හිතෝපදේශ 31:1-31
31 මේ, ලෙමුවෙල් රජ ලියපු පණිවිඩයක්. ඒක එයාගේ අම්මා එයාට අවවාද කරන්න දීපු බැරෑරුම් පණිවිඩයක්.+
2 මගේ පුතේ, දෙවියන්ට භාර වෙලා මං කන්නලව් කළේ ඔයා ගැනයි.මගේම කුසෙන් බිහි වුණ මගේ පුතේ,මං ඔයාට දෙන්න ඕනෙ මොන වගේ උපදෙස්ද?+
3 ඔයාගේ පුරුෂ ශක්තිය ස්ත්‍රීන්ට දෙන්න එපා.+රජවරුන්ගේ විනාශයට හේතු වෙන විදිහේ ජීවිතයක් ගත කරන්න එපා.+
4 ලෙමුවෙල් මගේ පුතේ, වයින් බොන එක රජ කෙනෙක්ට සුදුසු නැහැ.“කෝ මගේ මත්පැන් ටික” කියලා අහන එක නිලධාරියෙක්ට සුදුසු නැහැ.+
5 එහෙම කළොත් එයාලා වයින් බීලා නීතිය අමතක කරලා දායි.අසරණයන්ට යුක්තිය ඉටු නොකර ඉඳියි.
6 මරණාසන්නව ඉන්න අයට මත්පැන් දෙන්න.+කලකිරුණු අයට වයින් දෙන්න.+
7 එතකොට එයාලාගේ දුප්පත්කම එයාලට අමතක වෙයි.හිතේ තියෙන කරදරත් එයාලාගේ මතකයට එන්නේ නැහැ.
8 තමන් වෙනුවෙන් කතා කරන්න බැරි අය වෙනුවෙන් කතා කරන්න.මැරෙන්න යන අයගේ අයිතීන් වෙනුවෙන් නැඟී ඉන්න.+
9 ඔයාගේ කට ඇරලා සාධාරණ විනිශ්චයක් දෙන්න.අසරණ, දුප්පත් අයගේ අයිතීන් වෙනුවෙන් නැඟී ඉන්න.*+
א [ආලෙෆ්]
10 හොඳ* බිරිඳක් හොයාගන්න පුළුවන් කාටද?+
එයා කොරල්වලටත්* වඩා හුඟක් වටිනවා.
ב [බේත්]
11 එයාගේ සැමියා මුළු හිතින්ම එයාව විශ්වාස කරනවා.එයාගේ සැමියාට කිසිම දේකින් අඩුවක් නැහැ.
ג [ගීමෙල්]
12 මුළු ජීවිත කාලය පුරාමඑයා සැමියාට හොඳක් මිසක් නරකක් කරන්නේ නැහැ.
ד [දාලෙත්]
13 එයා ලොම් සහ ලිනන් මිල දී ගන්නවා.එයාගේ අත් දෙකෙන් එයා වැඩ කරන්නේ හරිම සතුටින්.+
ה [හේ]
14 එයා හරියට වෙළඳ නැවක් වගේ.+දුර ඈත තැන්වලට ගිහින් කෑම මිල දී ගන්නවා.
ו [වාව්]
15 එයා පාන්දරින්ම නැඟිටලාපවුලේ අයට කෑම ලෑස්ති කරනවා.එයාගේ සේවිකාවන්ටත් කොටසක් දෙනවා.+
ז [ෂායින්]
16 එයා ඉඩමක් ගැන හොඳට හොයලා බලලා ඒක මිල දී ගන්නවා.එයාගෙම මහන්සියෙන්* එයා මිදිවත්තක් වවනවා.
ח [හෙත්]
17 මහන්සි වෙලා වැඩ කරන්න එයා හොඳින් ලෑස්ති වෙනවා.+එයාගේ දෑත් සවිමත් කරගන්නවා.
ט [ටේත්]
18 එයාගේ වෙළඳාම්වලින් එයා ලාභ ලබනවා.රාත්‍රියේදීත් එයාගේ පහන නිවිලා යන්නේ නැහැ.
