හිතෝපදේශ 16:1-33
16 මිනිසෙක් කියන්න ඕනෙ දේ ගැන කලින්ම හිතනවා.*ඒත් එයා දෙන උත්තරේ* ලැබෙන්නේ යෙහෝවාගෙන්.+
2 මිනිසෙක්ට එයා කරන හැම දේම හරියි කියලා හිතෙයි.+ඒත් යෙහෝවා එයාගේ චේතනා සෝදිසි කරලා බලයි.+
3 ඔයා කරන හැම දේකදීම යෙහෝවා මතම රඳා ඉන්න.*+එතකොට ඔයාගේ සැලසුම් සාර්ථක වෙයි.
4 යෙහෝවා තමන්ගේ අරමුණ ඉටු කරගන්න හැම දෙයක්ම යොදාගන්නවා.විපත්ති දවසේදී දුෂ්ටයන්ව විනාශ කරන්නත් ඔහු නියම කරලා තියෙනවා.+
5 උඩඟු හිත් තියෙන හැමෝම යෙහෝවාට පිළිකුලක්.+
ඔහු එයාලව දඬුවමෙන් නිදහස් කරන්නේ නැහැ කියලා ස්ථිරයි.
6 නොසැලෙන ආදරේ සහ විශ්වාසවන්තකම නිසා වරදට සමාව ලැබෙයි.+යෙහෝවා ගැන ගරුබියක් තියෙන නිසා කෙනෙක් වැරදි දෙයින් ඈත් වෙයි.+
7 මිනිසෙක්ගේ හැසිරීම ගැන යෙහෝවා සතුටු වෙද්දීඔහු ඒ කෙනාගේ හතුරන්ටත් එයා එක්ක සමාදානයෙන් ඉන්න සලස්වනවා.+
8 අසාධාරණ විදිහට ලොකු ආදායමක් උපයනවාට වඩා+ධර්මිෂ්ඨකමින් සුළු මුදලක් උපයන එක හොඳයි.+
9 මිනිසෙක් තමන් කරන්න යන දේ සැලසුම් කළත්එයාගේ පියවර හසුරුවන්නේ යෙහෝවායි.+
10 රජෙක් ප්‍රකාශ කරන්න ඕනෙ දෙවියන්ගෙන් ලැබෙන තීන්දුවයි.+එයාගේ කටින් අසාධාරණ තීන්දුවක් පිට වෙන්න හොඳ නැහැ.+
11 නිවැරදි මිනුම් සහ තරාදිය අයිති යෙහෝවාටයි.මල්ලේ අරන් යන මිනුම් පඩි ලබා දෙන්නෙත් ඔහුයි.+
12 රජවරු දුෂ්ටකම් හෙළා දකියි.+මොකද සිංහාසනයක් ස්ථිර වෙන්නේ ධර්මිෂ්ඨකම නිසයි.+
13 ධර්මිෂ්ඨ දේවල් කියන අය ගැන රජවරු සතුටු වෙනවා.
අවංකව කතා කරන අයට එයාලා ආදරෙයි.+
14 රජෙක්ගේ කේන්තිය මරණයක් ගැන දන්වන පණිවිඩකරුවෙක් වගේ.+ඒත් ප්‍රඥාවන්තයා ඒ කේන්තිය නිවලා දායි.*+
15 රජෙක්ගේ හිත දිනාගද්දී ජීවිතය ආරක්ෂා වෙනවා.ඔහුගේ අනුමැතිය වසන්ත කාලයේ දිස් වෙන වැහි වලාවක් වගේ.+
16 ප්‍රඥාව ලබාගන්න එක රන්වලට වඩා වටිනවා.+
අවබෝධය ලබාගන්න එක රිදීවලට වඩා වටිනවා.+
17 ප්‍රතිපත්තිගරුක අය වැරදි මාර්ගවලින් ඈත් වෙයි.
