යෙසායා 63:1-19
63 ඒදොම්වල+ ඉඳන් එන මේ තැනැත්තා කවුද?දීප්තිමත්* ඇඳුම්වලින් සැරසිලා බොෂ්රාවල+ ඉඳන් මේ එන්නේ කවුද?තේජසින් බැබළෙන ඇඳුම් ඇඳගෙන,මහත් බලයක් ඇතුව ගමන් කරන තැනැත්තා කවුද?
“ඒ මමයි. හරි දේ ගැන කතා කරන,ගලවගන්න ලොකු බලයක් තියෙන තැනැත්තා වන මමයි.”
2 ඔබේ ඇඳුම් රතු පාට ඇයි?ඔබේ ඇඳුම් මිදි පාගන කෙනෙක්ගේ ඇඳුම් වගේ වෙලා තියෙන්නේ ඇයි?+
3 “මම තනියම මිදි පෑගුවා.
කිසිම මනුස්සයෙක් මාත් එක්ක හිටියේ නැහැ.
මම ලොකු කේන්තියකින් මගේ සතුරන්ව පාගලා දැම්මා.මිදි පොඩි කරනවා වගේ කෝපයෙන් මම ඔවුන්ව පොඩි කරලා දැම්මා.+
ඔවුන්ගේ ලේ මගේ ඇඳුම්වලට වීසි වුණා.ඒ ලේ පැල්ලම් මගේ ඇඳුම් පුරාම තියෙනවා.
4 මොකද සතුරන්ට දඬුවම් කරන දවස මම අනිවාර්යයෙන්ම ගේනවා.+මගේ සෙනඟව මුදවගන්න කාලය උදා වෙලා.
5 මම බැලුවත් උදව්වට කවුරුත් හිටියේ නැහැ.උදව්වට කවුරුත් ආවේ නැති එක ගැන මම පුදුම වුණා.
ඉතින් මගේ අතින් මම ගැලවීම ගෙනාවා.*+මගේ කේන්තිය මාව සවිමත් කළා.
6 මම කේන්තියෙන් මිනිස්සුන්ව පාගලා දැම්මා.මම මගේ කෝපයෙන් ඔවුන්ව මත් කරලා+ඔවුන්ගේ ලේ පොළොවට වත් කළා.”
7 යෙහෝවා නොසැලෙන ආදරයක් පෙන්නපු විදි ගැන,ප්‍රශංසා කරන්න වටින යෙහෝවාගේ ක්‍රියා ගැන මම කතා කරනවා.මොකද යෙහෝවා අපි වෙනුවෙන් ගොඩක් දේවල් කළා.+ඔහුගේ දයාව සහ නිමක් නැති නොසැලෙන ආදරය නිසාඔහු ඊශ්‍රායෙල් ජාතිය වෙනුවෙන් බොහෝ යහපත් දේවල් කළා.
8 ඔහු මෙහෙම කිව්වා. “ඇත්තටම ඔවුන් මගේ සෙනඟ. මට විශ්වාසවන්තව ඉන්න මගේ පුතුන්.”+
ඉතින් ඔහු ඔවුන්ගේ ගැලවුම්කරු වුණා.+
9 ඔවුන් දුක් වින්ද කාලේ පුරාම ඔහුටත් ඒ දුක දැනුණා.+
ඔහුම තෝරගත්ත ඔහුගේ දූතයාව* එවලා ඔවුන්ව ගලවගත්තා.+
ආදරයෙන් සහ අනුකම්පාවෙන් පෙලඹිලා ඔහු ඔවුන්ව බේරගත්තා.+ඒ අවුරුදු ගාණ පුරාම ඔහු ඔවුන්ව උසුලගෙන ගියා.+
10 ඒත් ඔවුන් ඔහුට විරුද්ධව කැරලිගැහුවා.+ ඔහුගේ බලයට විරුද්ධව වැඩ කරලා ඔහුට දුක් දුන්නා.*+
ඉතින් ඔහු ඔවුන්ගේ හතුරා වෙලා+ඔවුන්ට විරුද්ධව සටන් කළා.+
11 එතකොට ඔවුන් අතීත දවස් ගැන,දෙවියන්ගේ සේවකයා වුණ මෝසෙස්ගේ කාලේ ගැන මතක් කරලා මෙහෙම කිව්වා.
