හිතෝපදේශ 1:1-33
1 ඊශ්‍රායෙලයේ රජ+ වුණ දාවිත්ගේ පුත්+ සලමොන්+ ලියපු හිතෝපදේශ.*
2 ඒවා ලියලා තියෙන්නේ ප්‍රඥාව+ සහ හික්මවීම් ලබා දෙන්න වගේමනැණවත් කියමන් තේරුම් කරලා දෙන්නයි.
3 ඒ හික්මවීම් පිළිගද්දී+ වටහාගැනීමේ ශක්තිය දියුණු වෙනවා.හරි තීරණ ගන්නත්*+ ධර්මිෂ්ඨ,+ ප්‍රතිපත්තිගරුක* ජීවිතයක් ගත කරන්නත් පුළුවන් වෙනවා.
4 අද්දැකීම් අඩු කෙනාට බුද්ධිමත්ව වැඩ කරන්න+ පුළුවන් වෙනවා.තරුණයෙක්ට දැනුම සහ හොඳින් සිතීමේ හැකියාව ලැබෙනවා.+
5 ප්‍රඥාවන්ත කෙනෙක් උපදෙස්වලට සවන් දීලා තවත් ඉගෙනගනියි.+අවබෝධයෙන් වැඩ කරන කෙනෙක් හරි මඟ පෙන්වීම්* ලබාගනියි.+
6 එයා එහෙම කරන්නේ හිතෝපදේශ සහ සංකීර්ණ කාරණා* වටහාගන්නයි.නුවණැති අයගේ වදන් සහ කියමන් තේරුම්ගන්නයි.+
7 දැනුම ලබාගන්න නම් මුලින්ම යෙහෝවා ගැන ගරුබියක්* තියෙන්න ඕනේ.+
ප්‍රඥාව සහ හික්මවීම් හෙළා දකින්නේ අඥානයන්.*+
8 මගේ පුතේ, ඔයාගේ තාත්තා ඔයාව නිවැරදි කරද්දී එයාට සවන් දෙන්න.+ඔයාගේ අම්මාගේ උපදෙස්වලට* පිටු පාන්න එපා.+
9 ඒවා ඔයාගේ හිසට අලංකාර ඔටුන්නක්.+ඔයාගේ කරට වටිනා ආභරණයක්.+
10 පුතේ, පව්කාරයන් ඔයාව නොමඟ යවන්න හැදුවත් එයාලට අහු වෙන්න එපා.+
11 එයාලා මෙහෙම කියයි.
“එන්න, අපි මඟ රැකගෙන ඉඳලා කාව හරි මරමු.
විනෝදයට වගේ හැංගිලා ඉඳලා අහිංසකයන්ව අල්ලගමු.
12 මිනී වළ මිනිස්සුන්ව ගිලගන්නවා වගේ එයාලව පණපිටින් ගිලගමු.මිනී වළ මිනිස්සුන්ව වහගන්නවා වගේ එයාලව වහගමු.
13 එයාලාගේ හැම වටිනා දෙයක්ම පැහැරගමු.ඒවාවලින් අපේ ගෙවල් පුරවගමු.
14 ඔයාත් අපිත් එක්ක එන්න.අපි හැම දෙයක්ම සම සමව* බෙදාගමු.”
15 මගේ පුතේ, එයාලා එක්ක යන්න එපා.
එයාලා යන පාරට අඩිය තියන්නවත් එපා.+
16 එයාලාගේ පාද ඉක්මනින් ඇදිලා යන්නේ දුෂ්ටකම් කරන්න.ලේ හලන කල් එයාලට ඉවසිල්ලක් නැහැ.+
17 කුරුල්ලෙක් බලන් ඉද්දී දැලක් එළලා වැඩක් තියෙනවාද?
18 ලේ වගුරුවන්න, එයාලා කාටත් හොරා මඟ රැකගෙන ඉන්නේ ඒ නිසයි.මිනී මරන්න හැංගිලා බලාගෙන ඉන්නේ ඒ නිසයි.
19 වංචා කරලා ධනය රැස් කරන අය වැඩ කරන්නේ ඒ විදිහටයි.ඒ ධනයම එයාලාගේ විනාශයට හේතු වෙයි.+
20 සැබෑ ප්‍රඥාව+ හැමෝටම ඇහෙන්න පාරවල්වල හඬ නඟයි.+
ප්‍රධාන හන්දිවල කෑගහලා කතා කරයි.+
21 ප්‍රඥාව* සෙනඟ පිරුණු පාරවල්වල හඬ නඟයි.
