හිතෝපදේශ 21:1-31
21 රජෙක්ගේ හිත යෙහෝවාගේ අතේ තියෙන දිය පහරක් වගේ.+
ඔහු කැමති කැමති අතට ඒක හරවනවා.+
2 මිනිසෙක්ට එයා කරන හැම දේම හරියි කියලා හිතෙයි.+ඒත් යෙහෝවා එයාගේ හිත* සෝදිසි කරලා බලයි.+
3 යෙහෝවා වැඩියෙන් සතුටු වෙන්නේහරි දේ කරන එකෙන් සහ සාධාරණව වැඩ කරන එකෙන් මිසක් පූජාවලින් නෙමෙයි.+
4 උඩඟු ඇස් සහ අහංකාර හිතක් තියෙන එක පාපයක්.ඒවා දුෂ්ටයන්ට මඟ පෙන්වන පහනක් වගේ.+
5 කඩිසර කෙනාගේ සැලසුම් සාර්ථක* වෙයි.+ඒත් හිතන්නේ බලන්නේ නැතුව හදිස්සියෙන් වැඩ කරන කෙනා දුප්පතෙක් වෙයි.+
6 බොරු කියලා රැස් කරගන්න වස්තුව නැති වෙලා යන මීදුමක් වගේ.මාරාන්තික උගුලක් වගේ.*+
7 දුෂ්ටයෝ යුක්තිය එපා කරනවා.ඒ නිසා එයාලා කරන දරුණු අපරාධවලින් එයාලම විනාශ වෙනවා.+
8 වරදකට වග කියන්න ඕනෙ කෙනාගේ ක්රියා වංකයි.ඒත් නිර්දෝෂ කෙනාගේ ක්රියා අවංකයි.+
9 රණ්ඩුවට බර* බිරිඳක් එක්ක එකම ගෙදර ඉන්නවාට වඩා හොඳයිවහලේ මුල්ලකට වෙලා ජීවත් වෙන එක.+
10 නපුරක් කරන කල් දුෂ්ටයාට ඉවසිල්ලක් නැහැ.+එයා තමන්ගේ අසල්වැසියාට කිසිම කරුණාවක් පෙන්වන්නේ නැහැ.+
11 සමච්චල් කරන්නාට දඬුවම් කරද්දී අද්දැකීම් අඩු කෙනා ප්රඥාවන්ත වෙයි.අවබෝධය වැඩි කරගද්දී ප්රඥාවන්තයා දැනුම් තේරුම් ඇතුව වැඩ කරයි.*+
12 ධර්මිෂ්ඨ දෙවියන් දුෂ්ටයන්ගේ නිවස ගැන සෝදිසියෙන් ඉන්නවා.ඔහු එයාලව විනාශයට ඇදලා දානවා.+
13 අසරණයා උදව් ඉල්ලද්දී ඇස් කන් වහගෙන ඉන්න කෙනාට+වෙන්නෙත් ඒ දේමයි.
14 රහසින් දෙන තෑග්ගකින් කේන්තිය නැති වෙලා යයි.+හංගලා දෙන* අල්ලසකින් දැවෙන කෝපය නිවිලා යයි.
15 යුක්තිය ඉටු කරන එක ධර්මිෂ්ඨයාට සතුටක්.+ඒත් නපුරු දේ කරන අයට ඒක පිළිකුලක්.
16 සිහිබුද්ධිය අත්හැරලා යන අයට වෙන්නේමිය ගිය අය එක්ක සැතපෙන්නයි.+
17 විනෝදයෙන්ම කල් ගෙවන* කෙනා දුප්පතෙක් වෙයි.+වයින්වලටත් තෙල්වලටත් අධික ආශාවක් තියෙන කෙනා පොහොසතෙක් වෙන්නේ නැහැ.
