පළවෙනි ලේකම් 6:1-81
6 ලෙවීගේ පුතාලාගේ+ නම්: ගේර්ෂොන් කෝහාත්+ සහ මෙරාරී.+
2 කෝහාත්ගේ පුතාලාගේ නම්: අම්රාම්, ඉෂ්හාර්,+ හෙබ්‍රොන් සහ උස්සියෙල්.+
3 අම්රාම්ගේ+ දරුවන්ගේ* නම්: ආරොන්,+ මෝසෙස්+ සහ මිරියම්.+ ආරොන්ගේ පුතාලාගේ නම්: නාදාබ්, අබිහු,+ එලියාසර්+ සහ ඉතමාර්.+
4 එලියාසර්ගේ පුතා පිනෙහාස්.+ පිනෙහාස්ගේ පුතා අබිෂුවා.
5 අබිෂුවාගේ පුතා බුක්කී. බුක්කීගේ පුතා උස්සි.
6 උස්සිගේ පුතා සෙරහියා. සෙරහියාගේ පුතා මෙරායොත්.
7 මෙරායොත්ගේ පුතා අමරියා. අමරියාගේ පුතා අහිතුබ්.+
8 අහිතුබ්ගේ පුතා සාදොක්.+ සාදොක්ගේ පුතා අහිමයාෂ්.+
9 අහිමයාෂ්ගේ පුතා අෂරියා. අෂරියාගේ පුතා යෝහානාන්.
10 යෝහානාන්ගේ පුතා අෂරියා. එයා තමයි සලමොන් යෙරුසලමේ හදපු දේවමාලිගාවේ පූජකයා විදිහට සේවය කළේ.
11 අෂරියාගේ පුතා අමරියා. අමරියාගේ පුතා අහිතුබ්.
12 අහිතුබ්ගේ පුතා සාදොක්.+ සාදොක්ගේ පුතා ෂල්ලුම්.
13 ෂල්ලුම්ගේ පුතා හිල්කියා.+ හිල්කියාගේ පුතා අෂරියා.
14 අෂරියාගේ පුතා සෙරායා.+ සෙරායාගේ පුතා යෙහොෂාදාක්.+
15 යෙහෝවා දෙවියන් යූදාවල සහ යෙරුසලමේ සෙනඟව වහලුන් විදිහට ගෙනියන්න නෙබුකද්නෙෂර්ව පාවිච්චි කරපු කාලේ යෙහොෂාදාක්වත් වහලෙක් විදිහට අරන් ගියා.
16 ලෙවීගේ පුතාලාගේ නම්: ගේර්ෂොම්,* කෝහාත් සහ මෙරාරී.
17 ගේර්ෂොම්ගේ පුතාලාගේ නම් ලිබ්නි සහ ෂිමෙයි.+
18 කෝහාත්ගේ පුතාලාගේ නම්: අම්රාම්, ඉෂ්හාර්, හෙබ්‍රොන් සහ උස්සියෙල්.+
19 මෙරාරීගේ පුතාලාගේ නම් මාලී සහ මූෂී.
ලෙවීගේ පුතාලාගෙන් එන පවුල් තමයි මේ:+
20 ගේර්ෂොම්ගේ+ පුතා ලිබ්නි. එයාගේ පුතා යාහත්. යාහත්ගේ පුතා සිම්මා.
21 සිම්මාගේ පුතා යෝවා. එයාගේ පුතා ඉද්දෝ. ඉද්දෝගේ පුතා සේරා. එයාගේ පුතා යෙයාතෙරයි.
22 කෝහාත්ගෙන් පැවතෙන අයගේ* නම්: කෝහාත්ගේ පුතා අමිනදාබ්. අමිනදාබ්ගේ පුතා කෝරා.+ කෝරාගේ පුතාලා අස්සීර්,
23 එල්කානා සහ එබියාසාෆ්.+ එබියාසාෆ්ගේ පුතා අස්සීර්.
24 අස්සීර්ගේ පුතා තහත්. තහත්ගේ පුතා උරියෙල්. උරියෙල්ගේ පුතා උසියා. උසියාගේ පුතා ෂාවුල්.
