හිතෝපදේශ 6:1-35
6 මගේ පුතේ, ඔයාගේ අසල්වැසියා වෙනුවෙන් ඇපකරුවෙක් වෙන්න ඔයා ඉදිරිපත් වෙලා තියෙනවා නම්,+අඳුරන්නේ නැති කෙනෙක්ට අතට අත දීලා පොරොන්දුවක් වෙලා තියෙනවා නම්,+
2 ඔයා දුන්න පොරොන්දුව නිසා ඔයා කරදරේක වැටිලා නම්,ඔයා කියපු වචන දැන් ඔයාටම උගුලක් වෙලා නම්,+
3 මගේ පුතේ, ඔයාගේ අසල්වැසියාගේ අතට ඔයා අහු වෙලයි ඉන්නේ.ඒ නිසා එයාගෙන් නිදහස් වෙන්න මෙහෙම කරන්න.
ඉක්මනින්ම එයා ළඟට ගිහින් ඒ පොරොන්දුවෙන් ඔයාව නිදහස් කරන්න කියලා බැගෑපත්ව ඉල්ලන්න.+
4 එයාගෙන් නිදහස් වෙන කල් නිදාගන්න එපා.ඇස් පියවෙන්න දෙන්නත් එපා.
5 දඩයක්කරුවෙක්ගෙන් බේරිලා යන මුවෙක්* වගෙත්කුරුලු දඩයක්කරුගෙන් බේරිලා යන කුරුල්ලෙක් වගෙත් එයාගෙන් ගැලවිලා යන්න.
6 කම්මැළියෙනි,+ කූඹියා ළඟට යන්න.ඌ වැඩ කරන විදිහ දිහා බලලා ඉගෙනගන්න.*
7 ඌට අණ දෙන්නවත් උගේ වැඩ බලන්නවත්ඌව පාලනය කරන්නවත් කවුරුත් නැහැ.
8 ඒත් ගිම්හාන කාලේදී ඌ කෑම සූදානම් කරගන්නවා.+අස්වැන්න නෙළන කාලේදී ආහාර රැස් කරගන්නවා.
9 කම්මැළියා, තව කොච්චර වෙලාවක් ඔයා නිදාගෙන ඉන්නවාද?
ඔයා නින්දෙන් ඇහැරෙන්නේ කීයටද?
10 තව ටිකක් නිදාගන්න. තව ටිකක් හාන්සි වෙලා ඉන්න.අත් දෙක බැඳගෙන හොඳට නිදාගන්න.+
11 එතකොට දුප්පත්කම මංකොල්ලකරුවෙක් වගෙත්අගහිඟකම් අවි ගත්ත කෙනෙක් වගෙත් හදිස්සියේම ඔයා පිටට එයි.+
12 කිසි කමකට නැති, දුෂ්ට කෙනෙක් බොරු කියකිය ඇවිදිනවා.+
13 එයා ඇස්වලින් ඉඟි කරනවා.+ අතින් පයින් සංඥා කරනවා.
14 එයාගේ හිත අන්තිම පහත් අදහස්වලින් පිරිලා.එයා නිතරම දුෂ්ට දේවල් කරන්න කුමන්ත්‍රණය කරනවා.+එකිනෙකා අතරේ භේද පතුරුවනවා.+
15 ඒ නිසා හදිස්සියේම එයා පිටට විනාශය එයි.එක මොහොතකින් එයා නැති වෙලා යයි.එයාට කොහොමටවත් බේරෙන්න බැහැ.+
16 යෙහෝවා හෙළා දකින දේවල් හයක් තියෙනවා.ඔහු පිළිකුල් කරන දේවල් හතක් තියෙනවා.
17 උඩඟු ඇස්,+ බොරු කියන දිව,+ අහිංසකයන්ගේ ලේ හලන අත්,+
18 දුෂ්ට කුමන්ත්‍රණ කරන හිත,+ නපුරු දේවල් කරන්න ඉක්මන් වෙන පාද,
19 කට ඇරියොත් බොරු සාක්ෂි දෙන අය+ සහ සහෝදරයන් අතරේ භේද පතුරුවන අය.+
20 මගේ පුතේ, ඔයාගේ තාත්තාගේ ආඥාව පිළිපදින්න.ඔයාගේ අම්මාගේ උපදෙස්වලට* පිටු පාන්න එපා.+
21 නිතරම ඒවා ඔයාගේ හිතේ තියාගන්න.ඒවා ඔයාගේ ගෙල වටේ බැඳගන්න.
