හිතෝපදේශ 8:1-36
8 ප්‍රඥාව ශබ්ද නඟලා අඬගහනවා.
වටහාගැනීමේ ශක්තිය හැමෝටම ඇහෙන්න කතා කරනවා.+
2 උස් තැන්වල+ තියෙන පාරවල් දිගෙත්හන්දිවලත් ප්‍රඥාවේ හඬ ඇහෙනවා.
3 නුවරේ දොරටු ළඟත් ඒ අවට තැන්වලත්ප්‍රඥාව කෑගහලා මෙහෙම කියනවා.+
4 “මනුෂ්‍යයෙනි, මං කතා කරන්නේ ඔයාලටයි.මං අඬගහන්නේ හැමෝටමයි.
5 අද්දැකීම් අඩු හැමෝම සිහිබුද්ධියෙන් වැඩ කරන්න ඉගෙනගන්න.+අඥානයෙනි, අවබෝධයෙන් වැඩ කරන්න ඉගෙනගන්න.
6 මට ඇහුම්කන් දෙන්න. මං කියන දේ හුඟක් වැදගත්.මගේ කටින් පිට වෙන්නේ හරි දේ විතරයි.
7 මං හැම වෙලාවෙම කතා කරන්නේ සත්‍යය.බොරුව මගේ තොල්වලට පිළිකුලක්.
8 මං කියන හැම දේම ධර්මිෂ්ඨයි.
වංක, රැවටිලිකාර වචනයක්වත් මගේ කටින් පිට වෙන්නේ නැහැ.
9 වටහාගැනීමේ හැකියාව තියෙන අය මං කියන දේවල් ඇත්ත කියලා පිළිගන්නවා.දැනුම ලබාගෙන ඉන්න අය දන්නවා මගේ වචන සාධාරණයි කියලා.
10 රිදී වෙනුවට මගෙන් හික්මවීම් ලබාගන්න.පවිත්‍ර රන් වෙනුවට දැනුම තෝරගන්න.+
11 මොකද ප්‍රඥාව කොරල්වලට* වඩා වටිනවා.මිනිස්සු ආස කරන කිසිම දෙයක් ඒකට සමාන කරන්න බැහැ.
12 ප්‍රඥාව වන මම, සිහිකල්පනාව එක්ක අත්වැල් බැඳගෙන ඉන්නවා.දැනුම සහ හොඳින් සිතීමේ හැකියාව+ මං ළඟ තියෙනවා.
13 යෙහෝවාට ගරුබිය දක්වනවා කියන්නේ නපුරු දේ පිළිකුල් කරන එකටයි.+
තමන්වම උසස් කරගන්න එක, උඩඟුකම,+ දුෂ්ටකම් වගේම වංක, පහත් කතා+ මට පිළිකුලක්.
14 හොඳ උපදෙස් සහ බුද්ධිය*+ මගෙන් ලබාගන්න පුළුවන්.ශක්තිය+ සහ තේරුම්ගැනීමේ හැකියාව+ තියෙන්නේ මං ළඟයි.
15 රජවරුන් පාලනය කරන්නේ මගේ උදව්වෙන්.නිලධාරීන් ධර්මිෂ්ඨ නීති පනවන්නේ මං නිසයි.+
16 අධිපතීන් පාලනය කරන්නෙත්ධර්මිෂ්ඨ විදිහට විනිශ්චය කරන්නෙත් මගේ උදව්වෙන්.
17 මට ආදරේ කරන අයට මමත් ආදරෙයි.මාව හොයන අයට මාව හම්බ වෙයි.+
18 ධනය සහ ගෞරවය තියෙන්නේ මං ළඟයි.කවදාවත් නැති වෙන්නේ නැති වස්තුත්* ධර්මිෂ්ඨකමත් මට අයිතියි.
19 මගෙන් ලැබෙන දේවල් රන්වලට වඩා වටිනවා.ඒවා පිරිසිදු රන්වලටත් වඩා අනර්ඝයි.මගෙන් නෙළාගන්න පලදාව ඉස්තරම්ම රිදීවලටත් වඩා වටිනවා.+
20 මං ගමන් කරන්නේ ධර්මිෂ්ඨ මාර්ගයේ.යුක්තියේ මාවත් මැදින් මම ඇවිදන් යනවා.