“ඔහුගේ රැළේ එඬේරුන් එක්ක+ ඔවුන්ව මුහුද මැදින් ගෙනාපු තැනැත්තා+ දැන් කොහෙද?
තම බලය ඔහුට දුන්න තැනැත්තා+ දැන් කොහෙද?
12 තමන්ගේ තේජවත් හස්තයෙන් මෝසෙස්ගේ දකුණු අත අල්ලගෙන ගිය තැනැත්තා කොහෙද?+තමන්ගේ නාමය සදහටම මතකයේ තියෙන විදිහට+ඔවුන් ඉදිරියේ මහා ජල කඳ දෙබෑ කළ තැනැත්තා+ කොහෙද?
13 ඒ මහා ජල කඳ මැදින් පය පැටලිලා වැටෙන්න නොදී ඔවුන්ව අරගෙන ගිය තැනැත්තා,නිදැල්ලේ දුවන අශ්වයෙක් වගේඔවුන්ව නිදහසේ අරගෙන ගිය තැනැත්තා දැන් කොහෙද?
14 යෙහෝවා ඔහුගේ බලයෙන් ඔවුන්ට සැනසීමෙන් ඉන්න අවස්ථාව දුන්නා.+තැනිතලාවට ගිහින් සුව සේ ලගින සත්ව රැළක් වගේ ඉන්න ඔවුන්ට අවස්ථාව දුන්නා.”
ඔබේ සෙනඟට ඔබ මඟ පෙන්නුවේ ඒ විදිහටයි.එහෙම කළේ ඔබේ නාමය තේජසට පත් කරන්නයි.+
15 ඉහළින් තියෙන ඔබේ තේජවත්,* ශුද්ධ වාසස්ථානයේ ඉඳන් පහළ බලන්න.ස්වර්ගයේ ඉඳන් පහළ බලන්න.
ඔබ කිසිම සැලකිල්ලක් පෙන්නන්නේ නැත්තේ ඇයි? ඔබේ මහත් බලය පෙන්නන්නේ නැත්තේ ඇයි?ඔබේ ගැඹුරු සෙනෙහසත්+ ඔබේ දයාවත්+ ඔබ දැන් නොපෙන්වන්නේ ඇයි?
ඒ දේවල් ඔබ මගෙන් සඟවලා තිබ්බා.
16 ඔබයි අපේ පියා.+ආබ්‍රහම් අපිව දන්නේ නැති වුණත්ඊශ්‍රායෙල් අපිව අඳුරගත්තේ නැතත්යෙහෝවා දෙවියනි, ඔබයි අපේ පියාණන්.
ඔබයි අපේ මිදුම්කරු. අතීතයේ ඉඳන්ම අපිව මුදවගත්තේ ඔබයි.+
17 යෙහෝවා දෙවියනි, ඔබේ මාර්ගවලින් අයින් වෙලා යන්න ඔබ අපිට ඉඩ දෙන්නේ ඇයි?
ඔබට ගරුබියක් පෙන්නන්නේ නැති තරමට අපේ හිත් දැඩි කරගන්න ඉඩ දෙන්නේ ඇයි?+
ඔබේ සේවකයන් වෙනුවෙන්,ඔබේ උරුමය වන ඔබේ සෙනඟ+ වෙනුවෙන් අපේ උදව්වට ආයෙත් එන්න.
18 ඔබේ ශුද්ධ සෙනඟ දේශය කෙටි කාලෙකට අයිති කරගත්තා.
අපේ සතුරෝ ඇවිත් ඔබේ ශුද්ධස්ථානය පාගලා දැම්මා.+
19 දැන් සෑහෙන කාලයක් පුරා අපි, ඔබ කවදාවත් පාලනය කළේ නැති සෙනඟක් වගේ වෙලා.ඔබේ නමින් හැඳින්නුවේ නැති සෙනඟක් වගේ වෙලා.
පාදසටහන්
^ හෝ සමහරවිට, “තද රතු පාට.”
^ හෝ, “ජය ලැබුවා.”
^ හෝ, “ඔහු ඉදිරියේ හිටපු දේවදූතයාව.”
^ හෝ, “දෙවියන්ගේ බලයට දුක් දුන්නා.”
^ හෝ, “අලංකාර.”
