හිතෝපදේශ 17:1-28
17 රණ්ඩු දබර තියෙන නිවසක රජ බොජුන් කනවාට* වඩා+සාමය තියෙන* ගෙදරක වේළිච්ච රොටි කෑල්ලක් කන එක හොඳයි.+
2 අවබෝධයෙන් වැඩ කරන දාසයෙක් ලැජ්ජාවක් නැතුව හැසිරෙන පුතෙක්ව පාලනය කරයි.ස්වාමියාගේ පුතාලට ලැබෙන උරුමයෙන් කොටසක් එයාටත් ලැබෙයි.
3 රිදී පිරිසිදු කරන්න භාජනයකුත් රන් පිරිසිදු කරන්න උදුනකුත් තියෙනවා.+ඒත් හිත් සෝදිසි කරන්නේ යෙහෝවායි.+
4 දුෂ්ටයා වේදනාවක් ඇති කරන කතාවලට ඇහුම්කන් දෙනවා.රැවටිලිකාරයා හානියක් කරන අරමුණෙන් කියන කතාවලට සවන් දෙනවා.+
5 දුප්පතාට අපහාස කරන කෙනා තමන්ගේ සැදුම්කරුට නින්දා කරයි.+අනුන්ගේ විපතේදී සතුටු වෙන කෙනාට දඬුවම් ලැබෙනවාමයි.+
6 මහලු අයට එයාලාගේ මුනුපුරෝ* ඔටුන්නක් වගේ.පුතාලට* එයාලාගේ තාත්තලා* ගෞරවයක්.
7 මෝඩයෙක්ගේ කටින් වැදගත්* දෙයක් පිට වෙන එක කොහෙත්ම ගැළපෙන්නේ නැහැ.+
එහෙනම්, පාලකයෙක්ගේ* කටින් බොරුවක් පිට වෙන එක මොන තරම් නුසුදුසුද!+
8 කෙනෙක් ළඟ තියෙන තෑග්ගක් එයාට වටිනා මැණිකක් වගේ.+ඒ තෑග්ග නිසා යනයන තැන එයා සාර්ථක වෙනවා.+
9 වරදකට සමාව දෙන* කෙනා ආදරේ පෙන්වන කෙනෙක්.+ඒත් වරදක් ගැන කියකිය යන කෙනා කිට්ටු යාළුවන්ව වෙන් කරනවා.+
10 අඥානයෙක්ට සිය පාරක් පහර දුන්නත් වැඩක් නැහැ.+ඒත් අවබෝධයෙන් වැඩ කරන කෙනෙක්ට එක අවවාදයක් දුන්නත් එයා ඒක හිතට ගන්නවා.+
11 දුෂ්ටයාගේ එකම අරමුණ කැරලිගහන එකයි.ඒත් එයාට දඬුවම් කරන්න දරුණු කෙනෙක්ව එවයි.+
12 මෝඩ විදිහට හැසිරෙන අඥානයෙක්ව හම්බ වෙනවාට වඩා+පැටව් මැරුණ වැලහින්නක්ව මුණගැහෙන එක හොඳයි.
13 කෙනෙක් එයාට හොඳක් කරපු කෙනාට නපුරක් කළොත්එයාගේ ගෙදර හැමදාමත් කරදර තියෙයි.+
14 රණ්ඩුවක් පටන්ගන්න එක ජලාශයක වාන් දොරටු* අරිනවා වගේ.රණ්ඩුවක් ඇති වෙන්න කලින් එතනින් අයින් වෙලා යන්න.+
15 දුෂ්ටයාව වරදින් නිදහස් කරන කෙනාත්ධර්මිෂ්ඨයාව වරදකරුවෙක් කරන කෙනාත්+ යෙහෝවාට පිළිකුලක්.
16 අඥානයාට ප්‍රඥාව ලබාගන්න හැකියාව තිබුණත්ඒකට එයාට කිසි උවමනාවක්* නැත්නම් ඒකෙන් වැඩක් තියෙනවාද?+
17 අවංක යාළුවෙක් හැම වෙලාවෙම ආදරේ පෙන්වනවා.+එයා කරදරයකදී උදව් කරන්න ඉපදුණ සහෝදරයෙක්.+
18 සිහිකල්පනාව නැතුව වැඩ කරන කෙනා* අතට අත දීලා ණයකට ඇප වෙයි.එයාගේ අසල්වැසියා ඉස්සරහම එයා ඒ පොරොන්දුව දෙයි.+
19 රණ්ඩු දබරවලට ආස වැරදි දේට කැමති අයයි.+
තමන්ගේ දොරටු උසට හදන කෙනා විනාශයට අත වනයි.+
20 වංක හිතක් තියෙන කෙනා සාර්ථක* වෙන්නේ නැහැ.+රැවටිලිකාර කතා කියන කෙනාට අත් වෙන්නේ විනාශයයි.
21 මෝඩ දරුවෙක් එයාගේ තාත්තාට දුකක්.අඥානයාගේ තාත්තා කිසිම සතුටක් අද්දකින්නේ නැහැ.+
22 ප්‍රීතිමත් සිතක් හොඳ ඖෂධයක්.*+ඒත් බිඳුණු සිතක් නිසා ශක්තිය නැති වෙයි.*+
23 දුෂ්ටයා යුක්තිය පෙරළන්න රහසින් දෙන අල්ලසක් වුණත් ගනියි.+
24 කාරණා හොඳින් තේරුම්ගන්න කෙනෙක් ප්‍රඥාව දිහාම බලාගෙන ඉන්නවා.ඒත් අඥානයාගේ මනස* එහේ මෙහේ දුවනවා.+
25 අඥාන පුතෙක් තාත්තාට දෙන්නේ ලොකු වේදනාවක්.එයාගේ අම්මාට දෙන්නේ දරන්න බැරි දුකක්.*+
26 ධර්මිෂ්ඨයාට දඬුවම් කරන එක* සුදුසු නැහැ.ගෞරවනීය කෙනෙක්ට පහර දෙන එක ලොකු වරදක්.
27 දැනුම් තේරුම් ඇති කෙනා දිව පාලනය කරගන්නවා.+වටහාගැනීමේ ශක්තිය ඇති කෙනා සන්සුන්ව ඉන්නවා.*+
28 නිහඬව ඉද්දී මෝඩයෙක්ව වුණත් පේන්නේ ප්‍රඥාවන්තයෙක් වගේ.කතා නොකර ඉන්න කෙනාව පේන්නේ අවබෝධයෙන් වැඩ කරන කෙනෙක් වගේ.
පාදසටහන්
^ හෝ, “නිස්කලංක.”
^ මූ.අ., “පූජා ඔප්පු කරනවාට.”
^ හෝ, “මිනිපිරියන්.”
^ හෝ, “දරුවන්ට.”
^ හෝ, “දෙමාපියන්.”
^ හෝ, “යහපත්.”
^ හෝ, “අධිපතියෙක්ගේ.”
^ හෝ, “අමතක කරන.”
^ හෝ, “වේල්ලක දොරටු.”
^ හෝ, “එයාට හොඳ චේතනා.”
^ හෝ, “අඥාන කෙනෙක්.”
^ මූ.අ., “කෙනාට යහපතක්.”
^ හෝ, “ඇට වේළිලා යයි.”
^ හෝ, “සුවය ගෙන දෙයි.”
^ මූ.අ., “ඇස්.”
^ මූ.අ., “කලකිරීමක්.”
^ හෝ, “දඩ ගැසීම.”
^ හෝ, “කලබල වෙන්නේ නැහැ.”