18 ධර්මිෂ්ඨයාව බේරගන්න දුෂ්ටයාව වන්දියක් විදිහට දෙයි.අවංක අය වෙනුවට ද්රෝහිකම් කරන අයව පැහැරගෙන යයි.+
19 රණ්ඩුවට බර බිරිඳක් එක්ක එකම ගෙදර ඉන්නවාට වඩාකාන්තාරයක ජීවත් වෙන එක හොඳයි.+
20 ප්රඥාවන්තයාගේ නිවස වටිනා වස්තුවලිනුත් තෙල්වලිනුත් පිරිලා.+ඒත් මෝඩයා තමන්ට තියෙන දේත් නාස්ති කරලා දායි.*+
21 හරි දේ කරන්නත් නොසැලෙන ආදරේ පෙන්වන්නත් වෙහෙසෙන අයටධර්මිෂ්ඨකමත් ගෞරවයත් ජීවනයත් හිමි වෙයි.+
22 ප්රඥාවන්තයාට පුළුවන් බලවත් නුවරක පවුරට නඟින්න.ඒකේ වැසියන් විශ්වාසය තියලා තියෙන බලකොටු බිඳලා දාන්න.+
23 දිව පාලනය කරගන්න කෙනා අනවශ්ය ප්රශ්නවලින් බේරෙයි.+
24 හිතන්නේ බලන්නේ නැතුව උඩඟු විදිහට වැඩ කරන කෙනාව හඳුන්වන්නේඋද්ධච්ච,* පුරසාරම් දොඩන කෙනෙක් විදිහටයි.+
25 කම්මැළියා කිසි වැඩක් කරන්න කැමති නැහැ.+එයාගේ ආශාවන් එයාව මරණයට ළං කරයි.
26 දවස තිස්සේම එයාගේ හිත කෑදරකමින් පිරිලා.ඒත් ධර්මිෂ්ඨයා පොඩ්ඩක්වත් අදිමදි කරන්නේ නැතුව දෙනවා.+
27 දුෂ්ටයා ඔප්පු කරන පූජා දෙවියන්ට පිළිකුලක්.+
එහෙනම්, දුෂ්ට අරමුණකින් දෙන* පූජා ඊට වඩා කොච්චර පිළිකුල්ද!
28 බොරු සාක්ෂිකරුවෙක් විනාශ වෙයි.+ඒත් හොඳින් සවන් දෙන කෙනාගේ සාක්ෂි ඇත්ත කියලා පිළිගනියි.*
29 දුෂ්ටයා බොරු නිර්භීතකමක් මවාපායි.+ඒත් ස්ථිර මඟක ඇවිදින්නේ* ප්රතිපත්තිගරුක කෙනායි.+
30 යෙහෝවාගේ කැමැත්තට විරුද්ධව යන්න තරම් ප්රඥාවක්වත්අවබෝධයක්වත් උපදෙසක්වත් කිසි කෙනෙක් ගාව නැහැ.+
31 යුද්ධ කරන දවස වෙනුවෙන් අශ්වයාව පුහුණු කරයි.+ඒත් ගැලවීම දෙන්නේ යෙහෝවායි.+
පාදසටහන්
^ හෝ, “චේතනා.”
^ හෝ, “ප්රයෝජනවත්.”
^ හෝ සමහරවිට, “මරණයට අත වනන අයට නැති වෙලා යන මීදුමක් වගේ.”
^ හෝ, “නිතරම ඇනඇන දේවල් කියන.”
^ හෝ, “කරන්න ඕනෙ දේ තේරුම්ගන්නවා.”
^ ඒ කියන්නේ ළය ප්රදේශයේ තියෙන සාක්කුවට දාන.
^ හෝ, “විනෝදයට ඇලුම් කරන.”
^ මූ.අ., “ගිලලා දායි.”
^ කිසි බයක් නැතුව තමන්ට අයිති නැති දේ කරන කෙනෙක් කියන අදහස මුල් භාෂාවේ තියෙනවා.
^ හෝ, “නින්දිතව හැසිරෙන ගමන් දෙන.”
^ මූ.අ., “කෙනා හැමදාටම කතා කරයි.”
^ හෝ, “මාර්ගය සාර්ථක කරගන්නේ.”