25 එල්කානාගේ පුතාලාගේ නම් අමාසායි සහ අහිමොත්.
26 එල්කානාගෙන්* පැවතෙන අයගේ නම්: එල්කානාගේ පුතා ෂෝපයි. එයාගේ පුතා නාහත්.
27 නාහත්ගේ පුතා එලියාබ්. එයාගේ පුතා යෙරොහාම්. යෙරොහාම්ගේ පුතා එල්කානා.+
28 සාමුවෙල්ගේ+ පුතාලාගේ නම්: කුලුඳුලා යෝවෙල්. දෙවෙනියා අබියා.+
29 මෙරාරීගෙන් පැවතෙන අයගේ* නම්: මෙරාරීගේ පුතා මාලී.+ එයාගේ පුතා ලිබ්නි. ලිබ්නිගේ පුතා ෂිමෙයි. එයාගේ පුතා උස්සාහ්.
30 උස්සාහ්ගේ පුතා ෂිමෙයා. එයාගේ පුතා හග්ගියා. හග්ගියාගේ පුතා අසායා.
31 ගිවිසුම් පෙට්ටිය යෙහෝවා දෙවියන්ගේ කූඩාරමේ තිබ්බාට පස්සේ+ ගීතිකා ගායනා කරන අයව මෙහෙයවන්න දාවිත් කට්ටියක්ව පත් කළා.
32 හමු වීමේ කූඩාරම ඒ කියන්නේ ශුද්ධ කූඩාරම ඉස්සරහා ගීතිකා ගායනා කරන වගකීම එයාලට පැවරිලා තිබුණා. සලමොන් යෙහෝවා දෙවියන්ගේ ගෘහය යෙරුසලමේ හදන කල්ම+ එයාලට භාර දීලා තිබුණ වගකීම එයාලා ඒ විදිහටම කළා.+
33 එයාලාගේ පුතාලා එක්ක ඒ වගකීම ඉටු කළේ මේ අයයි. කෝහාත්වරු අතරින් හේමාන්+ කියන ගායකයා. හේමාන්ගේ තාත්තා යෝවෙල්.+ යෝවෙල්ගේ තාත්තා සාමුවෙල්.
34 සාමුවෙල්ගේ තාත්තා එල්කානා.+ එල්කානාගේ තාත්තා යෙරොහාම්. යෙරොහාම්ගේ තාත්තා එලියෙල්. එලියෙල්ගේ තාත්තා තෝවා.
35 තෝවාගේ තාත්තා ෂුප්. ෂුප්ගේ තාත්තා එල්කානා. එල්කානාගේ තාත්තා මාහත්. මාහත්ගේ තාත්තා අමාසායි.
36 අමාසායිගේ තාත්තා එල්කානා. එල්කානාගේ තාත්තා යෝවෙල්. යෝවෙල්ගේ තාත්තා අෂරියා. අෂරියාගේ තාත්තා ශෙපනියා.
37 ශෙපනියාගේ තාත්තා තහත්. තහත්ගේ තාත්තා අස්සීර්. අස්සීර්ගේ තාත්තා එබියාසාෆ්. එබියාසාෆ්ගේ තාත්තා කෝරා.
38 කෝරාගේ තාත්තා ඉෂ්හාර්. ඉෂ්හාර්ගේ තාත්තා කෝහාත්. කෝහාත්ගේ තාත්තා ලෙවී. ලෙවීගේ තාත්තා ඊශ්‍රායෙල්.
39 හේමාන් එක්ක සේවය කරපු ලෙවීවරයෙක් වුණ ආසාෆ්+ එයාගේ දකුණු පැත්තේ ඉඳන් ඒ වගකීම ඉටු කළා. ආසාෆ්ගේ තාත්තා බෙරෙකියා. බෙරෙකියාගේ තාත්තා ෂිමෙයා.
40 ෂිමෙයාගේ තාත්තා මිකායෙල්. මිකායෙල්ගේ තාත්තා බාසෙයා. බාසෙයාගේ තාත්තා මල්කියා.