י [යෝද්]
19 එයා නූල් ඔතන උපකරණය එක අතකිනුත්නූල් ගොතන උපකරණය අනිත් අතිනුත් අල්ලගන්නවා.+
כ [කෆ්]
20 එයා අසරණයාටත් දුප්පතුන්ටත් ලෝභ නැතුව දෙනවා.+
ל [ලාමෙද්]
21 හිම වැටෙන කාලයේදී ගෙදර ඉන්න අය ගැන එයා කරදර වෙන්නේ නැහැ.මොකද ඒ හැමෝටම උණුසුම්ව ඉන්න ඕනෙ කරන ඇඳුම්* තියෙනවා.
מ [මෙම්]
22 ඇඳඇතිරිලි හදාගන්නෙත් එයාමයි.
එයා ඇඳගෙන ඉන්නේ ලිනන් සහ දම් පාට ලොම්වලින් හදපු ඇඳුම්.
נ [නුන්]
23 නුවර දොරටුව ළඟ+ ඉන්න අය එයාගේ සැමියාව හොඳට අඳුරනවා.එයාගේ සැමියා ඉඳගෙන ඉන්නේ එතන ඉන්න වැඩිමහල්ලන් එක්කයි.
ס [සාමෙක්]
24 එයා ලිනන්වලින් ඇඳුම්* හදලා ඒවා විකුණනවා.ඉණපටි හදලා වෙළෙන්දන්ට දෙනවා.
ע [ආයින්]
25 එයා ශක්තියෙනුත් ගෞරවයෙනුත් සැරසිලා ඉන්නවා.එයා අනාගතය දිහා බලන්නේ කිසි බයක් සැකක් නැතුවයි.*
פ [පේ]
26 එයා කතා කරන්නේ ඥානවන්තව.+වචන හසුරුවන්නේ ආදරේ* කියන නීතිය පදනම් කරගෙන.
צ [ට්සාධේ]
27 ගෙදර අයගේ ඕනෑ එපාකම් ගැන එයා හොයලා බලනවා.එයා පොඩ්ඩක්වත් කම්මැළි* නැහැ.+
ק [කෝෆ්]
28 එයාගේ දරුවෝ නැඟිටලා එයාට ප්‍රශංසා කරනවා.එයාගේ සැමියාත් නැඟිටලා එයාට ප්‍රශංසා කරනවා.
ר [රේෂ්]
29 හොඳ* කාන්තාවන් හුඟදෙනෙක් ඉන්නවා.ඒත් ඔයා ඒ හැමෝටම වඩා හුඟක් වටිනවා.
ש [ෂින්]
30 ප්‍රියමනාප පෙනුමට රැවටෙන්න පුළුවන්.රූමත්කම හැමදාම තියෙන්නේ නැහැ.*+ඒත් ප්‍රශංසාව ලබන්නේ යෙහෝවාට ගරුබිය දක්වන කාන්තාවයි.+
ת [ටාව්]
31 එයා කරන යහපත් දේවලට ලැබෙන්න ඕනෙ තෑග්ග දෙන්න.*+එයා කරන වැඩ වෙනුවෙන් නුවර දොරටුව ළඟ එයාට ප්‍රශංසාව ලැබේවා!+
පාදසටහන්
^ හෝ, “අය වෙනුවෙන් යුක්තිය ඉටු කරන්න.”
^ හෝ, “ගුණවත්.”
^ “පැහැදිලි කිරීමක්” බලන්න.
^ හෝ, “මහන්සි වෙලා හම්බ කරගත්ත සල්ලිවලින්.”
^ මූ.අ., “ඇඳුම් දෙක ගාණේ.”
^ හෝ, “යට ඇඳුම්.”
^ හෝ, “සිනාසෙමින්.”
^ හෝ, “කරුණාව; නොසැලෙන ආදරේ.”
^ මූ.අ., “අලසකමේ කෑම කන්නේ.”
^ හෝ, “ගුණවත්.”
^ හෝ, “නිෂ්ඵලයි.”
^ මූ.අ., “දෑතේ උත්සාහයෙන් හම්බ කරගත්ත දෙයින් කොටසක් දෙන්න.”