22 එතකොට ඔයා ඇවිදිද්දී ඒවා ඔයාට මඟ පෙන්වයි.ඔයා විවේකයෙන් ඉද්දී ඒවා ඔයාව ආරක්ෂා කරයි.ඔයා අවදි වෙද්දී ඔයාට ඒවා මතක් වෙයි.*
23 මොකද ආඥාව පහනක්.+නීතිය ආලෝකයක්.+හික්මවද්දී දෙන අවවාදවලින් ජීවනය ලැබෙනවා.+
24 ඒවා ඔයාව නරක ස්ත්‍රියගෙන් ආරක්ෂා කරයි.+අනාචාරයේ යෙදෙන* ස්ත්‍රියගේ වශී කරවන කතාවලින් ඔයාව රැකගනියි.+
25 එයාගේ ලස්සන රූපෙට ඔයාගේ හිත ඇදිලා යන්න දෙන්න එපා.+එයාගේ වශී කරවන බැල්මට අහු වෙන්නත් එපා.
26 මොකද ගණිකාවක් ඇසුරු කරන කෙනාට ඉතුරු වෙන්නේ රොටි කෑල්ලක් විතරයි.+ඒත් සැමියාට ද්‍රෝහි වෙන බිරිඳක් වටිනා ජීවිතයක් බිලිගන්නවා.
27 මිනිසෙක් ගින්දර පපුව ළඟට ගත්තොත් එයාගේ ඇඳුම් පිච්චෙන්නේ නැද්ද?+
28 මිනිසෙක් ගිනි අඟුරු උඩ ඇවිද්දොත් එයාගේ කකුල් පිච්චෙන්නේ නැතුව තියෙයිද?
29 වෙන කෙනෙක්ගේ බිරිඳ එක්ක අනාචාරයේ යෙදෙන කෙනාට වෙන්නෙත් ඒකමයි.එයා එක්ක සම්බන්ධකම් පවත්වන ඕනෙම කෙනෙක්ට දඬුවම් ලැබෙනවාමයි.+
30 හොරෙක් බඩගින්න නිවාගන්න හොරකම් කළාටමිනිස්සු එයාව හෙළා දකින්නේ නැහැ.
31 ඒත් එයාව අහු වුණොත් එයාට හත් ගුණයක් වන්දි ගෙවන්න වෙනවා.ගෙදර තියෙන හැම වටිනා දෙයක්ම වුණත් දෙන්න එයාට සිද්ධ වෙයි.+
32 ස්ත්‍රියක් එක්ක අනාචාරයේ* යෙදෙන කෙනා වැඩ කරන්නේ සිහිකල්පනාව නැතුවයි.*ඒ කෙනා තමන්ගෙම ජීවිතය නාස්ති කරගන්නවා.+
33 එයාට ඉතුරු වෙන්නේ දුක, නින්දාව විතරයි.+එයාට වුණ ලැජ්ජාව කවදාවත් මැකිලා යන්නේ නැහැ.+
34 මොකද සැමියෙක්ගේ හිතේ ඊර්ෂ්‍යාවක් ඇති වුණොත් එයාට ලොකු කේන්තියක් ඇති වෙයි.පළිගන්න දවසේදී එයා කිසිම අනුකම්පාවක් පෙන්වන්නේ නැහැ.+
35 වරදට වන්දියක් ගෙව්වත් එයා ඒක භාරගන්නේ නැහැ.වටිනා තෑගිබෝග දුන්නත් එයාගේ කේන්තිය නිවන්න බැහැ.
පාදසටහන්
^ මූ.අ., “ගසෙල් මුවෙක්; කුරංගයෙක්.”
^ මූ.අ., “ඥානවන්ත වෙන්න.”
^ හෝ, “නීතියට.”
^ මූ.අ., “කතා කරයි.”
^ ඒ කියන්නේ බිරිඳට හරි සැමියාට හරි ද්‍රෝහි වෙන එක.
^ හෝ, “අඥාන කෙනෙක්.” ඒ කියන්නේ යහපත් චේතනා නැති, හොඳ විනිශ්චයක් කරන්න බැරි කෙනෙක්.