41 මල්කියාගේ තාත්තා එත්නි. එත්නිගේ තාත්තා සේරා. සේරාගේ තාත්තා අදායා.
42 අදායාගේ තාත්තා ඒතන්. ඒතන්ගේ තාත්තා සිම්මා. සිම්මාගේ තාත්තා ෂිමෙයි.
43 ෂිමෙයිගේ තාත්තා යාහත්. යාහත්ගේ තාත්තා ගේර්ෂොම්. ගේර්ෂොම්ගේ තාත්තා ලෙවී.
44 එයාලාගේ සහෝදරයන් වුණ මෙරාරීගෙන්+ පැවතෙන අය හේමාන්ගේ වම් පැත්තේ හිටියා. ඒ අයගෙන් එක් කෙනෙක් තමයි ඒතන්.+ ඒතන්ගේ තාත්තා කිෂී. කිෂීගේ තාත්තා අබ්දී. අබ්දීගේ තාත්තා මල්ලුක්.
45 මල්ලුක්ගේ තාත්තා හෂබියා. හෂබියාගේ තාත්තා අමෂියා. අමෂියාගේ තාත්තා හිල්කියා.
46 හිල්කියාගේ තාත්තා අම්ෂී. අම්ෂීගේ තාත්තා බානි. බානිගේ තාත්තා ෂෙමෙර්.
47 ෂෙමෙර්ගේ තාත්තා මාලී. මාලීගේ තාත්තා මූෂී. මූෂීගේ තාත්තා මෙරාරී. මෙරාරීගේ තාත්තා ලෙවී.
48 එයාලාගේ සහෝදරයන් වුණ අනිත් ලෙවීවරුන්ව පත් කරලා තිබුණේ* ශුද්ධ කූඩාරමේ ඒ කියන්නේ සැබෑ දෙවියන්ගේ ගෘහයේ හැම සේවයක්ම ඉටු කරන්නයි.+
49 ආරොන් සහ එයාගේ පුතාලා+ තමයි දවන පූජා+ ඔප්පු කරපු පූජාසනය මත දුම ඉහළට නඟින විදිහට පූජා ඔප්පු කළේ. සුවඳ ද්‍රව්‍ය ඔප්පු කරන පූජාසනයේ+ සුවඳ දුම් ඔප්පු කළෙත් එයාලා. ගොඩක් ශුද්ධයි කියලා සලකපු වගකීම් එයාලා ඉටු කළා. ඊශ්‍රායෙල් සෙනඟගේ වැරදිවලට සමාව ලබාගන්න+ අවශ්‍ය දේවල් කළෙත් එයාලා. ඒ හැම දෙයක්ම එයාලා කළේ සැබෑ දෙවියන්ගේ සේවකයා වුණ මෝසෙස් අණ කරලා තිබුණ විදිහටමයි.
50 ආරොන්ගෙන්+ පැවතෙන අය තමයි මේ: ආරොන්ගේ පුතා එලියාසර්.+ එලියාසර්ගේ පුතා පිනෙහාස්. පිනෙහාස්ගේ පුතා අබිෂුවා.
51 අබිෂුවාගේ පුතා බුක්කී. බුක්කීගේ පුතා උස්සි. උස්සිගේ පුතා සෙරහියා.
52 සෙරහියාගේ පුතා මෙරායොත්. මෙරායොත්ගේ පුතා අමරියා. අමරියාගේ පුතා අහිතුබ්.+
53 අහිතුබ්ගේ පුතා සාදොක්.+ සාදොක්ගේ පුතා අහිමයාෂ්.
54 එයාලා ජීවත් වුණ ප්‍රදේශ සහ එයාලට ලැබුණ ප්‍රදේශවල එයාලා කඳවුරු බැඳගත්ත තැන්* තමයි මේ: දාදු දැම්මාම ආරොන්ගෙන් පැවතෙන කෝහාත්ගේ පෙළපතට අයිති අයට තමයි මුල්ම දාදුව වැටුණේ.
55 එයාලට යූදා දේශයේ තියෙන හෙබ්‍රොන්+ සහ ඒ අවට තියෙන තණබිම් දුන්නා.
