හිතෝපදේශ 9:1-18
9 සැබෑ ප්‍රඥාව ගෙයක් හදාගෙන තියෙනවා.ඒ ගෙට කුලුනු හතක් තියෙනවා.
2 ප්‍රඥාව, කෑමට මස් සූදානම් කරලා,*වයින් මිශ්‍ර කරලා තියෙනවා.කෑම මේසයකුත් ලෑස්ති කරලා තියෙනවා.
3 ප්‍රඥාව එයාගේ සේවිකාවන්ව නුවරේ උස් තැන්වලට යවලා+එයාලා ලවා මෙහෙම ආරාධනා කරනවා.
4 “අද්දැකීම් අඩු හැමෝම මෙහෙට එන්න.”
ඇය සිහිකල්පනාවෙන් වැඩ කරන්නේ නැති* හැමෝටම මෙහෙම කියනවා.
5 “එන්න, මගේ රොටි කන්න.ඇවිත් මං මිශ්‍ර කරපු වයින් බොන්න.
6 ඔයාලාගේ මෝඩකම්* අත්හැරලා ජීවත් වෙන්න.+අවබෝධය කියන මාවතේ දිගටම ගමන් කරන්න.”+
7 සමච්චල් කරන කෙනෙක්ව නිවැරදි කරන කෙනාට අත් වෙන්නේ අගෞරවයයි.+දුෂ්ටයෙක්ට අවවාද කරන කෙනාට අත් වෙන්නේ වේදනාවයි.
8 සමච්චල් කරන කෙනෙක්ට අවවාද කරන්න එපා. එයා ඔයාට වෛර කරයි.+
ප්‍රඥාවන්ත කෙනෙක්ට අවවාද කරන්න. එයා ඔයාට ආදරේ කරයි.+
9 ප්‍රඥාවන්ත කෙනෙක් එක්ක දැනුම බෙදාගන්න. එයා තවත් ප්‍රඥාවන්ත වෙයි.+
ධර්මිෂ්ඨ කෙනෙක්ට උගන්වන්න. එයා දැනුම තවත් වැඩි කරගනියි.
10 ප්‍රඥාව ලබාගන්න නම් කෙනෙක් මුලින්ම යෙහෝවාට ගරුබිය දක්වන්න ඕනේ.+අවබෝධය ලබාගන්න නම් අතිශුද්ධ තැනැත්තාව දැන හඳුන ගන්න ඕනේ.+
11 මං නිසා ඔයා ගොඩක් කල් ජීවත් වෙයි.+ඔයාගේ ආයු කාලය තවත් වැඩි වෙයි.
12 ඔයා ප්‍රඥාවන්ත කෙනෙක් වුණොත් ඒකෙන් ප්‍රයෝජන ලැබෙන්නේ ඔයාටමයි.ඒත් ඔයා සමච්චල් කරන කෙනෙක් නම් ඒකේ නරක ප්‍රතිඵල විඳින්න වෙන්නෙත් ඔයාටමයි.
13 මෝඩ ස්ත්‍රියක් කටකාරයි.+
එයා කිසි දෙයක් නොදන්න බොළඳ කෙනෙක්.
14 නුවරේ කන්දක් උඩ තියෙන එයාගේ ගෙයි දොරකඩ ළඟ එයා ඉඳගෙන ඉන්නවා.+
15 එතනින් යන එන අයට එයා අඬගහනවා.නවතින්නේ නැතුව කෙළින්ම යන අයට එයා මෙහෙම කියනවා.
16 “අද්දැකීම් අඩු හැමෝම මෙහෙට එන්න.”
සිහිකල්පනාවෙන් වැඩ කරන්නේ නැති*+ හැමෝටම එයා මෙහෙම කියනවා.
17 “හොරෙන් ගත්ත වතුර මිහිරියි.හොර රහසින් කන රොටි හරිම රසයි.”+
18 ඒත් ඒ ස්ත්‍රියගේ ගෙදර මිය ගිය අයගෙන් පිරිලා කියලත්එයාගේ ආරාධනාව පිළිගත්ත අය ඉන්නේ මිනී වළේ ගැඹුරුම තැන්වල+ කියලත් එයාලා දන්නේ නැහැ.
පාදසටහන්
^ හෝ, “සතුන්ව මරලා කෑමට සූදානම් කරලා තියෙනවා.”
^ හෝ, “අඥාන.”
^ හෝ, “අද්දැකීම් අඩු අයගේ ආශ්‍රය.”
^ හෝ, “අඥාන.”
