හිතෝපදේශ 7:1-27
7 මගේ පුතේ, මං කියන දේවල් හිතේ තියාගන්න.මගේ ආඥා නිධානයක් වගේ රැකගන්න.+
2 මගේ ආඥාවලට කීකරු වෙලා ජීවිතේ රැකගන්න.+මගේ උපදෙස්* ඔයාගේ ඇහේ කලු ඉංගිරියාව වගේ ආරක්ෂා කරන්න.
3 ඒවා ඔයාගේ ඇඟිලිවල බැඳගන්න.හිත කියන පුවරුවේ ලියාගන්න.+
4 ප්රඥාවට “ඔයා මගේ සහෝදරිය” කියලත්
තේරුම්ගැනීමේ හැකියාවට “ඔයා මගේ නෑදෑයෙක්” කියලත් කියන්න.
5 එතකොට නරක* ස්ත්රියට ඔයා අහු වෙන්නේ නැහැ.+අනාචාරයේ යෙදෙන* ස්ත්රියගේ චාටු බස්වලට* ඔයා රැවටෙන්නෙත් නැහැ.+
6 මං මගේ ගෙදර ජනේලේ ළඟ ඉඳන්,
7 අද්දැකීම් අඩු තරුණයන් දිහා බලාගෙන හිටියා.සිහිකල්පනාව නැතුව වැඩ කරන*+ තරුණයෙක් එයාලා අතරේ ඉන්නවා මං දැක්කා.
8 එයා පාර දිගේ ගිහින් ඒ ස්ත්රිය ඉන්න පාරට හැරිලාඑයාගේ ගෙවල් පැත්තට ඇවිදගෙන ගියා.
9 එයා එහෙට ගියේ හවස් වරුවේ අඳුර වැටීගෙන එද්දියි.+රෑ, ගන අඳුර පැතිරීගෙන එද්දියි.
10 එතකොටම එයාව හම්බ වෙන්න ස්ත්රියක් ආවා.එයා ගණිකාවක් වගේ ඇඳගෙන හිටපු,+ කපටි ස්ත්රියක්.
11 එයා කටකාර, හිතුවක්කාර ස්ත්රියක්.+
කොයි වෙලාවකවත් ගෙදර ඉන්නේ නැති කෙනෙක්.
12 වෙලාවකට එයා ඉන්නේ එළියේ.තව වෙලාවක එයා ප්රධාන හන්දිවල ඇවිදිනවා.හැම පාරකම මුල්ලට වෙලා බලාගෙන ඉන්නවා.+
13 එයා දුවලා ගිහින් ඒ තරුණයාව බදාගෙන සිපගත්තා.එයා කිසි ලැජ්ජා බයක් නැතුව මෙහෙම කිව්වා.
14 “මට අද හවුල් පූජා ඔප්පු කරන්න යන්න වුණා.+
මගේ භාර ඔක්කොම මං අද ඉටු කළා.
15 ඒකයි මං ඔයාව හම්බ වෙන්න ආවේ.මම ඔයාව හොයාගෙන ආවා.
16 මගේ ඇඳ ලස්සන ඇතිරිලිවලින් සරසලයි තියෙන්නේ.ඊජිප්තුවෙන් ගෙනාපු පාට පාට ලිනන් රෙදි+ ඒකට අතුරලයි තියෙන්නේ.
17 මං මගේ ඇඳ සුවඳ ලාටු, අගිල් සහ කුරුඳුවලින් සුවඳවත් කළා.+
18 එන්න, අපි උදේ වෙන කල් ආදරේ කරමු.එළිය වැටෙන කල් ආදරෙන් මත් වෙලා ඉමු.
19 මගේ සැමියා ගෙදර නැහැ.එයා දුර ගමනක් ගිහින්.
20 එයා ගියේ සල්ලි මල්ලකුත් අරගෙන.එයා ආයෙත් එන්නේ මාසේ මැද.”*
21 ඒ ස්ත්රිය එයාගේ මායම්වලින් තරුණයාව රවට්ටගත්තා.+
චාටු කතාවලින් එයාව වශී කරගත්තා.
22 එකපාරටම එයා ඒ ස්ත්රිය පස්සේ යන්න පටන්ගත්තා.හරියට මරන්න ගෙනියන ගොනෙක් වගෙත්දඬුකඳේ ගහලා* දඬුවම් කරන්න අරන් යන මෝඩයෙක් වගෙත් එයා ස්ත්රිය පස්සේ ගියා.+
23 එයා හදිස්සියේම උගුලකට අහු වෙන කුරුල්ලෙක් වගේ.එයාගේ ජීවිතේ තියෙන්නේ අනතුරේ කියලා එයා දන්නේ නැහැ.+අන්තිමේදී ඊතලයක් එයාගේ අක්මාව පසාරු කරගෙන ගියා.
24 ඉතින් මගේ පුතාලා, මට සවන් දෙන්න.මං කියන දේ හොඳට හිතට ගන්න.
25 ඒ ස්ත්රිය කරන කියන දේවලට හිත ඇදිලා යන්න දෙන්න එපා.
එයා පස්සේ යන්නත් එපා.+
26 මොකද එයා නිසා හුඟදෙනෙක්ගේ ජීවිත නැති වෙලා තියෙනවා.+ගණන් කරන්න බැරි තරම් දෙනෙක් එයාගේ අතින් මැරුම් කාලා තියෙනවා.+
27 එයාගේ ගෙදර බැහැගෙන යන්නේ මිනී වළටයි.මිනී වළේ ගැඹුරුම තැන්වලටයි.
පාදසටහන්
^ හෝ, “නීතිය.”
^ හෝ, “වශී කරවන කතාවලට.”
^ හෝ, “අඥාන.”
^ මූ.අ., “පුන්සඳ දකින දවසේදී.”
^ හෝ, “විලංගු දාලා.”