56 ඒත් ඒ නගරයට අයිති කෙත්වතු සහ ගම්මාන යෙෆුන්නෙගේ පුතා වුණ කාලෙබ්ට+ දුන්නා.
57 ආරොන්ගෙන් පැවතෙන අයට දුන්න නගර තමයි මේ: ආරක්ෂාව ලබා දෙන නගර*+ ඒ කියන්නේ හෙබ්‍රොන්,+ ඒ වගේම ලිබ්නා+ සහ ඒ අවට තිබුණ තණබිම්, යත්තීර්,+ එෂ්තෙමෝවා සහ ඒ අවට තිබුණ තණබිම්,+
58 හීලෙන් සහ ඒ අවට තිබුණ තණබිම්, දෙබීර්+ සහ ඒ අවට තිබුණ තණබිම්,
59 ආෂාන්+ සහ ඒ අවට තිබුණ තණබිම්, බෙත්ෂෙමෙෂ්+ සහ ඒ අවට තිබුණ තණබිම්,
60 බෙන්ජමින් ගෝත්‍රයේ අය දුන්න ගෙබා+ සහ ඒ අවට තිබුණ තණබිම්, අලෙමෙත් සහ ඒ අවට තිබුණ තණබිම්, අනාතොත්+ සහ ඒ අවට තිබුණ තණබිම්. එයාලාගේ පවුල් අතරේ බෙදලා දුන්න නගරවල ගාණ 13යි.+
61 දාදු දැම්මාට පස්සේ නගර දහයක් කෝහාත්ගෙන් පැවතෙන ඉතුරු අයට දුන්නා. ඒ නගර එයාලට ලැබුණේ අනිත් ගෝත්‍රවල පවුල්වලට සහ මනස්සේ ගෝත්‍රයෙන් එක කොටසකට අයිති නගරවලින්.+
62 ගේර්ෂොම්ගෙන් පැවතෙන අයට සහ එයාලාගේ පවුල්වල අයට නගර 13ක් දුන්නා. එයාලට ඒවා ලැබුණේ ඉසකාර්, ආෂෙර් සහ නෆ්තලී ගෝත්‍රවලටත් බාෂාන්වල හිටපු මනස්සේ ගෝත්‍රයටත් අයිති නගරවලින්.+
63 දාදු දැම්මාට පස්සේ නගර 12ක් මෙරාරීගෙන් පැවතෙන අයට සහ එයාලාගේ පවුල්වල අයට දුන්නා. ඒවා එයාලට ලැබුණේ රූබෙන්, ගාද් සහ සෙබ්‍යූලන් ගෝත්‍රවලට අයිති නගරවලින්.+
64 ඒ විදිහට ඊශ්‍රායෙල්වරු ඒ නගර සහ ඒවා අවට තිබුණ තණබිම් ලෙවීවරුන්ට දුන්නා.+
65 ඒවාට අමතරව දාදු දාලා යූදා ගෝත්‍රයට, සිමියොන් ගෝත්‍රයට සහ බෙන්ජමින් ගෝත්‍රයට අයිති නගරවලුත් එයාලට දුන්නා. ඒවා ඒ නම්වලින්ම සඳහන් කරලා තියෙනවා.
66 කෝහාත්ගෙන් පැවතෙන සමහර පවුල්වලට එෆ්‍රායිම් ගෝත්‍රයට අයිති නගරවලින් කීපයකුත් ලැබුණා.+
67 එයාලට දුන්න නගර තමයි මේ: ආරක්ෂාව ලබා දෙන නගර* ඒ කියන්නේ එෆ්‍රායිම්ට අයිති කඳුකර ප්‍රදේශයේ තියෙන ෂීකෙම්+ සහ ඒ අවට තණබිම්, ඒ වගේම ගෙෂෙර්+ සහ ඒ අවට තියෙන තණබිම්,
68 යොක්මෙයාම් සහ ඒ අවට තියෙන තණබිම්, බෙත්හෝරොන්+ සහ ඒ අවට තියෙන තණබිම්,
69 ආයාලොන්+ සහ ඒ අවට තියෙන තණබිම්, ගාත්රිම්මොන්+ සහ ඒ අවට තියෙන තණබිම්.