නුවරේ දොරටු ළඟ ඉඳන් මෙහෙම කියයි.+
22 “අද්දැකීම් අඩු තැනැත්තෙනි, ඔයාලා තව කොච්චර කල් මෝඩකම්වලට ඇලුම් කරනවාද?
සමච්චල් කරන්නෙනි, ඔයාලා තව කොච්චර කල් සමච්චල් කරලා සතුටක් ලබනවාද?
අඥානයෙනි, ඔයාලා තව කොච්චර කල් දැනුම පිළිකුල් කරනවාද?+
23 මං දෙන අවවාද පිළිගන්න.*+
එතකොට මම ඔයාලට ප්‍රඥාව* නොඅඩුව දෙන්නම්.මගේ වචන ඔයාලට උගන්වන්නම්.+
24 මං අඬගැහුවත් ඔයාලා මට සවන් දුන්නේ නැහැ.මම අත දුන්නත් කවුරුත් මාව ගණන් ගත්තේ නැහැ.+
25 ඔයාලා දිගින් දිගටම මගේ උපදෙස් අහක දැම්මා.මගේ අවවාද ප්‍රතික්ෂේප කළා.
26 ඒ නිසා ඔයාලාගේ විපතේදී මම හිනා වෙනවා.විනාශය* ඔයාලා පිටට එද්දී මම ඔයාලට සමච්චල් කරනවා.+
27 විනාශය කුණාටුවක් වගෙත්විපත්ති සුළිසුළඟක් වගෙත් ඔයාලා පිටට එයි.ඔයාලට දුක් පීඩා සහ ප්‍රශ්න ගැටලුවලට මුහුණ දෙන්න වෙයි.
28 එදාට ඔයාලා* මට කොච්චර අඬගැහුවත් මං උත්තර දෙන්නේ නැහැ.අස්සක් මුල්ලක් නෑර මාව හෙව්වත් ඔයාලට මාව හම්බ වෙන්නේ නැහැ.+
29 මොකද ඔයාලා දැනුමට පිළිකුල් කළා.+යෙහෝවාට ගරුබිය දක්වන්න අකමැති වුණා.+
30 ඔයාලා මගේ උපදෙස් පිළිගත්තේ නැහැ.මගේ හැම අවවාදයක්ම හෙළා දැක්කා.
31 ඒ නිසා ඔයාලා කරපු දේවල ප්‍රතිඵල ඔයාලට විඳින්නම වෙනවා.+ඔයාලාගේ දුෂ්ට සැලසුම් ආයෙත් ඔයාලා දිහාවටම එක පිට එක හැරිලා එනවා.*
32 මාව අත්හැරලා යන නිසා අද්දැකීම් අඩු අයට මරණය අත් වෙනවා.කාරණා සැහැල්ලුවට ගන්න නිසා අඥානයන් විනාශ වෙනවා.
33 ඒත් මට සවන් දෙන කෙනා සුරක්ෂිතව ජීවත් වෙනවා.+කිසිම විපතකට බය වෙන්නේ නැතුව සන්සුන්ව ඉන්නවා.”+
පාදසටහන්
^ ඒ කියන්නේ ප්‍රඥාවන්ත කියමන්.
^ හෝ, “සාධාරණ විනිශ්චයක් කරන්නත්.”
^ හෝ, “සාධාරණ, යුක්තිගරුක.”
^ හෝ, “නැණවත් උපදෙස්.”
^ හෝ, “උදාහරණ.”
^ හෝ, “භක්තියක්.”
^ බයිබලයේ “අඥාන,” “අනුවණ” සහ “මෝඩ” අය කියන්නේ මුරණ්ඩු විදිහට යෙහෝවාගේ ප්‍රමිතිවලට පිටු පාන අයටයි.
^ හෝ, “නීතිවලට.”
^ හෝ, “එකම මල්ල.”
^ හෝ, “ඇය.”
^ මූ.අ., “මගේ බලය.” මෙතන කතා කරන්නේ දෙවියන්ගේ බලයෙන් ලැබෙන ප්‍රඥාව ගැන වෙන්න පුළුවන්.
^ හෝ, “මං අවවාද කරද්දී හරි මඟට එන්න.”
^ මූ.අ., “සිද්ධ වෙයි කියලා ඔයාලා බයෙන් හිටපු දේ.”
^ මූ.අ., “එයාලා.” මේක 29-31 දක්වා පදවලටත් අදාළයි.
^ හෝ, “ඔක්කාරයට එයි.”
