විනිශ්චයකරුවෝ 1:1-36
1 යොෂුවාගේ මරණයෙන්+ පස්සේ ඊශ්‍රායෙල්වරු යෙහෝවා දෙවියන්ගෙන් මඟ පෙන්වීම් ඉල්ලලා+ මෙහෙම ඇහුවා. “කානානිවරුන්ට විරුද්ධව සටන් කරන්න අපෙන් කවුද ඉස්සෙල්ලාම යන්න ඕනේ?”
2 යෙහෝවා මෙහෙම කිව්වා. “යූදා ගෝත්‍රයේ අයව යවන්න.+ දේශය අල්ලගන්න මම එයාලට උදව් කරනවා.”
3 ඊටපස්සේ යූදා ගෝත්‍රයේ අය එයාලාගේ සහෝදරයන් වුණ සිමියොන් ගෝත්‍රයේ අයට මෙහෙම කිව්වා. “අපිට දීලා තියෙන ප්‍රදේශය+ අල්ලගන්න අපිට උදව් කරන්න. අපි එකතු වෙලා කානානිවරුන්ට විරුද්ධව සටන් කරමු. ඔයාලට දීලා තියෙන ප්‍රදේශය අල්ලගන්නත් අපි ඔයාලට උදව් කරන්නම්.” ඉතින් සිමියොන් ගෝත්‍රයේ අය එයාලා එක්ක ගියා.
4 යූදා ගෝත්‍රයේ අය සටනට ගියාම යෙහෝවා කානානිවරුන්වයි, පෙරිස්සිවරුන්වයි එයාලට යටත් කරලා දුන්නා.+ එයාලා බෙෂෙක්වලදී සෙබළු 10,000කට පහර දීලා පරාජය කළා.
5 කානානිවරුන්ට+ සහ පෙරිස්සිවරුන්ට+ විරුද්ධව සටන් කරද්දී යූදා ගෝත්‍රයේ අය බෙෂෙක්වල හිටපු අදොනිබෙෂෙක්ට විරුද්ධවත් සටන් කළා.
6 ඒ වෙලාවේ අදොනිබෙෂෙක් පලා ගියා. එයාලා අදොනිබෙෂෙක් පස්සෙන් එළවගෙන ගිහින් එයාව අල්ලගෙන එයාගේ අත් දෙකෙයි, කකුල් දෙකෙයි මාපටැඟිලි කපලා දැම්මා.
7 එතකොට අදොනිබෙෂෙක් මෙහෙම කිව්වා. “අත් දෙකෙයි, කකුල් දෙකෙයි මාපටැඟිලි කපලා දාපු රජවරු 70දෙනෙක් මං ළඟ ඉන්නවා. එයාලා මගේ මේසයෙන් වැටෙන කෑම අහුලගෙන කාලයි ජීවත් වෙන්නේ. මම කරපු දේට දෙවියන් මට දඬුවම් කළා.” යූදා ගෝත්‍රයේ අය අදොනිබෙෂෙක්ව යෙරුසලමට ගෙනාවා.+ එහෙදී එයා මැරුණා.
8 යූදා ගෝත්‍රයේ අය යෙරුසලමට විරුද්ධවත් යුද්ධ කරලා+ ඒක අල්ලගත්තා. එයාලා එහේ හිටපු අයව කඩුවෙන් මරලා දාලා නගරයට ගිනි තිබ්බා.
9 ඊටපස්සේ එයාලා කඳුකරයෙත් නෙගෙබ් සහ ෂෙපේලා+ ප්‍රදේශවලත් ජීවත් වුණ කානානිවරුන්ට විරුද්ධව යුද්දෙට ගියා.
10 යූදා ගෝත්‍රයේ අය හෙබ්‍රොන්වලට ගිහින් එහේ හිටපු කානානිවරුන්ට විරුද්ධව යුද්ධ කරලා ෂේෂයි, අහිමාන් සහ තල්මයි කියන අයව මරලා දැම්මා.+ (හෙබ්‍රොන් කලින් හැඳින්නුවේ කිර්යත්අර්බා කියලා.)
11 ඊටපස්සේ එයාලා දෙබීර්වල+ ජීවත් වුණ අයට විරුද්ධව සටන් කරන්න ගියා. (දෙබීර් නගරය කලින් හැඳින්නුවේ කිර්යත්සේෆර් කියලා.)+
12 එහෙට යන්න කලින් කාලෙබ්+ මෙහෙම කිව්වා. “කවුරු හරි කෙනෙක් කිර්යත්සේෆර් නගරේ අල්ලගත්තොත් මං ඒ කෙනාට මගේ දුව අක්සාව බන්දලා දෙනවා.”+
13 කෙනෂ්ගේ පුතා+ වුණ ඔත්නියෙල්+ නගරයට පහර දීලා ඒක යටත් කරගත්තා. කෙනෂ් කියන්නේ කාලෙබ්ගේ මල්ලි. කාලෙබ් ඔත්නියෙල්ට එයාගේ දුවව විවාහ කරලා දුන්නා.
