යෙසායා 43:1-28
43 යාකොබ්, ඔබේ නිර්මාතෘත්ඊශ්‍රායෙල්, ඔබව බිහි කළ තැනැත්තාත් වන යෙහෝවා+ මෙහෙම කියනවා.
“බය වෙන්න එපා. මොකද මම ඔබව මුදවගෙනයි තියෙන්නේ.+
මම ඔබේ නමින් ඔබට අඬගැහුවා.
ඔබ අයිති මටයි.
2 ඔබ ජල ධාරා මැදින් යද්දී මම ඔබ එක්ක ඉන්නවා.+ඔබ ගංගා මැදින් ගියත් වතුර පාරට ඔබ යට වෙන්නේ නැහැ.+
ඔබ ගිනි ජාලා මැදින් ගමන් කරද්දීත් ඒ ගින්නට පිච්චෙන්නේ නැහැ.ගිනිදලුවලින් ඔබට කිසිම හානියක් වෙන්නේ නැහැ.
3 මොකද මම ඔබේ දෙවි වන යෙහෝවායි.ඔබේ ගැලවුම්කරු වන ඊශ්‍රායෙල්වරුන්ගේ ශුද්ධ තැනැත්තායි.
මම ඔබව ගලවගන්න වන්දියක් විදිහට ඊජිප්තුව දුන්නා.ඔබ වෙනුවට ඉතියෝපියාව සහ සෙබාව දුන්නා.
4 මොකද ඔබව මට ගොඩක් වටිනවා.+මම ඔබට ගෞරවය දුන්නා. ආදරය කළා.+
ඒ නිසයි ඔබ වෙනුවට වෙන දේශවල වැසියන්ව දීලා මම ඔබව ගලවගන්නේ.ඔබ වෙනුවට වෙන ජාතීන්ව දීලා ඔබේ ජීවිතය බේරගන්නේ.
5 බය වෙන්න එපා. මොකද මම ඔබ එක්ක ඉන්නවා.+
මම ඔබේ දරුවන්ව නැඟෙනහිර දිශාවේ ඉඳන් අරගෙන එනවා.ඔවුන්ව බස්නාහිර දිශාවෙන් එකතු කරගෙන එනවා.+
6 මම උතුරට කියනවා ‘ඔවුන්ව නිදහස් කරන්න’+ කියලා.
දකුණට මෙහෙම කියනවා. ‘ඔවුන්ට යන්න දෙන්න.
ඈත ඉන්න මගේ පුතුන්ව එක්කගෙන එන්න. පොළොව කෙළවරේ ඉන්න මගේ දියණියන්ව අරන් එන්න.+
7 මගේ නමින් හඳුන්වන හැමෝවම,+මට ගෞරවයක් ගේන්න මම හදපු,මම බිහි කරපු ඒ හැමෝවම අරගෙන එන්න.’+
8 ඇස් තිබුණාට මුකුත් පේන්නේ නැති, කන් තිබුණාට මුකුත් ඇහෙන්නේ නැති+සෙනඟව ඉදිරියට කැඳවන්න.
9 සියලුම ජාතීන්ව එක තැනකට රැස් කරන්න.දේශවල වැසියන්ව එක් රැස් කරන්න.+
ඒ වගේ දේවල් වෙයි කියලා කියන්න ඔවුන් අතරේ ඉන්න කාට හරි* පුළුවන් වුණාද?
එහෙම නැත්නම් ඊළඟට මොනවාද වෙන්නේ කියලා ඔවුන්ට කියන්න පුළුවන්ද?+
සාක්ෂිකරුවන්ව ඉදිරිපත් කරලා ඔවුන් නිවැරදියි කියලා ඔප්පු කරන්න කියන්න.එහෙම නැත්නම් ඒ සාක්ෂිවලට සවන් දෙන්න තවත් අයට ඉඩ දෙන්න. ‘ඒක තමයි ඇත්ත’ කියලා ඔවුන්වත් කියයිද?”+
10 යෙහෝවා මෙහෙම කියනවා. “මගේ සාක්ෂිකරුවන් ඔබයි.+මම තෝරගත්ත මගේ සේවකයා ඔබයි.+එහෙම කළේ මාව දැන හඳුන ගෙන මං ගැන විශ්වාසය තියන්න* ඔබට පුළුවන් වෙන්නයි.මම කිසිදා වෙනස් වෙන්නේ නැහැ+ කියලා තේරුම්ගන්න ඔබට උදව් කරන්නයි.
මට කලින් කිසි දෙවි කෙනෙක් හිටියේ නැහැ.මට පසුව වෙන කිසිම දෙවි කෙනෙක් ආවෙත් නැහැ.+
11 මම, ඔව් මම තමයි යෙහෝවා.+ මං හැර වෙන කිසිම මිදුම්කරුවෙක් නැහැ.”+
12 “වෙන්න යන දේ ගැන දැන්නුවේ මමයි. ඔබව බේරගත්තෙත් ඒ ගැන හෙළි කළෙත් මමයි.මම එහෙම කළේ ඔබ අතරේ වෙන කිසිම දෙවි කෙනෙක් හිටියේ නැති කාලෙක.+
ඒ නිසා මගේ සාක්ෂිකරුවන් ඔබයි. මම තමයි දෙවියන්”+ කියලා යෙහෝවා කියනවා.
