යොෂුවා 12:1-24
12 ඊශ්රායෙල්වරු යොර්දාන් ගඟට නැඟෙනහිර පැත්තෙන් තියෙන ප්රදේශ පාලනය කරපු රජවරුන්ව පරාජය කරලා එයාලට අයිති ප්රදේශ යටත් කරගත්තා. ආනොන් නිම්නයේ+ ඉඳන් හෙර්මොන්+ කන්ද දක්වා විහිදිලා යන ප්රදේශයත් මහ අරබා නිම්නයේ නැඟෙනහිර පැත්තට+ අයිති මුළු ප්රදේශයත් එයාලා අයිති කරගත්තා. ඊශ්රායෙල්වරු පරාජය කරපු රජවරුන්ගේ විස්තර මේවායි.
2 අමෝරිවරුන්ගේ රජ වුණ සීහොන්+ එයාලාගෙන් කෙනෙක්. එයා ජීවත් වුණේ හෙෂ්බොන් නගරයේ. ආනොන් නිම්නයේ+ එක පැත්තක තිබුණ අරෝයේර්+ නගරයේ පාලකයා වුණේ එයායි. ආනොන් නිම්නයේ මැද ඉඳන් යබ්බොක් නිම්නය වෙන කල් තියෙන මුළු ප්රදේශයම තිබුණේ එයාගේ යටතේ. ගිලියද් දේශයෙන් භාගයක් අයිති වුණේ එයාටයි. අම්මොන්වරුන්ගේ දේශ සීමාව වුණෙත් යබ්බොක් නිම්නය.
3 මහ අරබා නිම්නයේ නැඟෙනහිර පැත්තේ තියෙන ප්රදේශයකුත් එයාට අයිති වුණා. කින්නෙරෙත් මුහුද*+ සහ අරබා මුහුද (ලුණු මුහුද)* අතර තිබුණ ප්රදේශයත් බෙත්යෙෂිමොත් ඉඳන් දකුණු පැත්තේ තියෙන පිස්ගා කන්ද පාමුල වෙන කල්+ තියෙන ප්රදේශයත් ඒකට අයිති වුණා.
4 ඊශ්රායෙල්වරු පරාජය කරපු තවත් රජෙක් තමයි බාෂාන් දේශයේ ඕග්.+ එයා රෙෆායිවරුන්ගෙන් ඉතුරු වෙලා හිටපු අයගෙන් එක් කෙනෙක්.+ එයා ජීවත් වුණේ අෂ්ටාරොත් සහ එද්රෙයි කියන නගරවල.
5 හෙර්මොන් කන්ද, සලෙකා නගරය සහ මුළු බාෂාන්+ දේශයම ඕග් පාලනය කළා. එයාට අයිති ප්රදේශය ගෙෂූර්වරුන්ගේ දේශ සීමාව දක්වාත් මයකාත්වරුන්ගේ+ දේශ සීමාව දක්වාත් හෙෂ්බොන්වල රජ වුණ සීහොන්ගේ+ රාජ්යයේ සීමාව දක්වාත් විහිදිලා ගියා. ගිලියද් දේශයේ ඉතුරු භාගය අයිති වුණෙත් එයාට.
6 ඊශ්රායෙල්වරු ඒ රජවරුන්ව පරාජයට පත් කළේ+ යෙහෝවාගේ සේවක මෝසෙස්ගේ නායකත්වය යටතේ. ඊටපස්සේ යෙහෝවාගේ සේවකයා වුණ මෝසෙස් ඒ දේශ රූබෙන් ගෝත්රයටයි, ගාද් ගෝත්රයටයි, මනස්සේ ගෝත්රයෙන් එක කොටසකටයි උරුමයක් විදිහට දුන්නා.+
7 ඊශ්රායෙල්වරු යොර්දාන් ගඟට බස්නාහිර පැත්තේ තියෙන ප්රදේශ පාලනය කරපු රජවරුන්වත් පරාජය කළා. ඒ, යොෂුවාගේ නායකත්වය යටතේ. ලෙබනොන්වල නිම්නයේ+ තියෙන බාල්ගාද්+ නගරයේ ඉඳන් සේයිර්+ වෙන කල් විහිදිලා යන හලක් කන්ද+ දක්වා තියෙන මුළු ප්රදේශයම එයාලා යටත් කරගත්තා. ඊටපස්සේ යොෂුවා ඊශ්රායෙල්වරුන්ගේ ගෝත්රවලට අනුව දේශය බෙදලා ඒක එයාලට උරුමයක් විදිහට දුන්නා.+
8 එයාලට උරුමයක් විදිහට දුන්න ඒ ප්රදේශයට කඳුකරය, පහත් බිම්,* මහ අරබා නිම්නය, කඳු බෑවුම්, පාළුකරය සහ නෙගෙබ්+ පළාත අයිති වුණා. ඒ ප්රදේශවල කලින් ජීවත් වුණේ හිත්තීවරු, අමෝරිවරු,+ කානානිවරු, පෙරිස්සිවරු, හිවීයවරු සහ යෙබූසිවරු.+ ඊශ්රායෙල්වරු පරාජය කරපු ඒ රජවරු මේ අයයි.
9 යෙරිකෝවේ රජ,+ බෙතෙල් ළඟ තියෙන ආයි නගරයේ රජ,+
10 යෙරුසලමේ රජ, හෙබ්රොන්වල රජ,+
11 යාමුත්වල රජ, ලාකිෂ්වල රජ,
12 එග්ලොන්වල රජ, ගෙෂෙර්වල රජ,+
13 දෙබීර්වල රජ,+ ගේදෙර්වල රජ,
14 හොර්මාවල රජ, ආරද්වල රජ,
15 ලිබ්නාවල රජ,+ අදුල්ලාම්වල රජ,
16 මක්කේදාවල රජ,+ බෙතෙල්වල රජ,+
17 තප්පුවාවල රජ, හේෆෙර්වල රජ,
18 අපෙක්වල රජ, ලෂ්ෂාරොන්වල රජ,
19 මාදොන්වල රජ, හාෂොර්වල රජ,+
20 ෂිම්රොන්මෙරොන්වල රජ, අක්ෂාප්වල රජ,
21 තයනක්වල රජ, මෙගිද්දෝවල රජ,
22 කෙදෙෂ්වල රජ, කර්මෙල් ප්රදේශයේ තියෙන යොක්නෙයාම්වල රජ,+
23 දෝර් කඳු බෑවුම්වල තියෙන දෝර් නගරයේ රජ,+ ගිල්ගාල්වල තියෙන ගොයීම්වල රජ සහ
24 තිර්ෂාවල රජ. ඊශ්රායෙල්වරු පරාජය කරපු රජවරුන්ගේ මුළු ගාණ 31යි.