14 අක්සා ගෙදරින් පිටත් වෙලා යද්දී එයා ඔත්නියෙල්ට කිව්වා එයාගේ තාත්තා වුණ කාලෙබ්ගෙන් ඉඩමක් ඉල්ලගන්න කියලා. ඊටපස්සේ අක්සා බූරුවාගේ පිටෙන් බැස්සාම* කාලෙබ් එයාගෙන් ඇහුවා “මගේ දුවේ, ඔයාට මොනවාද ඕනෙ” කියලා.
15 එතකොට අක්සා තාත්තාට මෙහෙම කිව්වා. “මට ඔයාගේ ආශීර්වාදේ තියෙනවා නම් ඔයාට පුළුවන්ද මට තෑග්ගක් දෙන්න? ඔයා දකුණු පළාතෙන්* මට ඉඩමක් දුන්නා. මට ගුල්ලොත්මායිම්* ඉඩමත් දෙන්න පුළුවන්ද?” ඉතින් කාලෙබ් එයාට ගුල්ලොත් කියන ඉඩමේ ඉහළ කොටසයි, පහළ කොටසයි දුන්නා.
16 කේනිවරුන්ගෙන්+ පැවතෙන අය ඒ කියන්නේ මෝසෙස්ගේ මාමණ්ඩිගෙන්+ පැවතෙන අයයි, යූදා ගෝත්‍රයේ අයයි තාල වර්ගයේ ගස්වලට ප්‍රසිද්ධ නගරයෙන්+ පිටත් වෙලා ආරද්වලට+ දකුණින් තියෙන යූදා පාළුකරයට ගියා. කේනිවරු ඒ අය එක්ක එහේ පදිංචි වුණා.+
17 ඒත් යූදා ගෝත්‍රයේ අය එයාලාගේ සහෝදරයන් වුණ සිමියොන් ගෝත්‍රයේ අය එක්ක සටනට ගිහිල්ලා ෂෙපත්වල හිටපු කානානිවරුන්ට පහර දීලා ඒ නගරය සම්පූර්ණයෙන්ම විනාශ කළා.+ එයාලා ඒ නගරයට හොර්මා* කියන නම දුන්නා.+
18 ඊටපස්සේ යූදා ගෝත්‍රයේ අය ගාසා+ සහ ඒ අවට ප්‍රදේශයයි, අෂ්කෙලොන්+ සහ ඒ අවට ප්‍රදේශයයි, එක්‍රොන්+ සහ ඒ අවට ප්‍රදේශයයි අල්ලගත්තා.
19 යූදා ගෝත්‍රයේ අයට යෙහෝවාගේ උදව් ලැබුණ නිසා එයාලා කඳුකර ප්‍රදේශය අල්ලගත්තා. ඒත් තැනිතලාවේ ජීවත් වුණ අයව පන්නලා දාන්න එයාලට බැරි වුණා. මොකද එහේ හිටපු අය ළඟ රෝදවලට යකඩ උල් හයි කරපු* යුධ රථ තිබුණා.+
20 මෝසෙස් පොරොන්දු වෙලා තිබුණ විදිහට+ එයාලා හෙබ්‍රොන් නගරය කාලෙබ්ට දුන්නා. කාලෙබ් අනාක්ගේ පුතාලා තුන්දෙනාව එහෙන් පන්නලා දැම්මා.+
21 ඒත් බෙන්ජමින් ගෝත්‍රයේ අය යෙරුසලමේ ජීවත් වුණ යෙබූසිවරුන්ව පන්නලා දැම්මේ නැහැ. ඒ නිසා යෙබූසිවරු අද වෙන කල් බෙන්ජමින් ගෝත්‍රයේ අය එක්ක යෙරුසලමේ ඉන්නවා.+
22 ඔය අතරේ යෝසෙප්ගෙන්+ පැවතෙන අය බෙතෙල් නගරයට විරුද්ධව සටන් කළා. එයාලට යෙහෝවාගේ උදව් ලැබුණා.+
23 එයාලා බෙතෙල් නගරය ගැන හොයලා බලන්න කීපදෙනෙක්ව යැව්වා. (බෙතෙල් කලින් හැඳින්නුවේ ලූෂ් කියලා.)+
24 තොරතුරු හොයන්න ගිය ඒ අය නගරයෙන් කෙනෙක් එළියට එනවා දැක්කා. ඉතින් එයාලා ඒ කෙනාට මෙහෙම කිව්වා. “නගරෙට ඇතුල් වෙන විදිහ අපිට පෙන්නන්න පුළුවන්ද? ඒක අපිට පෙන්නුවොත් අපි ඔයාට කරදරයක් කරන්නේ නැහැ.”*
25 ඒ කෙනා නගරයට ඇතුල් වෙන විදිහ එයාලට පෙන්නලා දුන්නා. එයාලා නගරයට ඇතුල් වෙලා එහේ හිටපු අයට කඩුවෙන් පහර දුන්නා. ඒත් එයාලා ඒ මනුස්සයාටයි, එයාගේ පවුලේ අයටයි මුකුත් කළේ නැහැ. එයාලට යන්න දුන්නා.+
26 ඒ මනුස්සයා හිත්තීවරුන්ගේ දේශයට ගිහින් එහේ නගරයක් ගොඩනඟලා ඒකට ලූෂ් කියන නම දුන්නා. අද වෙන කල් ඒ නම වෙනස් කරලා නැහැ.
