හොෂෙයා 13:1-16
13 “එෆ්රායිම් ඊශ්රායෙල් සෙනඟ අතරේ බලවත්ව හිටියා.+ඔහු කතා කරද්දී හැමෝම බයෙන් වෙවුලුවා.
ඒත් බාල් දෙවියාට නමස්කාර කරන්න පටන්ගත්ත නිසා+ ඔහු මිය ගියා.
2 එෆ්රායිම් වැසියෝ රිදීවලින්වෙනත් දෙවිවරුන්ගේ රූප* හදාගෙන තව තවත් පව් කරනවා.+දක්ෂ රන්කරුවන් ලවා හදාගත්ත ඒ රූප ගැන ඔවුන් මෙහෙම කියනවා.
‘ඇවිත් මේ වස්සන්ව සිපගන්න කියලා පූජා ඔප්පු කරන්න එන අයට කියන්න.’+
3 ඒ නිසා මොහොතකින් නොපෙනී යන අලුයම මීදුම වගෙත්සැණෙකින් නැති වෙලා යන පිනි වගෙත් ඔවුන් නැති වෙලා යනවා.කමතෙන් ගහගෙන යන දහයියා වගෙත්පෝරණුවේ සිදුරෙන් නඟින දුම වගෙත් ඔවුන් පහ වෙනවා.
4 ඔබ ඊජිප්තු දේශයේ හිටපු කාලයේ ඉඳන් මේ වෙන කල්ම මං ඔබේ දෙවි වන යෙහෝවායි.+මම හැර වෙන කිසි දෙවි කෙනෙක් නැහැ කියලා ඔබ හොඳින්ම දැනන් හිටියා.මම හැර වෙන ගැලවුම්කරුවෙක් නැහැ.+
5 කාෂ්ටක පාළුකරයේදී ඔබව රැකබලා ගත්තේ මමයි.+
6 ඒත් සරු තණබිම්වලින් කාලා තෘප්තියට පත් වුණාට පස්සේ+ ඔබේ සිත උඩඟු වුණා.
ඔබ මාව අමතක කළා.+
7 තරුණ සිංහයෙක් වගෙත්+මඟ රැකගෙන ඉන්න දිවියෙක් වගෙත්මම ඔබ එන කල් බලන් ඉන්නවා.
8 පැටවුන් නැති වුණ වැලහින්නක් වගේමම ඔබේ ඇඟට කඩා පැනලා ඔබේ පපුව ඉරලා දානවා.
සිංහයෙක් වගේ ඔබව කාලා දානවා.වනසතෙක් ඇවිත් ඔබව කෑලි කෑලිවලට ඉරලා දානවා.
9 ඊශ්රායෙල් සෙනඟෙනි, ඔබ පව් කළේ ඔබේ උදව්වට ආපු මට විරුද්ධවයි.ඒ නිසා මම ඔබව විනාශ කරනවා.
10 ‘අපිට රජෙක් දෙන්න. අපිට පාලකයන් දෙන්න’ කියලා ඔබ මගෙන් ඉල්ලුවා.+ඒත් දැන් කෝ ඔබේ රජ්ජුරුවන්? කෝ ඔබේ පාලකයන්?*ඔවුන්ට කියන්න නුවරවල්වල ඉන්න ඔබව ඇවිත් බේරගන්න කියලා.+
11 මට කේන්ති ගිහින් ඔබට රජෙක් දුන්නා.+ඒත් ඊට වඩා ලොකු කේන්තියකින් මං ඔහුව රජකමින් අයින් කරනවා.+
12 එෆ්රායිම් කරපු වැරදි මම අමතක කරන්නේ නැහැ.ඔහු කරපු හැම පාපයක්ම ගණන් කරලා ඒවා වාර්තා කරලා තියෙනවා.*
13 ප්රසව වේදනාව අද්දකින ස්ත්රියක් වගේ ඔහුට මහත් වේදනාවක් විඳින්න වෙනවා.
ඒත් ඔහු මෝඩ බිලිඳෙක්.බිහි වෙන කාලය ආවත් ඔහු මව්කුසෙන් පිටතට එන්නේ නැහැ.
14 මිනී වළෙන් සහ මරණයෙන් ගලවගන්න තැනැත්තා මමයි.+
මරණය, වේදනාව ඇති කරන ඔබේ විෂ තුඩ කොතනද?+
මිනී වළ, විනාශය ඇති කරන ඔබ කොහෙද?+
ඒත් එෆ්රායිම්ට නම් මම අනුකම්පා කරන්නේ නැහැ.
15 ඔහු බට ගස් අතරේ සරුවට වැඩුණත්යෙහෝවා නැඟෙනහිරෙන් ඔහුට විරුද්ධව සුළඟක් එවයි.කාන්තාරයෙන් එන ඒ සුළඟ නිසා ඔහුගේ ළිං සහ දිය උල්පත් හිඳිලා යයි.
ඔහුගේ වටිනා වස්තු සම්භාරයම ගහගෙන යයි.*+
16 සමාරියේ වැසියන් කැරලිගැසුවේ ඔවුන්ගෙම දෙවියන්ට විරුද්ධවයි.+
ඔවුන්ට ඒ වරදට ගණන් දෙන්න වෙනවා.+ඔවුන් කඩුවෙන් මැරුම් කනවා.+ඔවුන්ගේ දරුවන්ව පොළොවේ ගහලා මරලා දානවා.ගැබිනි මව්වරුන්ව කඩුවෙන් කපලා දානවා.”
පාදසටහන්
^ හෝ, “ලෝහ උණු කරලා රූප.”
^ මූ.අ., “විනිශ්චයකරුවන්.”
^ මූ.අ., “පාප ඔතලා ගබඩා කරලා තියෙනවා.”
^ මූ.අ., “කොල්ල කයි.”