තමන් යන මඟ ගැන සෝදිසියෙන් ඉන්න කෙනා ජීවිතය රැකගනියි.+
18 විනාශයට මුල උඩඟුකමයි.වැටීමට හේතුව අහංකාරකමයි.+
19 උඩඟු අය එක්ක වස්තුව බෙදාගන්නවාට වඩානිහතමානී වෙලා යටහත්පහත් අය එක්ක ඉන්න එක හොඳයි.+
20 යම් කාරණයකදී වටහාගැනීමේ හැකියාව යොදාගන්න කෙනා සාර්ථක වෙයි.යෙහෝවා ගැන විශ්වාසය තියන කෙනා සන්තෝෂවත්.
21 ප්‍රඥාවන්තව හිතන අයව හොඳ අවබෝධයක් තියෙන අය විදිහට පිළිගනියි.+කාරුණිකව කතා කරන කෙනා දෙයක් පිළිගන්න පුළුවන් විදිහට කියනවා.+
22 වටහාගැනීමේ ශක්තිය නිසා ජීවිතය රැකෙයි.*අඥානයාට තමන්ගෙම මෝඩකම් නිසා හික්මවීම් ලැබෙයි.
23 ප්‍රඥාවන්තයා එයාගේ වචන හසුරුවන්නේ වටහාගැනීමේ හැකියාව යොදාගෙනයි.+දෙයක් පිළිගන්න පුළුවන් විදිහට කතා කරන්න එයාට හැකියාව තියෙනවා.
24 ප්‍රිය වචන මීවදයක් වගේ මිහිරියි.ඒවා ගතටත්* හිතටත්* සුවයක් ගෙන දෙයි.+
25 මිනිසෙක්ට හරියි කියලා හිතෙන මඟක් තියෙනවා.ඒත් ඒ මඟ අවසන් වෙන්නේ මරණයෙන්.+
26 කුලීකරුවෙක් මහන්සි වෙලා වැඩ කරන්නේ කෑම ටිකක් හොයාගන්නයි.එයා වැඩ කරන්න පෙලඹෙන්නේ එයාගේ බඩගින්න නිසයි.+
27 කිසි වැඩකට නැති කෙනෙක් නරක දේ හාරා අවුස්සනවා.+එයාගේ වචන ඇවිළෙන ගින්නක් වගේ.+
28 ප්‍රශ්න ඇති කරන* කෙනෙක් භේද ඇති කරයි.+බොරු කියලා අනුන්ට අපහාස කරන කෙනෙක් කිට්ටු යාළුවන්ව වෙන් කරයි.+
29 දරුණු මිනිසෙක් එයාගේ අසල්වැසියාව රවට්ටලාඑයාව වැරදි මඟක අරන් යයි.
30 එයා ඇස්වලින් ඉඟි කරලා දුෂ්ට සැලසුම් යොදයි.
එයා කපටි හිනාවක් පාලා උගුල් අටවයි.
31 ධර්මිෂ්ඨ ජීවිතයක් ගත කරන කෙනෙක්ගේ+ පැසුණු හිසකෙස්අලංකාර* ඔටුන්නක් වගේ.+
32 ඉක්මනින් කේන්ති ගන්නේ නැති කෙනා+ බලවන්තයෙක්ට වඩා ශක්තිමත්.කේන්තිය* පාලනය කරගන්න කෙනා නුවරක් අල්ලගන්න කෙනෙක්ට වඩා බලවත්.+
33 තීරණයක් ගන්න දාදු දැම්මත්*+ගන්න ඕනෙ හැම තීරණයක්ම පෙන්වලා දෙන්නේ යෙහෝවායි.+
පාදසටහන්
^ හෝ, “හරි උත්තරේ.”
^ හෝ, “සිතුවිලි සූදානම් කරගන්නවා.”
^ හෝ, “හැම දෙයක්ම යෙහෝවාට භාර දෙන්න.”
^ හෝ, “මඟහරියි.”
^ මූ.අ., “වටහාගැනීමේ ශක්තිය ජීවන උල්පතක්.”
^ හෙබ්‍රෙව් භාෂාවෙන් නෙෆෙෂ්. “පැහැදිලි කිරීමක්” බලන්න.
^ මූ.අ., “ඇටකටුවලටත්.”
^ හෝ, “කූට සැලසුම් යොදන.”
^ හෝ, “ගෞරවය ලබා දෙන.”
^ හෝ, “තමන්වම.”
^ මූ.අ., “ඔඩොක්කුවට දාදු දැම්මත්.”