27 මනස්සේ ගෝත්‍රයේ අය බෙත්ෂෙයාන් සහ ඒ අවට තිබුණ කුඩා නගරයි, තයනක්+ සහ ඒ අවට තිබුණ කුඩා නගරයි, දෝර් සහ ඒ අවට තිබුණ කුඩා නගරයි, ඉබ්ලෙයාම් සහ ඒ අවට තිබුණ කුඩා නගරයි, මෙගිද්දෝ සහ ඒ අවට තිබුණ කුඩා නගරයි අල්ලගත්තේ නැහැ.+ කානානිවරු ඒ ප්‍රදේශවල දිගටම පදිංචි වෙලා හිටියා.
28 ඊශ්‍රායෙල් සෙනඟ දේශයේ එයාලාගේ බලය තහවුරු කරගත්තාට පස්සේ කානානිවරුන්ව මෙහෙකාරකමට ගත්තා.+ ඒත් එයාලා කානානිවරුන්ව සම්පූර්ණයෙන්ම පන්නලා දැම්මේ නැහැ.+
29 එෆ්‍රායිම් ගෝත්‍රයේ අයත් ගෙෂෙර්වල ජීවත් වුණ කානානිවරුන්ව පන්නලා දැම්මේ නැහැ. ඒ නිසා කානානිවරු එයාලා අතරේ ගෙෂෙර්වල දිගටම ජීවත් වුණා.+
30 සෙබ්‍යූලන් ගෝත්‍රයේ අය කිට්‍රොන් සහ නහලොල්වල ජීවත් වුණ කානානිවරුන්ව පන්නලා දැම්මේ නැහැ.+ කානානිවරුන් එයාලා අතරේ දිගටම ජීවත් වුණා. ඒත් එයාලා කානානිවරුන්ව මෙහෙකාරකමට ගත්තා.+
31 ආෂෙර් ගෝත්‍රයේ අය අක්කෝ, සීදොන්,+ අහ්ලාබ්, අක්ෂිබ්,+ හෙල්බා, අපික්+ සහ රෙහොබ්+ කියන නගරවල ජීවත් වුණ අයව පන්නලා දැම්මේ නැහැ.
32 ආෂෙර් ගෝත්‍රයේ අය කානානිවරුන්ව පන්නලා දැම්මේ නැහැ. ඒ නිසා කානානිවරුන් අතරේ දිගටම ජීවත් වෙන්න එයාලට සිද්ධ වුණා.
33 නෆ්තලී ගෝත්‍රයේ අය බෙත්ෂෙමෙෂ් සහ බෙත්අනාත්වල+ ජීවත් වුණ අයව පන්නලා දැම්මේ නැහැ. ඒ වෙනුවට එයාලා ඒ ප්‍රදේශවල ජීවත් වුණ කානානිවරුන් අතරේ දිගටම ජීවත් වුණා.+ එයාලා බෙත්ෂෙමෙෂ් සහ බෙත්අනාත්වල ජීවත් වුණ කානානිවරුන්ව මෙහෙකාරකමට ගත්තා.
34 අමෝරිවරු දාන් ගෝත්‍රයේ අයට තැනිතලාවට ඇවිල්ලා පදිංචි වෙන්න ඉඩ දුන්නේ නැහැ. ඒ නිසා එයාලට කඳුකරයේ ජීවත් වෙන්න සිද්ධ වුණා.+
35 අමෝරිවරු දිගටම හෙරෙස් කන්දේ, ආයාලොන්+ සහ ෂායල්බිම්වල+ ජීවත් වුණා. ඒත් යෝසෙප්ගෙන් පැවතෙන අය එයාලාගේ බලය තහවුරු කරගත්තාට පස්සේ අමෝරිවරුන්ව මෙහෙකාරකමට ගත්තා.
36 අමෝරිවරුන්ට තිබුණ ප්‍රදේශය අක්‍රබ්බිම්+ බෑවුමේ සහ සේලාවල ඉඳන් ඉහළට විහිදිලා ගියා.
පාදසටහන්
^ හෝ සමහරවිට, “බූරුවා පිටේ ඉඳන් අත්පුඩි ගැහුවාම.”
^ හෝ, “නෙගෙබ් පළාතෙන්.” ඒක වියළි පළාතක්.
^ තේරුම, “දිය පොකුණු.”
^ තේරුම, “විනාශයට නියම කරපු.”
^ මූ.අ., “යකඩවලින් හදපු.”
^ හෝ, “නොසැලෙන ආදරේ පෙන්නනවා.” “පැහැදිලි කිරීමක්” බලන්න.
