හිතෝපදේශ 29:1-27
29 කීප වතාවක්ම ලැබුණ අවවාද මුරණ්ඩු විදිහට ප්‍රතික්ෂේප කරන කෙනාට+හදිස්සියේම අනතුරකට මුහුණ දෙන්න වෙනවා.එයාට කොහොමටවත් බේරෙන්න ලැබෙන්නේ නැහැ.+
2 ධර්මිෂ්ඨයන්ගේ ගාණ වැඩි වුණාම මිනිස්සු සතුටු වෙයි.ඒත් පාලනය දුෂ්ටයෙක්ගේ අතට පත් වුණාම ජනයා සුසුම්ලයි.+
3 ප්‍රඥාවට ප්‍රිය කරන කෙනා එයාගේ තාත්තාව සතුටු කරයි.+ඒත් ගණිකාවන් එක්ක ඇසුරු කරන කෙනා එයාගේ වස්තුව නාස්ති කරලා දායි.+
4 රජෙක් යුක්තිය ඉටු කරද්දී රටේ සාමකාමී වාතාවරණයක් තියෙයි.+ඒත් අල්ලස, දූෂණය නිසා රටක් පරිහානියට ලක් වෙයි.
5 අසල්වැසියාව බොරුවට ප්‍රශංසා කරන කෙනාඑයා ඉස්සරහා දැලක් එළනවා.+
6 දුෂ්ටයා කරන වැරදි එයාටම උගුලක් වෙයි.+ඒත් ධර්මිෂ්ඨයා සතුටින් ගී ගයයි.+
7 ධර්මිෂ්ඨයා දුප්පතාගේ අයිතිවාසිකම් ගැන සැලකිලිමත්.+ඒත් දුෂ්ටයාට ඒ ගැන කිසි ගාණක් නැහැ.+
8 පුරසාරම් දොඩන අය මුළු නගරේම ගිනි තියයි.*+ඒත් ඥානවන්ත අය කේන්තිය නිවලා දායි.+
9 ඥානවන්තයෙක් මෝඩයෙක් එක්ක වාදයකට පැටලුණොත්එයාට නින්දා අපහාස, බැණුම් අහන්න වෙනවා මිසක් සැනසිල්ලක් නම් ලැබෙන්නේ නැහැ.+
10 ලේ පිපාසිත අය නිර්දෝෂ අයට වෛර කරයි.+එයාලා ප්‍රතිපත්තිගරුක අයගේ ජීවිත නැති කරන්න උත්සාහ කරයි.*
11 මෝඩයා තමන්ගේ කේන්තිය සම්පූර්ණයෙන්ම පිට කරනවා.+ඒත් ඥානවන්තයා දිගටම සන්සුන්ව ඉන්නවා.+
12 බොරු කතාවලට සවන් දෙන පාලකයෙක්ගේ හැම සේවකයෙක්ම දුෂ්ටයි.+
13 දුප්පතා සහ පීඩා කරන කෙනා අතරේ සමානකමක් තියෙනවා.
ඒ දෙන්නාටම ජීවිතය දුන්නේ* යෙහෝවා දෙවියන්.
14 රජෙක් දුප්පතුන්ව සාධාරණව විනිශ්චය කරද්දී+එයාගේ සිංහාසනය හැමදාටම ස්ථිර වෙයි.+
15 වේවැලෙනුත්* අවවාදවලිනුත් ප්‍රඥාව ලබා දෙන්න පුළුවන්.+ඒත් දරුවෙක්ට හිතුමතේට වැඩ කරන්න ඉඩහැරියොත් එයා අම්මාව ලැජ්ජාවට පත් කරයි.
16 දුෂ්ටයන් වැඩි වෙද්දී නීති විරෝධී දේවලුත් වැඩි වෙයි.ඒත් ධර්මිෂ්ඨයා දුෂ්ටයන්ගේ වැටීම ඇස් දෙකෙන්ම දකියි.+
17 ඔයාගේ පුතාව හික්මවන්න.එතකොට එයා ඔයාට ලොකු සතුටක්, සැනසීමක් වෙයි.+
18 දෙවියන්ගෙන් මඟ පෙන්වීම්* නොලැබුණාම මිනිස්සු කිසි පාලනයක් නැතුව හැසිරෙයි.+ඒත් නීතිය පිළිපදින අය ඉන්නේ සතුටින්.+
19 වරදක් පෙන්වලා දුන්නත් සේවකයෙක් ඒක හදාගන්නේ නැහැ.කියන දේ තේරුම්ගත්තත් එයා ඒකට කීකරු වෙන්නේ නැහැ.+
20 කතා කරන්න ඉක්මන් වෙන කෙනෙක්ව ඔයා දන්නවාද?+
මෝඩයෙක් ගැන ඊට වඩා බලාපොරොත්තු තියාගන්න පුළුවන්.+
21 සේවකයෙක්ට පොඩි කාලේ ඉඳන්ම ඕනෑවට වඩා සලකන්න ගියොත්පස්සේ කාලෙකදී එයා කිසි අගයක් පෙන්වන්නේ නැති කෙනෙක් වෙයි.
22 නිතරම කේන්ති ගන්න කෙනෙක් රණ්ඩු දබර ඇති කරයි.+ඉක්මනින් කේන්ති ගන්න කෙනාගේ අතින් හුඟක් වැරදි වෙයි.+
23 කෙනෙක්ගේ උඩඟුකම එයාව පහතට ඇදලා දායි.+ඒත් නිහතමානී කෙනා ගෞරවයට පත් වෙයි.+
24 හොරෙක් එක්ක හවුලේ වැඩ කරන කෙනෙක් තමන්ටම හානියක් කරගන්නවා.
වරදක් ගැන සාක්ෂි දෙන්න කියන ප්‍රසිද්ධ නිවේදනය* ඇහුණත් එයා සාක්ෂි දෙන්නේ නැහැ.+
25 මිනිස්සුන්ට බය වෙන එක උගුලක්.+ඒත් යෙහෝවාව විශ්වාස කරන කෙනාට ආරක්ෂාව ලැබෙයි.+
26 හුඟක් අය උදව් ගන්න පාලකයන් ළඟට යන්න හදනවා.*ඒත් මිනිස්සුන්ට යුක්තිය ඉටු කරලා දෙන්නේ යෙහෝවායි.+
27 ධර්මිෂ්ඨයා අසාධාරණ විදිහට වැඩ කරන කෙනාව හෙළා දකියි.+ඒත් දුෂ්ටයා හෙළා දකින්නේ යුක්තිගරුක කෙනාවයි.+
පාදසටහන්
^ හෝ, “උසිගන්වයි.”
^ හෝ සමහරවිට, “ඒත් ප්‍රතිපත්තිගරුක අය එයාලාගේ ජීවිත ආරක්ෂා කරන්න උත්සාහ කරයි.”
^ මූ.අ., “ඒ දෙන්නාගෙම ඇස්වලට එළිය ලබා දුන්නේ.”
^ හෝ, “නිවැරදි කරන එකෙනුත්; දඬුවම් දෙන එකෙනුත්.”
^ හෝ, “අනාගතවක්තෘවරයෙක්ට දර්ශනයක්; එළිදරව්වක්.”
^ හෝ, “ශාපයක් ඇතුළත් ප්‍රසිද්ධ නිවේදනයක්.”
^ හෝ, “හුඟක් අය පාලකයෙක් ඉස්සරහට යන්න උත්සාහ කරනවා.”