70 කෝහාත්ගෙන් පැවතෙන අනිත් පවුල්වල අයට මනස්සේ ගෝත්‍රයෙන් එක කොටසකට අයිති අනෙර් සහ ඒ අවට තණබිමුත් බිලෙයාම් සහ ඒ අවට තියෙන තණබිමුත් ලැබුණා.
71 ගේර්ෂොම්ගෙන් පැවතෙන අයට මනස්සේ ගෝත්‍රයෙන් එක කොටසකට අයිති බාෂාන්වල තියෙන ගෝලාන්+ සහ ඒ අවට තණබිමුත් අෂ්ටාරොත් සහ ඒ අවට තණබිමුත් ලැබුණා.+
72 ඉසකාර් ගෝත්‍රයට අයිති නගරවලින් කෙදෙෂ් සහ ඒ අවට තණබිමුත් දාබෙරත්+ සහ ඒ අවට තණබිමුත්+
73 රාමොත් සහ ඒ අවට තණබිමුත් ආනෙම් සහ ඒ අවට තණබිමුත් එයාලට ලැබුණා.
74 ආෂෙර් ගෝත්‍රයට අයිති නගරවලින් මාෂාල් සහ ඒ අවට තණබිමුත් අබ්දොන් සහ ඒ අවට තණබිමුත්+
75 හුකොක් සහ ඒ අවට තණබිමුත් රෙහොබ්+ සහ ඒ අවට තණබිමුත් එයාලට ලැබුණා.
76 ඒ වගේම නෆ්තලී ගෝත්‍රයට අයිති නගරවලින් ගලීලයේ+ තියෙන කෙදෙෂ්+ සහ ඒ අවට තණබිමුත් හම්මොන් සහ ඒ අවට තණබිමුත් කිර්යතායිම් සහ ඒ අවට තණබිමුත් එයාලට ලැබුණා.
77 මෙරාරීගෙන් පැවතෙන ඉතුරු අයට සෙබ්‍යූලන්+ ගෝත්‍රයට අයිති නගරවලින් රිම්මෝනො සහ ඒ අවට තණබිමුත් තාබෝර් සහ ඒ අවට තණබිමුත් දුන්නා.
78 ඒ වගේම රූබෙන් ගෝත්‍රයට අයිති යොර්දාන් ගඟට නැඟෙනහිරෙන් තියෙන යෙරිකෝව අවට යොර්දාන් ප්‍රදේශයෙනුත් නගර එයාලට දුන්නා. ඒවා තමයි මේ: බෙෂෙර් සහ ඒ අවට තණබිම්, යහෂ්+ සහ ඒ අවට තණබිම්,
79 කෙදෙමොත්+ සහ ඒ අවට තණබිම්, මෙෆයත් සහ ඒ අවට තණබිම්.
80 ගාද් ගෝත්‍රයට අයිති නගරවලින් ගිලියද්වල තියෙන රාමොත් සහ ඒ අවට තණබිමුත් මහනායිම්+ සහ ඒ අවට තණබිමුත්
81 හෙෂ්බොන්+ සහ ඒ අවට තණබිමුත් යාසෙර්+ සහ ඒ අවට තණබිමුත් එයාලට දුන්නා.
පාදසටහන්
^ මූ.අ., “පුතාලාගේ.”
^ 1වෙනි පදේ ගේර්ෂොන් කියලත් හඳුන්වනවා.
^ මූ.අ., “කෝහාත්ගේ පුතාලාගේ.”
^ 25වෙනි පදේ කතා කරන එල්කානා නෙමෙයි.
^ මූ.අ., “මෙරාරීගේ පුතාලාගේ.”
^ මූ.අ., “දීලා තිබුණේ.”
^ හෝ, “පවුරුවලින් වට කරපු කඳවුරු.”
^ හෝ සමහරවිට, යොෂු 21:13 කියන විදිහට “නගරය.”
^ හෝ සමහරවිට, යොෂු 21:21 කියන විදිහට “නගරය.”
