බයිබලයේ තියෙන්නේ දෙවියන් අපිට දුන්න පණිවිඩය. ජීවිතේ සාර්ථක කරගන්නේ කොහොමද කියලත් දෙවියන් සතුටු වෙන විදිහට ජීවත් වෙන්නේ කොහොමද කියලත් බයිබලයෙන් අපිට දැනගන්න පුළුවන්. මේ ප්‍රශ්නවලට උත්තරත් බයිබලයේ තියෙනවා.

බයිබලයේ හැදිලා තියෙන්නේ පොඩි පොත් 66කින්. ඒක කොටස් දෙකකට ඒ කියන්නේ හෙබ්‍රෙව්-ඇරමයික ලියවිල්ල (“පරණ ගිවිසුම”) සහ ග්‍රීක ලියවිල්ල (“අලුත් ගිවිසුම”) විදිහට වෙන් කරලා තියෙනවා. බයිබලයේ තියෙන හැම පොතක්ම පරිච්ඡේද සහ ඡේදවලට වෙන් කරලා තියෙනවා. බයිබල් පදයක් සඳහන් වෙද්දී පොතේ නමට පස්සේ මුලින්ම තියෙන ඉලක්කමෙන් පෙන්නන්නේ පරිච්ඡේදය. ඊළඟට තියෙන ඉලක්කමෙන් හරි ඉලක්කම්වලින් හරි පෙන්නන්නේ ඡේදය නැත්නම් ඡේද. උදාහරණයකට උත්පත්ති 1:1 කියද්දී ඒකෙන් අදහස් කරන්නේ උත්පත්ති පොතේ 1වෙනි පරිච්ඡේදයේ 1වෙනි ඡේදය.