හිතෝපදේශ 20:1-30
20 වයින් සමච්චල් කරන්නෙක්.+මත්පැන් කෝලහල ඇති කරන්නෙක්.+ඒවා නිසා නොමඟ යන අය අඥානයෝ.+
2 රජෙක් මිනිස්සු තුළ ඇති කරවන බය සිංහයෙක්ගේ ගර්ජනාව වගේ.+ඔහුව කේන්ති ගස්සන කෙනා තමන්ගෙම ජීවිතය අනතුරේ දාගන්නවා.+
3 වාදවිවාදවලට පැටලෙන්නේ නැති කෙනා අනිත් අයගේ ගෞරවය දිනාගනියි.+ඒත් මෝඩයෝ නිතරම ඒවාට පැටලෙනවා.+
4 කම්මැළියෙක් ශීත කාලයේදී බීජ වපුරන්නේ නැහැ.ඒ නිසා අස්වැන්න නෙළන කාලයේදී එයාට සිඟමනේ යන්න වෙයි.*+
5 මිනිසෙක්ගේ සිතුවිලි* ගැඹුරු ජලය වගේ.ඒත් වටහාගැනීමේ හැකියාව තියෙන කෙනෙක් ඒවා ඇදගනියි.
6 තමන් නොසැලෙන ආදරයක් තියෙන කෙනෙක් කියලා හුඟක් අය කියයි.ඒත් ඇත්තටම විශ්වාසවන්ත කෙනෙක්ව හොයාගන්න පුළුවන් කාටද?
7 ධර්මිෂ්ඨයා දෙවියන්ට විශ්වාසවන්තව ජීවත් වෙනවා.+
ඒ නිසා එයාගේ දරුවොත් සතුටින් ඉන්නවා.+
8 රජතුමා විනිශ්චයාසනයේ ඉඳගෙන ඉද්දී+හැම නපුරු ක්රියාවක්ම ඔහු අඳුරගන්නවා.+
9 “මං මගේ හිත පිරිසිදු කරගත්තා.+ මගේ කිසි වරදක් නැහැ”+කියලා කියන්න පුළුවන් කාටද?
10 හොර මිනුම් පඩි සහ මිනුම් භාජන* යෙහෝවාට පිළිකුලක්.+
11 දරුවෙක් හරි දේ කරන,පවිත්ර කෙනෙක්ද කියලා එයා හැසිරෙන විදිහෙන් පැහැදිලි වෙයි.+
12 ඇසීමට කනත් දැකීමට ඇහැත් හැදුවේ යෙහෝවායි.+
13 ඕනෑවට වඩා නින්දට ආස කෙනා දුප්පතෙක් වෙයි.+
ඒත් අවදියෙන් ඉන්න කෙනාට කෑම කාලා තෘප්තිමත් වෙන්න පුළුවන්.+
14 “අපෝ! මේක එච්චර වටින්නේ නැහැ” කියකිය කෙනෙක් භාණ්ඩයක් මිල දී ගන්නවා.ඒත් එතනින් ගියාට පස්සේ එයා කරපු දේ ගැන මහ ලොකුවට කියවනවා.+
15 රත්තරන් තිබුණත් ඇති තරම් කොරල්* තිබුණත්දැනුම පතුරුවන තොල් ඊට වඩා වටිනවා.+
16 මිනිසෙක් නාඳුනන කෙනෙක්ගේ ණයකට ඇප වෙලා ඉන්නවා නම් ඒ මිනිසාගේ ඇඳුම අරගන්න.+එයා ඇප වුණේ විදේශික ස්ත්රියක්* වෙනුවෙන් නම් එයාගෙන් ඇපයක් ගන්න.+
17 වංචාවෙන් උපයගත්ත කෑම මිනිසෙක් රස කරකර කයි.ඒත් ඊටපස්සේ එයාගේ කට ගල් කැටවලින් පිරෙයි.+
18 අනිත් අයගේ අදහස් අරගෙන කරන සැලසුම් සාර්ථක වෙයි.+යුද්ධ කරද්දී නැණවත් උපදෙස් පතන්න.+
19 බොරු කියකිය අපහාස කරන කෙනා තැනින් තැන ගිහින් රහස් හෙළි කරයි.+ඕපාදූප පතුරුවන්න ආස කෙනා එක්ක ඇසුරු කරන්න එපා.
20 තාත්තාටයි, අම්මාටයි ශාප කරන කෙනාගේ පහනඅඳුර වැටීගෙන එද්දී නිවලා දායි.+
21 කෑදරකමින් උරුමයක් ලබාගත්තත්අන්තිමේදී ඒකෙන් කිසිම ආශීර්වාදයක් ලැබෙන්නේ නැහැ.+
22 “මම පළිගන්නවා” කියලා කියන්න එපා.+
යෙහෝවා මත බලාපොරොත්තු තියන්න.+ ඔහු ඔයාව බේරගනියි.+
23 හොර මිනුම් පඩි* යෙහෝවාට පිළිකුලක්.හොර තරාදි තියාගන්න එකත් වරදක්.
24 කෙනෙක් තියන්න ඕනෙ පියවර පෙන්වලා දෙන්නේ යෙහෝවා.+තමන් යන්න ඕනෙ මඟ මිනිසෙක් තනියම තේරුම්ගන්නේ කොහොමද?
25 කෙනෙක් දුර දිග බලන්නේ නැතුව “මං මේක කැප කරනවා” කියලා පොරොන්දු වෙලා,+
ඒක ඉටු කරන්න පුළුවන්ද කියලා හිතන්නේ ඊටපස්සේ නම් ඒක එයාට උගුලක් වෙයි.+
26 ප්රඥාවන්ත රජෙක් දුෂ්ටයන්ව වෙන් කරලා+ධාන්ය මඩින යන්ත්රයකින් එයාලව යට කරයි.+
27 මිනිසෙක්ගේ කටින් පිට වෙන දේ* යෙහෝවා දල්වපු පහනක් වගේ.ඒකෙන් එයාගේ ඇතුළාන්තයේ තියෙන හැම දේම හෙළි වෙනවා.
28 නොසැලෙන ආදරේ සහ විශ්වාසවන්තකම රජෙක්ව ආරක්ෂා කරයි.+ඔහුගේ සිංහාසනය ස්ථිර වෙන්නේ ඔහුගේ නොසැලෙන ආදරේ නිසයි.+
29 තරුණයන්ට ගෞරවය ලැබෙන්නේ එයාලාගේ ශක්තිය නිසයි.+මහලු අයට අලංකාරයක් ලැබෙන්නේ එයාලාගේ පැසුණු හිසකෙස් නිසයි.+
30 තැළුම් සහ තුවාලවලින්* නපුර ඉවත් වෙයි.+පහර දීම්වලින් කෙනෙක්ගේ ඇතුළාන්තය පිරිසිදු වෙයි.
පාදසටහන්
^ හෝ සමහරවිට, “අස්වැන්න නෙළන කාලයේදී පලදාව ලබාගන්න ගියත් එයාට කිසි දෙයක් ලැබෙන්නේ නැහැ.”
^ හෝ, “චේතනා.” මූ.අ., “උපදෙස්.”
^ හෝ, “මිනුම් පඩි දෙවර්ගයක් සහ මිනුම් භාජන දෙවර්ගයක්.”
^ “පැහැදිලි කිරීමක්” බලන්න.
^ හෝ, “විදේශිකයෙක්.”
^ හෝ, “මිනුම් පඩි දෙවර්ගයක්.”
^ මූ.අ., “හුස්ම.”
^ ඒ කියන්නේ හික්මවීම්වලින්.