පළවෙනි ලේකම් 13:1-14
13 දාවිත් දාහේ සහ සීයේ කණ්ඩායම්වල ප්‍රධානීන්ගෙනුත් අනිත් හැම නායකයෙක්ගෙනුත්+ අදහස් ගන්න එයාලා එක්ක සාකච්ඡාවක් කළා.
2 ඊටපස්සේ දාවිත් රැස් වෙලා හිටපු ඊශ්‍රායෙල් සෙනඟට මෙහෙම කිව්වා. “අපිත් එක්ක දැන් මෙතන නැති මුළු ඊශ්‍රායෙල් දේශයේම ඉන්න අපේ සහෝදරයන්ටයි, තම තමන්ගේ නගරවල*+ ඉන්න පූජකයන්ටයි, ලෙවීවරුන්ටයි පණිවිඩයක් යවලා එයාලව මෙහෙට ගෙන්නගමුද? ඔයාලා ඒකට කැමතියි නම් අපේ දෙවි යෙහෝවාත් ඒකට කැමතියි නම් අපි ඒ කට්ටියට මෙහෙට එන්න කියමු.
3 අපි එකතු වෙලා අපේ දෙවියන්ගේ ගිවිසුම් පෙට්ටිය මෙහෙට අරගෙන එමු.”+ දාවිත් එහෙම කිව්වේ සාවුල්ගේ කාලේදී මිනිස්සු ඒකට කිසිම ගෞරවයක් දීලා තිබුණේ නැති නිසයි.+
4 එහෙම කරන එක හොඳයි කියලා හිතුණ නිසා රැස් වෙලා හිටපු හැමෝම දාවිත්ගේ අදහසට එකඟ වුණා.
5 ඉතින් දාවිත් කිර්යත්යෙයාරීම්වල+ තිබුණ සැබෑ දෙවියන්ගේ ගිවිසුම් පෙට්ටිය අරන් එන්න ඊජිප්තු ගඟේ* ඉඳන් ලේබෝහමාත්*+ වෙන කල් ජීවත් වුණ ඊශ්‍රායෙල්වරු හැමෝවම රැස් කළා.
6 ඊටපස්සේ දාවිත් මුළු ඊශ්‍රායෙල් සෙනඟ එක්ක යූදා ගෝත්‍රයට අයිති බායලාවලට+ ඒ කියන්නේ කිර්යත්යෙයාරීම්වලට ගියා. එයාලා එහෙට ගියේ කෙරුබ්වරුන්ට+ ඉහළින්* ඉඳගෙන ඉන්න සැබෑ දෙවි වන යෙහෝවාට අයිති ගිවිසුම් පෙට්ටිය එහෙන් අරන් එන්නයි. සාමාන්‍යයෙන් මිනිස්සු දෙවියන්ගේ නමින් අයැදින්නේ ගිවිසුම් පෙට්ටිය ළඟට ගිහිල්ලයි.
7 ඒත් එයාලා අබිනාදාබ්ගේ ගෙදර තිබුණ සැබෑ දෙවියන්ගේ ගිවිසුම් පෙට්ටිය අරන් ආවේ අලුත් කරත්තයක තියාගෙන.+ කරත්තය දක්කගෙන ආවේ උස්සාහ් සහ අහියෝ.+
8 දාවිත් රජයි, මුළු ඊශ්‍රායෙල් සෙනඟයි හොරණෑ,+ රබන්,+ අත්තාළම්,+ වීණා සහ කුඩා වීණා වාදනය කරකර ගීතිකා කියකිය ලොකු උද්‍යෝගයකින් සැබෑ දෙවියන් ඉස්සරහා සතුටු වුණා.
9 එයාලා කීදොන් කියන කමත ළඟට ආවාම කරත්තය ඇදගෙන ආපු හරක් කුලප්පු වුණා. උස්සාහ් ඒක දැක්කාම ගිවිසුම් පෙට්ටිය කරත්තයෙන් වැටෙයි කියලා හිතලා ඒක අල්ලගත්තා.
10 ඒ වෙලාවේ යෙහෝවාට උස්සාහ් එක්ක හුඟක් කේන්ති ගියා. උස්සාහ් ගිවිසුම් පෙට්ටිය අල්ලපු නිසා දෙවියන් එයාට පහර දුන්නා.+ ඉතින් එයා දෙවියන් ඉස්සරහා මැරිලා වැටුණා.+
11 යෙහෝවාට කේන්ති ගිහින් උස්සාහ්ට ඒ වෙලාවෙම පහර දුන්න නිසා දාවිත්ට හුඟක් කේන්ති ගියා.* ඒ තැනට පෙරෙෂ්උස්සාහ්* කියන නම තිබ්බේ ඒ සිද්ධියෙන් පස්සෙයි. අද වෙන කල්ම ඒ තැන හඳුන්වන්නේ ඒ නමින්.
12 එදා දාවිත්ට සැබෑ දෙවියන් ගැන ලොකු බයක් ඇති වුණා. “මං කොහොමද සැබෑ දෙවියන්ට අයිති ගිවිසුම් පෙට්ටිය මං ඉන්න තැනට ගේන්නේ”+ කියලා එයා හිතුවා.
13 ඒ නිසා එයා ගිවිසුම් පෙට්ටිය දාවිත්ගේ නුවරට අරන් ගියේ නැහැ. ඒ වෙනුවට එයා ඒක ගාත්වල පදිංචි වෙලා හිටපු ඕබෙද්ඒදොම්ගේ ගෙදරට අරන් යන්න කියලා අණ කළා.
14 සැබෑ දෙවියන්ට අයිති ගිවිසුම් පෙට්ටිය ඕබෙද්ඒදොම්ගේ ගෙදර මාස තුනක් තිබුණා. ඒ කාලේදී යෙහෝවා ඕබෙද්ඒදොම්ටත් එයාගේ ගෙදර හිටපු හැමෝටමත් ආශීර්වාද කළා.+
පාදසටහන්
^ මූ.අ., “තණබිම් එක්ක තියෙන නගරවල.”
^ හෝ, “ෂිහොර්වල.”
^ හෝ, “හමාත්වල දේශ සීමාව.”
^ හෝ සමහරවිට, “කෙරුබ්වරුන් අතරේ.”
^ හෝ, “දාවිත් කලබල වුණා.”
^ තේරුම, “උස්සාහ්ට විරුද්ධව කේන්තිය ඇවිළුණා.”
