ වෙන කල් ඔහු මාව නැති කරලා දානවා.+
13 උදේ වෙන කල් සන්සුන්ව ඉන්න මම උත්සාහ කළා.
සිංහයෙක් වගේ ඔහු මගේ ඇටකටු හැම එකක්ම බිඳලා දානවා.උදේ ඉඳන් රෑ වෙන කල් ඔහු මාව නැති කරලා දානවා.+
14 තුරිතයා සහ වල් අවිච්චියා* වගේ මමත් හීන් හඬින් අඬනවා.+කොබෙයියෙක් වගේ වැලපෙනවා.+
ඔහුගෙන් උදව් ලැබෙන කල් බලාගෙන ඉඳලා දැන් මට වෙහෙසයි.+
‘අනේ යෙහෝවා, දැනෙන වේදනාව මට දරාගන්න බැහැ.මාව උසුලන්න.’*+
15 දැන් මම මොනවා කියන්නද?
ඔහු මට පිළිතුරු දුන්නා. මං වෙනුවෙන් ඔහු පියවර ගත්තා.
මගේ කටුක අද්දැකීම සිහියේ තියාගන්න මමජීවිත ගමනේ පියවර කල්පනාකාරීව තියනවා.*
16 ‘අනේ යෙහෝවා, ඔබ* නිසයි හැම කෙනෙක්ම ජීවත් වෙන්නේ.මගේ හුස්ම රැඳිලා තියෙන්නෙත් ඔබ මතයි.
ඔබ මට සුවය ලබා දීලා මගේ ජීවිතය රැක දෙනවා.+
17 සමාදානය වෙනුවට මං අද්දැක්කේ ලොකු වේදනාවක්.ඒත් ඔබට මං ගැන ඇති ආදරය නිසාවිනාශය කියන වළෙන් ඔබ මාව ගලවගත්තා.+
ඔබ මගේ හැම වරදක්ම ඔබ පිටුපසට වීසි කළා.*+
18 මිනී වළ ඔබව ගෞරවයට පත් කරන්නෙවත්+මරණය ඔබට ප්‍රශංසා කරන්නෙවත් නැහැ.+
මිනී වළට යන අය, ඔබේ විශ්වාසවන්තකම දකින්නේ නැහැ.+
19 අද මං ඔබට ප්‍රශංසා කරනවා වගේඔබට ප්‍රශංසා කරන්න පුළුවන් ජීවතුන් අතරේ ඉන්න අයට විතරයි.
පියෙක්ට පුළුවන් ඔබේ විශ්වාසවන්තකම ගැන තම පුතාට උගන්වන්න.+
20 අනේ යෙහෝවා, මාව බේරගන්න.එතකොට අනිත් අය එක්ක මම මගේ ගීතවල තනු වීණාවෙන් වයන්නම්.+අපේ දිවි ඇති තුරා අපි යෙහෝවා වන ඔබේ ගෘහයේදී වීණා වයන්නම්.’”+
21 ඊටපස්සේ යෙසායා මෙහෙම කිව්වා. “වේළගත්ත අත්තික්කා කුට්ටියක් අරන් ඇවිත් තුවාලෙට තියන්න. එතකොට රජතුමා සුව වෙයි.”+
22 ඊට කලින් හෙසකියා මෙහෙම අහලා තිබුණා. “මට යෙහෝවා දෙවියන්ගේ ගෘහයට යන්න පුළුවන් වෙයි කියලා දැනගන්න මොකක්ද දෙන ලකුණ?”+
පාදසටහන්
^ හෝ, “මාලිගාවේ අයට.”
^ සමහරවිට මේ පඩි පෙළට වැටෙන හෙවණැල්ල දිහා බලලා වෙලාව කීයද කියලා තීරණය කරන්න ඇති.
^ “යාහ්” කියන්නේ යෙහෝවා කියන නම කෙටියෙන් කියන විදිහක්.
^ මූ.අ., “මගේ ඇපයට ඉන්න.”
^ හෝ සමහරවිට, “කොකා.”
^ හෝ, “දිවි ඇති තුරා නිහතමානීව ජීවත් වෙනවා.”
^ ඒ කියන්නේ දෙවියන්ගේ වචන සහ ඔහුගේ ක්‍රියාවන්.
^ හෝ, “ඔබ ඉදිරියෙන් අයින් කළා.”
