ශෙපනියා 1:1-18
1 ආමොන්+ රජුගේ පුතා වුණ යොෂියා+ යූදාවල රජකම් කරපු කාලයේදී, කූෂිගේ පුතා වුණ ශෙපනියාට යෙහෝවා දෙවියන්ගෙන් පණිවිඩයක් ලැබුණා. කූෂි ගෙදලියාගේ පුතා. ගෙදලියා අමරියාගේ පුතා. අමරියා හෙසකියාගේ පුතා. ශෙපනියාට* ලැබුණු පණිවිඩය මේකයි.
2 “මම දේශය මතුපිට තියෙන හැම දෙයක්ම සම්පූර්ණයෙන්ම විනාශ කරනවා” කියලා යෙහෝවා කියනවා.+
3 “මම මිනිසුන්වත් සතුන්වත් අහසේ කුරුල්ලන්වත්මුහුදේ මසුන්වත් සම්පූර්ණයෙන්ම විනාශ කරනවා.+
මිනිසුන්ව වරදට පොලඹවන දේවල්*+ වගේම දුෂ්ටයන්වත් මම නැති කරලා දානවා.මම දේශයේ එක මිනිසෙක්වත් ඉතුරු කරන්නේ නැහැ” කියලා යෙහෝවා කියනවා.
4 “මම යූදා දේශයටත් යෙරුසලමේ සියලු වැසියන්ටත් විරුද්ධව මගේ බලය පෙන්වනවා.*බාල්ට+ කරන නමස්කාරයට සම්බන්ධ හැම දේම මම මේ ස්ථානයෙන් නැත්තටම නැති කරලා දානවා.වෙනත් ජාතීන් නමස්කාර කරන දෙවිවරුන්ගේ පූජකයන්වත්මේ දේශයේ පූජකයන්වත් මම විනාශ කරලා ඔවුන්ගේ නම් මකලා දානවා.+
5 පැතලි වහලවල්වල* ඉඳන් ආකාශ වස්තුවලට වැඳුම්පිදුම් කරන අයව+ මම විනාශ කරනවා.මල්කාම්+ දෙවියාගේ නමින් දිවුරන ගමන් යෙහෝවා වන මං ඉස්සරහා වැඳ වැටිලාමට නමස්කාර කරනවා කියලා දිවුරන අයවත්+ මම විනාශ කරනවා.
6 යෙහෝවා වන මට ළං වෙලා මගෙන් මඟ පෙන්වීම් පතනවා වෙනුවට+යෙහෝවා වන මාව අත්හැරලා යන හැමෝවමත්+ මම විනාශ කරනවා.”
7 ශ්‍රේෂ්ඨතම පාලකයාණන් වන යෙහෝවා ඉස්සරහා නිහඬ වෙන්න.මොකද යෙහෝවා දෙවියන්ගේ දවස ළං වෙලා.+
යෙහෝවා පූජාවක් සූදානම් කරලා ඒකට ආරාධනා කරපු අයව පවිත්‍ර තත්වයකට ගෙනල්ලා තියෙනවා.
8 “යෙහෝවා වන මම ඒ පූජාව ඔප්පු කරන දවසේදීපාලකයන්ටත් රජුගේ පුතුන්ටත්+ විදේශිකයන්ගේ ඇඳුම් ඇඳගෙන ඉන්න අයටත් දඬුවම් කරනවා.
9 ඒ දවසේදී, වේදිකාව* උඩට යන හැමෝටමත්තමන්ගේ ස්වාමිවරුන්ගේ ගෙවල්වල සේවය කරන ගමන්මිනිසුන්ට හිංසා කරන, වංචා කරන අයටත් මම දඬුවම් කරනවා.”
10 යෙහෝවා දෙවියන් මෙහෙමත් කියනවා.“ඒ දවසේදී මත්ස්‍ය දොරටුවෙන්+ කෑගහන හඬකුත්නුවරේ අලුතෙන් හදපු කොටසේ ඉඳන් විලාප නඟන හඬකුත්+කඳුවලින් මහා ඝෝෂාවකුත් ඇහෙයි.
11 මක්තෙෂ්වල* වැසියෙනි, කෑගහලා අඬන්න.මොකද හැම වෙළෙන්දෙක්වම* විනාශ* කරලයි තියෙන්නේ.රිදී ගනුදෙනුකරුවෝ හැම කෙනෙක්වමත් විනාශ කරලයි තියෙන්නේ.
