හොෂෙයා 8:1-14
8 “හොරණෑව පිඹින්න!+
සතුරා රාජාලියෙක් වගේ යෙහෝවා දෙවියන් වන මගේ ගෘහයට හදිස්සියෙන් කඩාවදියි.+මොකද මගේ සෙනඟ මගේ ගිවිසුමත්+ නීතියත් කඩ කරලා.+
2 ඒත් ඔවුන් මට කියන්නේ ‘අපේ දෙවියනි, අපි ඔබව හඳුනනවා’ කියලයි.+
3 ඊශ්‍රායෙල් යහපතට පයින් ගැහුවා.+
ඔවුන්ව සතුරාගේ අතට හසු වේවා!
4 ඔවුන් හිතුමනාපෙට රජවරුන්ව පත් කරගත්තා.
මගෙන් අහන්නේ නැතුව පාලකයන්ව පත් කරගත්තා.
ඔවුන්ගේ රන් රිදීවලින් දෙවිවරුන්ගේ රූප හදාගත්තා.+ඒ නිසා ඔවුන්ට අත් වෙන්නේ විනාශයයි.+
5 සමාරියේ ජනයෙනි, ඔබ හදාගත්ත වස්සා මට පිළිකුලක්.+
මගේ කෝපය ඔබට විරුද්ධව ඇවිළෙයි.+
ඔබේ සිත් පිරිසිදු කරගන්න තව කොච්චර නම් කාලයක් ගත වෙයිද?
6 සමාරිවරුන්ගේ වස්සා සුනුවිසුනු වෙලා යයි.මොකද ඒක ඊශ්‍රායෙල් සෙනඟ කරපු නිර්මාණයක්.
ඒක ඔවුන් හදපු රූපයක් විතරයි.ඒකට සැබෑ දෙවියන් කියලා කියන්නේ කොහොමද?
7 ඔවුන් සුළඟ වපුරලා සුළිසුළඟ කපාගනියි.+ඔවුන්ගේ කෙත්වල පැළ හටගත්තත් කරල් පීදෙන්නේ නැහැ.+
කරල් ආවත් ඒවාවලින් පිටි ලබාගන්න බැහැ.පිටි ලැබුණත් විදේශිකයන් ඇවිත් ඒවා කාලා දානවා.+
8 ඊශ්‍රායෙල්වරු සතුරාගේ අතට හසු වෙයි.+
ඔවුන් අහක දාන භාජනයක් වගේ.ඔවුන්ව වෙනත් ජාතීන් අතරට වීසි කරලා දානවා.+
9 ඔවුන් හිතුමනාපෙට ඇසිරියාවට ගිහින්.+ඔවුන් වැඩ කරන්නේ හීලෑ නැති බූරුවෙක් වගේ.
එෆ්‍රායිම් වැසියන් ගණිකාවන්ව කුලියට අරන්.+
10 ඔවුන් වෙනත් ජාතීන්ගෙන් ගණිකාවන්ව කුලියට ගන්නවා.ඒත් මම දැන් එෆ්‍රායිම් වැසියන්ව රැස් කරනවා.රජු නිසාත් පාලකයන් නිසාත් ඔවුන්ට පීඩා විඳින්න වෙනවා.+
11 එෆ්‍රායිම් පූජාසන ගණනාවක් හදාගෙන පව් කළා.+
ඒ පූජාසන නිසා ඔවුන් තව තවත් පාපයට ඇද වැටුණා.+
12 මං හුඟක් නීති* ඔවුන්ට ලියලා දුන්නා.ඒත් ඔවුන් ඒවා ගාණකටවත් ගත්තේ නැහැ.+
13 ඔවුන් තෑගි විදිහට මට පූජා ඔප්පු කරලා ඒ මස් කනවා.ඒත් යෙහෝවා වන මට ඒ පූජා පිළිකුලක්.+
දැන් මම ඔවුන්ගේ පාප සිහි කරලා ඔවුන්ට දඬුවම් කරනවා.+ඔවුන් ආයෙත් ඊජිප්තුවට ගිහින්.*+
14 ඊශ්‍රායෙල්වරු තමන්ගේ නිර්මාණකරුව අමතක කරලා+ දේවාල හදාගත්තා.+යූදා වැසියන් බලකොටුවලින් වට වුණු නගරවල් ගණනාවක් හැදුවා.+
ඒ නගරවලට මං ගින්නක් එවනවා.ඒ නගරවල තියෙන හැම මාලිගාවක්ම ඒ ගින්නෙන් විනාශ වෙලා යනවා.”+
