හෙබ්‍රෙව්වරුන්ට 2:1-18
2 ඒ නිසයි අපි අහපු දේවල්වලට සාමාන්‍යයෙන් දෙනවාටත් වඩා වැඩි අවධානයක් දෙන්න ඕනේ.+ එහෙම කළේ නැත්නම් අපිව සත්‍ය මාර්ගයෙන් ඈතට ගහගෙන යයි.+
2 දේවදූතයන් මාර්ගයෙන් කියපු වචන+ වෙනස් වුණෙත් නැත්නම් හැම වරදකටම සහ අකීකරු වෙලා කරපු හැම දේකටම ලැබෙන්න ඕනෙ දඬුවමත් ලැබුණා නම්+
3 මෙච්චර ශ්‍රේෂ්ඨ ගැලවීමක් ගණන් ගන්නේ නැතුව ඉඳලා අපිට දඬුවමෙන් බේරෙන්න පුළුවන් කියලා හිතනවාද?+ ඒ ගැලවීම ගැන මුලින්ම කියන්න පටන්ගත්තේ අපේ ස්වාමීන්.+ ඔහු කියපු දේවල් අහපු අය ඒ පණිවිඩය ඇත්තක් කියලා අපිට ස්ථිර කළා.
4 එයාලා දීපු සාක්ෂිය ඇත්තක් කියලා දෙවියනුත් පෙන්නුවා. ඔහු ඒක කළේ ආශ්චර්යයන් සහ පුදුම හිතෙන දේවල් කරලයි.+ ලකුණු පෙන්නලයි. ඒ වගේම තමන්ගේ කැමැත්තට එකඟව ඔහුගේ බලයත් එක් එක් කෙනාට බෙදලා දීලයි.+
5 අපි මේ කතා කරන, ඉස්සරහට එන්න තියෙන ලෝකේ*+ දෙවියන් යටත් කරලා දුන්නේ දේවදූතයන්ට නෙමෙයි.
6 කෙනෙක් එක අවස්ථාවක මේ දේ ගැන සාක්ෂි දුන්නා. “මිනිසාව ඔබ සිහි කරන්න තරම් ඔහු කවුද? ඔබේ රැකවරණය ලබන්න තරම් ඔහු වටිනවාද?+
7 ඔබ ඔහුව නිර්මාණය කරද්දී ඔහුට දුන්නේ දේවදූතයන්ට වඩා ටිකක් අඩු තත්වයක්. ඊටපස්සේ ඔබ තේජස සහ ගෞරවය කියන ඔටුන්න ඔහුට පැලඳෙව්වා. ඔබ නිර්මාණය කරපු හැම දෙයක්ම බලාගන්න ඔහුව පත් කළා.
8 ඔබ හැම දෙයක්ම ඔහුගේ පාදවලට යටත් කළා.”+ හැම දෙයක්ම ඔහු යටතට පත් කරපු නිසා+ දෙවියන් ඔහුට යටත් කරලා දුන්නේ නැති කිසිම දෙයක් නැහැ.+ ඇත්ත, හැම දෙයක්ම ඔහු යටතේ තියෙනවා කියලා අපිට තාම පේන්නේ නැහැ.+
9 ඒත් දේවදූතයන්ට වඩා ටිකක් අඩු තත්වයක් දුන්න යේසුස්ව අපි දකිනවා.+ දුක් විඳලා මරණය අද්දැක්ක නිසා ඔහුට තේජස සහ ගෞරවය කියන ඔටුන්න දැන් පලඳවලයි තියෙන්නේ.+ හැම කෙනෙක්ම වෙනුවෙනුයි ඔහු මරණය අද්දැක්කේ. ඔහු එහෙම කළේ දෙවියන් පෙන්නපු මහත් කරුණාව* නිසයි.+
10 හැම දෙයක්ම පවතින්නේ දෙවියන්ට ගෞරවයක් ගේන්නයි. ඒ වගේම හැම දෙයක්ම පවතින්නේ ඔහු නිසයි. ඉතින් ඔහු තීරණය කළා පුතුන් හුඟදෙනෙක්ව ගෞරවයට පත් කරන්න+ ප්‍රධාන තැනැත්තා දුක් විඳින්න අවශ්‍යයි+ කියලා. ඒ විදිහට ඒ පුතුන්ව ගලවගන්න ඒ තැනැත්තා සුදුසු කෙනෙක් වුණා.+
11 ශුද්ධ තත්වයකට පත් වෙන අයගෙත් එයාලව ශුද්ධ තත්වයකට ගේන කෙනාගෙත්+ තාත්තා එක් කෙනෙක්.+ ඒ නිසා එයාලට සහෝදරයන් කියලා කතා කරන්න යේසුස් ලැජ්ජා වෙන්නේ නැහැ.+
12 ඔහු මෙහෙම කියනවා. “මම මගේ සහෝදරයන්ට ඔබේ නම ගැන කියලා දෙනවා. සභාව මැද මම ගී ගයලා ඔබට ප්‍රශංසා කරනවා.”+
13 ඔහු මෙහෙමත් කියනවා. “මම දෙවියන් ගැන විශ්වාසය තියනවා.”+ ඒ වගේම ඔහු මෙහෙමත් කියනවා “මං දිහාත් යෙහෝවා* මට දුන්න දරුවන් දිහාත් බලන්න!”+
14 ඒ “දරුවන්” ලේ ඇට මස් නහර තියෙන අය නිසා ඔහුත් ලේ ඇට මස් නහර තියෙන කෙනෙක් වුණා.+ එහෙම වුණේ ඔහුගේ මරණය මාර්ගයෙන් මරණය ගේන්න හැකියාව තියෙන කෙනාව+ ඒ කියන්නේ යක්ෂයාව නැති කරලා දාන්නයි.+
15 ඒ වගේම මරණයට තියෙන බය නිසා මුළු ජීවිත කාලේ පුරාම වහලුන් වෙලා ඉන්න හැමෝවම නිදහස් කරන්නයි.+
16 ඇත්තටම ඔහු ආවේ දේවදූතයන්ට උදව් කරන්න නෙමෙයි. ආබ්‍රහම්ගෙන් පැවතෙන අයට උදව් කරන්නයි.+
17 ඉතින් ඔහුට සිද්ධ වුණා හැම අතින්ම ඔහුගේ “සහෝදරයන්ට” සමාන වෙන්න.+ එහෙම කරපු නිසා දෙවියන්ට සේවය කරද්දී දයාවන්ත, කීකරු උත්තම පූජකයෙක් වෙන්න ඔහුට පුළුවන් වුණා. ඒ වගේම මිනිස්සුන්ගේ පව් වෙනුවෙන්+ පූජාවක් ඔප්පු කරලා මිනිස්සුන්ට දෙවියන් එක්ක සමාදාන වෙන්න* අවස්ථාව+ දෙන්නත් ඒකෙන් ඔහුට පුළුවන් වුණා.
18 ඔහු පීඩාවලට මූණ දෙද්දී දුක් වින්ද නිසා+ පීඩාවලට මූණ දෙන අයට උදව් කරන්න ඔහුට පුළුවන්.+
පාදසටහන්
^ හෝ, “ජනාවාස වුණ පොළොව.”
^ හෝ, “ලබන්න නොවටිනා කරුණාව.” “පැහැදිලි කිරීමක්” බලන්න.
^ හෝ, “දෙවියන්ගේ අනුමැතිය ලබාගන්න.”