12 ඒ කාලයේදී මම පහන් දල්වගෙන යෙරුසලමේ අස්සක් මුල්ලක් නෑර සෝදිසි කරනවා.තමන් ජීවත් වෙන විදිහ හොඳයි කියලා හිතන අයටත්*‘යෙහෝවා හොඳක්වත් නරකක්වත් කරන්නේ නැහැ’+ කියලා හිතන අයටත් මම දඬුවම් කරනවා.
13 සතුරෝ ඇවිත් ඔවුන්ගේ වස්තුව කොල්ල කාලා ගෙවල් විනාශ කරලා දායි.+
ඔවුන් ගෙවල් ගොඩනැඟුවත් ඒ ගෙවල්වල ජීවත් වෙන්න ඔවුන්ට ලැබෙන්නේ නැහැ.ඔවුන් මිදිවතු වැව්වත් ඒවාවලින් ඔවුන්ට වයින් බොන්න ලැබෙන්නේ නැහැ.+
14 යෙහෝවා දෙවියන්ගේ මහත් දවස ළං වෙලා.+
ඒ දවස ඉක්මනින්ම එනවා. ඒක අත ළඟටම ඇවිත්!+
යෙහෝවාගේ දවසේදී බියකරු හඬක් දසත පැතිරෙයි.+
එදාට බලවන්තයෝ කෑ මොර ගහයි.+
15 ඒ දවස උදහස ප්‍රකාශ කරන දවසක්.+දුක් කරදර සහ වේදනාවලින් පිරුණු දවසක්.+සැඩ කුණාටුවලින් සහ විපත්තිවලින් පිරුණු දවසක්.ඒක වැහිබර, අඳුරු දවසක්.+ඝන අන්ධකාරයෙන් වැහුණු, අඳුරු වලාවන්ගෙන් පිරුණු දවසක්.+
16 ඒ දවසේදී, පවුරුවලින් වට වුණ නුවරවලටත්පවුරු කොනේ උසට හදපු මුරකොටුවලටත්+ විරුද්ධව නඟන යුධ ඝෝෂා සහ හොරණෑ හඬ ඇහෙයි.+
17 මම මිනිසුන් පිටට දුක් පීඩා ගේනවා.ඔවුන් අන්ධයන් වගේ ඇවිදන් යයි.+මොකද ඔවුන් පව් කරලා තියෙන්නේ යෙහෝවා වන මට විරුද්ධවයි.+
මම ඔවුන්ගේ ලේ දූවිලි වගේ බිමට හලනවා.ඔවුන්ගේ මස්* ගොම වගේ හැම තැනම විසුරුවනවා.+
18 යෙහෝවාගේ කේන්තිය පිට කරන ඒ දවසේදී+ඔවුන්ව බේරගන්න ඔවුන්ගේ රන්වලටවත් රිදීවලටවත් බැහැ.ගින්නක් වගේ ඇවිළෙන ඔහුගේ කේන්තිය නිසා මුළු දේශයම* දැවිලා යයි.+මොකද ඔහු දේශය පිටට භයානක විනාශයක් ගේනවා.ඒකෙන් දේශයේ වැසියන් හැමෝම විනාශ වෙලා යනවා.”+
පාදසටහන්
^ තේරුම, “යෙහෝවා හංගයි (වස්තුවක් වගේ රැකගනියි).”
^ පේන විදිහට මෙතන කතා කරන්නේ බොරු නමස්කාරයට සම්බන්ධ රූප සහ ක්‍රියාකාරකම් ගැනයි.
^ මූ.අ., “මගේ අත දිගු කරනවා.”
^ ඒ කාලේ ගොඩක් ගෙවල්වල පැතලි වහලක් තිබුණා. සමහර අය නිදාගන්න, අමුත්තන් එක්ක එකට කෑම වේලක් ගන්න ඒක පාවිච්චි කළා.
^ සමහරවිට මෙතන කතා කරනවා ඇත්තේ රජගේ සිංහාසනය තියලා තියෙන වේදිකාව ගැන වෙන්න පුළුවන්.
^ මූ.අ., “නිහඬ.”
^ හෝ, “ව්‍යාපාරිකයෙක්වම.”
^ පේන විදිහට යෙරුසලමේ මත්ස්‍ය දොරටුව ළඟ තිබුණ තැනක්.
^ හෝ, “මණ්ඩි බහින කල් එකම භාජනයේ නිශ්චලව තියෙන වයින් වගේ ඉන්න අයටත්.”
^ මූ.අ., “බඩවැල්.”
^ හෝ, “පොළොවම.”
