යොෂුවා 20:1-9
-
ආරක්ෂාව ලබා දෙන නගර (1-9)
20 යෙහෝවා දෙවියන් යොෂුවාට මෙහෙම කිව්වා.
2 “ඊශ්‍රායෙල්වරුන්ට මේ දේ කියන්න. ‘මං කලින් මෝසෙස්ට කිව්ව විදිහට ඔයාලා දැන් නගර කීපයක් තෝරගෙන ආරක්ෂාව ලබා දෙන නගර විදිහට ඒවා වෙන් කරන්න.+
3 එතකොට අත්වැරදීමක් නිසා* කෙනෙක් අතින් තව කෙනෙක් මැරුණොත් එයාට පුළුවන් ආරක්ෂාව ලබා දෙන නගරයකට පලා යන්න. වරද කරපු කෙනා ඒ නගරයකට ගියොත් එයාව මරලා දාන්න අයිතිය තියෙන කෙනාගෙන්* ආරක්ෂා වෙන්න එයාට පුළුවන්.+
4 එයා ඒ නගරයේ+ දොරටුව ළඟට ඇවිත්+ එතන ඉන්න වැඩිමහල්ලන්ට තමන් අතින් සිද්ධ වුණ දේ ගැන කියන්න ඕනේ. එතකොට වැඩිමහල්ලන් එයාව නගරය ඇතුළට අරන් ගිහින් එයාට ජීවත් වෙන්න තැනක් සූදානම් කරලා දෙන්න ඕනේ.
5 වරදකරුව මරලා දාන්න අයිතිය තියෙන කෙනා එයාව හොයාගෙන නගරයට ආවොත් වැඩිමහල්ලන් වරදකරුව ඒ කෙනාට භාර නොදිය යුතුයි. මොකද ඒ මරණය වුණේ අත්වැරදීමකින්.* ඒක හිතේ වෛරයක් තියාගෙන කරපු දෙයක් නෙමෙයි.+
6 සෙනඟ ඉස්සරහා විනිශ්චයක් ලැබෙන කල් වරදකරු නගරයේ ඉන්න ඕනේ.+ මරණය අත්වැරදීමකින් වුණා කියලා ඔප්පු වුණොත් එයාට දිගටම ජීවත් වෙන්න පුළුවන්. ඒත් උත්තම පූජකයා මැරෙන කල්+ නගරයෙන් එළියට යන්න ඒ කෙනාට බැහැ. උත්තම පූජකයා මිය ගියොත් ආයෙත් එයාගේ නගරයටත් ගෙදරටත් යන්න එයාට පුළුවන්.’”+
7 ඉතින් ඊශ්‍රායෙල්වරු නගර කීපයක් තෝරගෙන ඒවා ශුද්ධ නගර විදිහට වෙන් කළා. ඒ නගර මේවායි. ගලීලය කියන ප්‍රදේශයේ තියෙන කෙදෙෂ්+ නගරය. ඒක තියෙන්නේ නෆ්තලී ගෝත්‍රයට අයිති කඳුකර පළාතේ. එෆ්‍රායිම් ගෝත්‍රයට අයිති කඳුකර ප්‍රදේශයේ තියෙන ෂීකෙම්+ නගරය. යූදා ගෝත්‍රයට අයිති කඳුකර ප්‍රදේශයේ තියෙන කිර්යත්අර්බා+ නගරය. (ඒක හෙබ්‍රොන් විදිහටත් හඳුන්වනවා.)
8 යොර්දාන් ගඟේ නැඟෙනහිර පැත්තේ යෙරිකෝවට ළඟින් තියෙන බෙෂෙර්+ නගරය. ඒක තියෙන්නේ රූබෙන් ගෝත්‍රයේ දේශ සීමාවට අයිති පාළුකරයේ තියෙන උස් තැනිතලාවේ. ගාද් ගෝත්‍රයට ලැබුණ ප්‍රදේශයේ ගිලියද්වල තියෙන රාමොත්+ නගරය. මනස්සේ+ ගෝත්‍රයට ලැබුණ ප්‍රදේශයේ බාෂාන්වල තියෙන ගෝලාන්+ නගරය.
9 ඒ නගර වෙන් කළේ, ඊශ්‍රායෙල් ජාතිකයෙක් අතින් හරි ඊශ්‍රායෙල්වරුන් අතරේ ජීවත් වෙන විදේශිකයෙක් අතින් හරි අත්වැරදීමකින් කවුරු හරි මැරුණොත් වරදකරුට ආරක්ෂාව ලබා දෙන්නයි.+ සෙනඟ ඉස්සරහා විනිශ්චයක් ලැබෙන කල් වරදකරු ඒ නගරයකට පලා ගිහින් එහෙට වෙලා ඉන්න ඕනේ. එතකොට එයාව මරලා දාන්න අයිතිය තියෙන කෙනාගෙන් ආරක්ෂා වෙන්න එයාට පුළුවන්.+
