සලමොන්ගේ ගීතිකාව 7:1-13
7 “ගෞරවය දිනාගත්ත දියණිය,පාවහන් පැලඳගෙන ඉන්න ඔබේ දෙපා කොයි තරම් අලංකාරද!
ඔබේ උකුළ ලස්සන ආභරණ වගෙයි.දක්ෂ ශිල්පියෙක්ගේ අතින් නිමැවුණු ආභරණ වගෙයි.
2 ඔබේ නාභිය වටකුරු බඳුනක් වගෙයි.
ඒක හැමදාම වයින්වලින් පිරිලා තිබේවා!
ඔබේ උදරය ලිලී මල්වලින් වට වුණතිරිඟු ගොඩක් වගෙයි.
3 ඔබේ පියයුරු මුව පැටවුන් දෙන්නෙක් වගෙයි.නිවුන් මුව පැටවුන් වගෙයි.+
4 ඔබේ ගෙල+ ඇත්දළවලින් නිමැවුණු කොතක් වගෙයි.+
ඔබේ දෙනුවන්+ බාත්රබ්බිම් දොරටුව ළඟ තියෙනහෙෂ්බොන්වල පොකුණු වගෙයි.+
ඔබේ නහය දමස්කයට මුහුණ ලා තියෙනලෙබනොන්වල කොත වගෙයි.
5 ඔබේ හිස කර්මෙල් කන්ද වගේ තේජවත්.+ඔබේ හිසකෙස්+ දම් පාට ලොම් වගෙයි.+
ඔබේ ලස්සන දිගු වරලසට රජගේ හිත ඇදිලා යනවා.
6 මගේ සොඳුරිය, ඔබ මොන තරම් ලස්සනද! මොන තරම් ප්‍රියමනාපද!ලස්සන හැම දේකටම වඩා ඔබ සුන්දරයි.
7 ඔබේ පෙනුම හරියට තාල ගහක් වගෙයි.ඔබේ පියයුරු ඉඳිපොකුරු වගෙයි.+
8 ‘මම ඒ ගහට නැඟලාඒකේ පල නෙළාගන්නවා’ කියලා මං කිව්වා.
ඔබේ පියයුරු මිදිපොකුරු වගෙත්ඔබේ සුසුම් ඇපල් සුවඳ වගෙත් වේවා!
9 ඔබේ මුව ඉස්තරම්ම වයින් වගේ වේවා!”
“මගේ සතුට ඒ වයින් මගේ පෙම්වතාගේ උගුර දිගේ හෙමිහිට ගලාගෙන යනවා දකින එකයි.ඒ වයින් තොල් අතරින් හෙමිහිට ගලාගෙන ගිහින් කෙනෙක්ව සුව නින්දකට වට්ටන වයින් වගේ වේවා!
10 මගේ හිමිකාරයා මගේ පෙම්වතායි.+ඔහු ආදරේ කරන්නේ මට විතරයි.
11 මගේ පෙම්වත, එන්න.අපි තණබිම්වලට යමු.සුවඳවත් හෙනා පඳුරු අතරේ කල් ගෙවමු.+
12 අපි හිමිදිරි උදෑසන අවදි වෙලා මිදිවතුවලට යමු.මිදිවැලේ දලු දාලාද කියලත්මල් පිපිලාද කියලත් බලන්න යමු.+දෙළුම් ගස්වල මල් පීදිලාද කියලා බලන්න යමු.+
එහෙදී මගේ ආදරේ මම ඔබට පෙන්නන්නම්.+
13 මැන්ඩ්‍රේක් ගෙඩිවලින්+ සුවඳ හමනවා.ඉස්තරම්ම පලතුරු හැම එකක්ම අපේ දොරකඩ ළඟ තියෙනවා.+
මගේ පෙම්වත, අලුත කඩපු පලතුරු වගේම කල් තියාගන්න පලතුරුමම ඔබ වෙනුවෙන්ම රැස් කරලා තියෙනවා.