21 මට ආදරේ කරන අයට මං වටිනා උරුමයක් දෙනවා.මං නිතරම එයාලාගේ ගබඩා පුරවනවා.
22 “යෙහෝවාගේ මුල්ම නිර්මාණය මමයි.+ඈත අතීතයේ, වෙන කිසිම දෙයක් හදන්න කලින් ඔහු මාව බිහි කළා.+
23 ඈත අතීතයේ ඉඳන්ම ඔහු මට ගෞරවනීය තැනක් ලබා දුන්නා.+ඒ තැන ඔහු මට දුන්නේ මුල ඉඳන්මයි. පොළොව නිර්මාණය කරන්නත් කලින් ඉඳන්මයි.+
24 මාව බිහි කළේ මහා ජල කඳන් ඇති වෙන්න කලින්.+ඒ කාලේදී ගැඹුරු දිය උල්පත් තිබුණෙත් නැහැ.
25 මාව බිහි කළේ කඳු හෙල් පිහිටුවන්නත් කලින්.
26 ඒ වෙනකොට පෘථිවියවත් ඒකේ කෙත්වතුවත්භූමියේ එක පස් පිඩැල්ලක්වත් හදලා තිබුණේ නැහැ.
27 ඔහු අහස පිහිටුවද්දීත්+ජල කඳේ ඈත කෙළවරේ ක්ෂිතිජය* ලකුණු කරද්දීත්+ මම හිටියා.
28 ඔහු ඉහළ අහසේ වලා පටලයන් තියද්දීත්සාගරයේ දිය උල්පත් ස්ථිරව පිහිටුවද්දීත්
29 ඔහු මුහුදු රළට, දාපු සීමාවෙන් එහාට යන්න එපා කියලා අණ කරද්දීත්+පොළොවේ අත්තිවාරම් දාද්දීත් මම හිටියා.
30 ඒ කාලේදී මම ඔහු ළඟින්ම ඉඳන් ඔහුගේ ප්‍රධාන සේවකයා විදිහට වැඩ කළා.+
හැම දවසකම ඔහු වැඩියෙන්ම සතුටු වුණේ මං ගැනයි.+හැම තිස්සේම මම ඔහු ඉස්සරහා හිටියේ හරිම සතුටින්.+
31 මිනිස්සුන්ට ජීවත් වෙන්න ඔහු හදපු පොළොව දැක්කාම මට දැනුණේ ලොකු සතුටක්.මට වැඩියෙන්ම ආදරේ දැනුණේ මනුෂ්‍ය පුත්‍රයන් ගැනයි.*
32 “මගේ පුතාලා, මට ඇහුම්කන් දෙන්න.මොකද මං පෙන්වන මාර්ගයේ යන අය සන්තෝෂවත්.
33 හික්මවීම් පිළිගෙන+ ප්‍රඥාවන්ත වෙන්න.කවදාවත් ඒවා ප්‍රතික්ෂේප කරන්න එපා.
34 හැම දවසකම උදෙන්ම මගේ ගෙදරට ඇවිත්*දොරකඩ ළඟ බලන් ඉඳලා,මට ඇහුම්කන් දෙන කෙනා සන්තෝෂවත්.
35 මාව හොයාගන්න කෙනාට ජීවනය ලැබෙනවා.+එයාට යෙහෝවාගේ අනුමැතියත් ලැබෙනවා.
36 ඒත් මාව ගණන් ගන්නේ නැති කෙනා එයාටම හානියක් කරගන්නවා.මට වෛර කරන අය මරණයට අත වනනවා.”+
පාදසටහන්
^ “පැහැදිලි කිරීමක්” බලන්න.
^ මූ.අ., “තැනට සුදුසු නුවණ.”
^ හෝ, “හොඳ සාරධර්මත්.”
^ හෝ, “නිම් වළල්ල.”
^ හෝ, “මිනිස්සුන්ටයි.”
^ හෝ, “මගේ දොර ළඟ අවදියෙන් ඉඳලා.”