13 “මම කිසිදා වෙනස් වෙන්නේ නැහැ.+මගේ අතින් කිසිම දෙයක් උදුරගන්න කාටවත් බැහැ.+
මම පියවර ගද්දී ඒකට හරස් වෙන්න පුළුවන් කාටද?”+
14 ඔබේ මිදුම්කරු+ සහ ඊශ්‍රායෙල්වරුන්ගේ ශුද්ධ තැනැත්තා+ වන යෙහෝවා මෙහෙම කියනවා.
“මම ඔබ වෙනුවෙන් හමුදාවක් බැබිලෝනියට යවලා ඔවුන්ගේ දොරටුවල අගුලු කඩලා දානවා.+කල්දිවරු තමන්ගේ නැව්වල ඉඳන් විලාප නඟයි.+
15 මම යෙහෝවා. ඔබේ ශුද්ධ තැනැත්තාත්+ ඊශ්‍රායෙල්වරුන්ගේ නිර්මාතෘත්+ ඔබේ රජත්+ මමයි.”
16 මුහුද මැදින් මාර්ගයකුත්සැඩ පහරවල් හරහා මාර්ගයකුත්+ හදපු තැනැත්තා වන යෙහෝවා මෙහෙම කියනවා.
17 යුධ රථ සහ අශ්වයන් පිටතට ගෙනාව,+රණශූරයන් එක්ක මුළු සේනාවම පිටතට ගෙනාව තැනැත්තා මෙහෙම කියනවා.
“ඔවුන් වැටිලා යනවා. ආයේ කවදාවත් නැඟිටින්නේ නැහැ.+
පහන් තිරයක් නිවලා දානවා වගේ ඔවුන්වත් නැති කරලා දානවා.”
18 “අතීතයේ වුණ දේවල් සිහි කරන්න එපා.දැන් ඒ දේවල් ගැන හිතහිත ඉන්න එපා.
19 බලන්න! මම අලුත් දෙයක් කරනවා.+දැනටමත් ඒක සිද්ධ වෙන්න පටන් අරන්.
ඔබට ඒක තේරුම්ගන්න බැරිද?
මම පාළුකරය හරහා මාර්ගයක් හදනවා.+කාන්තාරය මැදින් ගංගාවන් ගලා බහින්න සලස්වනවා.+
20 වනසත්තු මට ගෞරව කරයි.හිවලුන් සහ පැස්බරුන් පවා මට ගෞරව කරයි.මොකද මම පාළුකරයේදී වතුර ලබා දෙනවා.කාන්තාරයේදී ගංගාවන් ගලා බහින්න සලස්වනවා.+එහෙම කරන්නේ මගේ සෙනඟගේ, මම තෝරගත්ත තැනැත්තාගේ+ පිපාසය නිවන්නයි.
21 ඔවුන් මටම කියලා වෙන් කරගන්න මම බිහි කරපු සෙනඟයි.මම ඔවුන්ව බිහි කළේ මට ප්‍රශංසා කරන්න ඔවුන්ට පුළුවන් වෙන්නයි.+
22 ඒත් යාකොබ්, ඔබ මට අඬගැහුවේ නැහැ.+ඊශ්‍රායෙල්, ඔබ එහෙම කළේ ඔබට මාව එපා වුණ නිසයි.+
23 ඔබ දවන පූජා විදිහට බැටළුවන්ව මං ඉස්සරහට ගෙනාවේ නැහැ.ඔබේ පූජාවලින් මාව ගෞරවයට පත් කළෙත් නැහැ.
මට තෑග්ගක් ගේන්න කියලා මම ඔබට බල කළේවත්කට්ටකුමංජල්+ ගේන්න කියලා ඔබට කරදර කළේවත් නැහැ.
24 ඔබේ සල්ලිවලින් ඔබ මට පූජා කරන්න සුවඳ පැළෑටි මිල දීලා ගත්තෙවත්ඔබේ පූජාවල තෙලින් මාව සතුටට පත් කළේවත් නැහැ.+
ඔබේ වැරදි දැන් මට ලොකු බරක්.ඒවා නිසා දැන් මට වෙහෙසයි.+
25 ඔබේ වැරදි* මකලා දාන්නේ+ මමයි. මම එහෙම කරන්නේ මගේ නම වෙනුවෙනුයි.+ඔබ කරපු වැරදි මම ආයේ මතක් කරන්නේ නැහැ.+
26 එන්න, අපි දෙගොල්ලොම අපේ නඩුව ඉදිරිපත් කරමු.ඔබ නිර්දෝෂයි කියලා කියන්න තියෙන කරුණු කියන්න. ඒවා මට අමතක වෙලා නම් මතක් කරලා දෙන්න.
27 ඔබේ මුල් පියා පව් කළා.ඔබේ නියෝජිතයන්* මට විරුද්ධව කැරලිගැහුවා.+
28 ඒ නිසා මම ශුද්ධස්ථානයේ ඉන්න ප්‍රධානීන්ව සලකන්නේ අපවිත්‍ර අය විදිහටයි.මම යාකොබ්ව විනාශයට භාර දෙනවා.ඊශ්‍රායෙල්ව අපහාසයට ලක් කරන්න ඉඩහරිනවා.+
පාදසටහන්
^ පේන විදිහට මෙතන කතා කරන්නේ ජාතීන් අදහන දෙවිවරු ගැනයි.
^ හෝ, “මං ගැන විශ්වාසයක් ඇති කරගන්න.”
^ හෝ, “ඔබේ කැරලිකාර වැඩ.”
^ මෙතන කතා කරන්නේ නීතිය උගන්වපු අය ගැන වෙන්න පුළුවන්.
