යෙසායා 53:1-12
53 අපෙන් අහන්න ලැබුණ දේ ගැන* විශ්වාසය තිබ්බේ කවුද?+
යෙහෝවා දෙවියන් ඔහුගේ හස්තය+ දකින්න සැලැස්සුවේ කාටද?+
2 ඔහු* ඉදිරියේ ඔහු කුඩා පැළයක්*+ වගේ මතු වෙයි. ඔහු වියළි බිමක තියෙන මුලක් වගේ වෙයි.
ඔහුගේ පෙනුමේ විශේෂත්වයක් නැහැ. තේජසක් දකින්නත් නැහැ.+අපි ඔහුව දකිද්දී ඔහුට ආකර්ෂණය වෙන්න තරම් විශේෂ පෙනුමක් ඔහුට තිබුණේ නැහැ.*
3 මිනිස්සු ඔහුව පිළිකුල් කළා. ඔහුගෙන් ඈත් වෙලා හිටියා.+වේදනා විඳිද්දී දැනෙන්නේ කොහොමද කියලා ඔහු තේරුම්ගත්තා. අසනීප ගැන හැම දෙයක්ම ඔහු දැනන් හිටියා.
ඒක හරියට ඔහුගේ මූණ අපෙන් හංගලා තිබුණා වගේ.*
ඔහුව පිළිකුල් කළා. අපි ඔහුව ගණන් ගත්තෙවත් නැහැ.+
4 ඇත්තටම ඔහු අපේ ලෙඩ රෝග උසුලගෙන ගියා.+අපේ වේදනා ඔහුගේ කර පිටට ගත්තා.+
ඒත් අපි ඔහුව සැලකුවේ පීඩා විඳින, දෙවියන්ගෙන් පහර කාපු, දඬුවම් ලබපු කෙනෙක් විදිහට.
5 ඒත් අපේ වැරදි නිසා+ ඔහුට හෙල්ලයෙන් ඇන්නා.+අපි කරපු වැරදි නිසා ඔහුව පොඩි කරලා දැම්මා.+
අපිව සමාදාන කරන්න ඔහු දඬුවම තමන් පිටට ගත්තා.+ඔහුගේ තුවාල නිසා අපිට සුවය ලැබුණා.+
6 අපි හැමෝම බැටළුවන් වගේ ඒ මේ අත ගියා.+එක් එක් කෙනා තම තමන්ට කැමති පාරේ ගියා.යෙහෝවා අපි හැමෝගෙම වැරදි ඒ කෙනාගේ කර පිට තිබ්බා.+
7 ඔහුට වධ හිංසා කළා.+ ඔහුට හිරිහැර කරන්න ඔහු අනිත් අයට ඉඩ දුන්නා.+ඔහු වචනයක්වත් කිව්වේ නැහැ.
මරන්න ගෙනියන බැටළුවෙක් වගේ ඔහුව අරගෙන ගියා.+ඔහු හිටියේ ලොම් කපන අය ඉස්සරහා නිහඬව ඉන්න බැටළුදෙනක් වගේ.ඔහු වචනයක්වත් කිව්වේ නැහැ.+
8 අසාධාරණ විනිශ්චයක් නිසා* ඔහුගේ ජීවිතේ නැති කළා.*ඔහුගේ පෙළපතේ විස්තර ගැන* හොයලා බලන්නේ කවුද?
මොකද ඔහුව ජීවතුන් අතරින් අයින් කරලා දැම්මා.+මගේ සෙනඟගේ වැරදි නිසා පහර කෑවේ* ඔහුයි.+
9 ඔහු කිසි වරදක් කරලා තිබුණේ නැතත්ඔහුගේ මුවින් කිසිම වංචනික දෙයක් පිට වුණේ නැතත්+ඔහුව තැන්පත් කරන්න නියම කළේ* දුෂ්ට අය එක්කයි.+ඒත් ඔහු මිය ගියාම ඔහුව තැන්පත් කළේ ධනවත් අය* එක්කයි.+
10 ඔහු දරුණු දුක් පීඩා විඳින්න ඕනෙ කියලා යෙහෝවා තීරණය කළා. ඔහුට වේදනා විඳින්න ඉඩහැරියා.
ඔබ ඔහුගේ ජීවිතය වන්දි පූජාවක් විදිහට දෙනවා නම්,+ඔහුගෙන් පැවතෙන අයව දකින්න ඔහුට පුළුවන් වෙයි. ඔහු දිගු කාලයක් ජීවත් වෙයි.+ඔහු මාර්ගයෙන් යෙහෝවා කැමති දේත් ඉටු වෙයි.+
11 වේදනා වින්දාට පස්සේ ඔහු දකින දේ නිසා ඔහු සතුටු වෙයි.
හරි දේ කරන කෙනාට, මගේ සේවකයාට+ පුළුවන් වෙයි ඔහු අද්දැක්ක දේවල් නිසාධර්මිෂ්ඨ තත්වයකට එන්න හුඟදෙනෙක්ට උදව් කරන්න.+ඔහු ඔවුන්ගේ වැරදිවල බර උසුලයි.+
12 ඒ හේතුව නිසා හුඟදෙනෙක් අතරේ මම ඔහුට කොටසක් දෙනවා.සතුරන්ගෙන් ගත්ත වස්තුව ඔහු බලවත් අය එක්ක බෙදාගන්නවා.මොකද ඔහු ඔහුගේ ජීවිතය පුද කළා.* මරණයට පවා ඔහු යටත් වුණා.+වරදකරුවෙක් විදිහට ඔහුව ගණන් ගත්තා.+ඔහු බොහෝදෙනෙක්ගේ වැරදි උසුලගෙන ගියා.+වරදකරුවන් වෙනුවෙනුත් ඔහු මැදිහත් වුණා.+
පාදසටහන්
^ හෝ සමහරවිට, “අපිට අහන්න ලැබුණ දේවල් ගැන.”
^ “ඔහු” කියද්දී බලාගෙන ඉන්න කෙනෙක් නැත්නම් දෙවියන්ව අදහස් වෙන්න පුළුවන්.
^ හෝ, “රිකිල්ලක්.”
^ හෝ, “ඔහු ගැන ආසාවක් ඇති වෙන්න තරම් විශේෂ පෙනුමක් ඔහුට තිබුණේ නැහැ.”
^ හෝ සමහරවිට, “ඔහු හරියට මිනිස්සු මූණවත් බලන්න කැමති නැති කෙනෙක් වගේ.”
^ මූ.අ., “පීඩා සහ දුන්න තීන්දුව නිසා.”
^ මූ.අ., “ඔහුව අරගෙන ගියා.”
^ හෝ, “ඔහු ජීවත් වුණ විදිහ ගැන.”
^ හෝ, “මැරුම් කෑවේ.”
^ මූ.අ., “ධනවත් කෙනෙක්.”
^ හෝ, “කෙනෙක් ඔහුව තැන්පත් කරන්න තැනක් දුන්නේ.”
^ හෝ, “වැගිරුවා.”
