“ඒ විදිහට, ස්වාමිපුරුෂයනුත් තමන්ගේ ශරීරයට ආදරෙන් සලකනවා වගේ තමන්ගේ භාර්යාවන්ටත් ආදරෙන් සලකන්න ඕනේ. තමන්ගේ භාර්යාවට ආදරේ කරනවා කියන්නේ තමන්ටම ආදරේ කරනවා කියන එකයි. මොකද කිසිම කෙනෙක් කවදාවත් තමන්ගෙම ශරීරයට වෛර කරන්නේ නැහැ. ඒ වෙනුවට එයා එයාගේ ශරීරයට ඕනෙ කරන පෝෂණය දීලා හරිම ආදරෙන් ඒක බලාගන්නවා. . . . ඔයාලා එක් එක් කෙනා තමන්ටම ආදරේ කරනවා වගේ ඔයාලාගේ භාර්යාවන්ටත් ආදරේ කරන්න ඕනේ.”

එෆීස 5:28, 29, 33

“පියවරුනි, ඔයාලාගේ දරුවන්ගේ හිතේ කේන්තියක් ඇති වෙන විදිහට වැඩ කරන්න එපා. ඒ වෙනුවට යෙහෝවා දෙන හික්මවීම් සහ අවවාදවලට එකඟව දිගටම එයාලව ඇතිදැඩි කරන්න.”

එෆීස 6:4

“භාර්යාවනුත් එයාලාගේ ස්වාමිපුරුෂයන්ට මුළු හදවතින්ම ගෞරව කරන්න ඕනේ.”

එෆීස 5:33

“භාර්යාවෙනි, ඔයාලාගේ ස්වාමිපුරුෂයන්ට යටත් වෙලා ඉන්න. මොකද ඒ දේ ස්වාමීන්ගේ අනුගාමිකයන්ගෙන් බලාපොරොත්තු වෙනවා.”

කොලොස්සි 3:18

“දරුවෙනි, ස්වාමීන්ගේ කැමැත්තට එකඟව ඔයාලාගේ අම්මා තාත්තාට කීකරු වෙන්න. මොකද දෙවියන් ඒක සලකන්නේ ධර්මිෂ්ඨ දෙයක් විදිහටයි. ‘ඔබේ පියාටත් මවටත් ගෞරව කරන්න.’ ඒක තමයි පොරොන්දුවක් එක්ක දීපු පළවෙනි ආඥාව. ඒ පොරොන්දුව තමයි, ‘ඒකෙන් ඔයාලට යහපතක් වෙයි. ඒ වගේම පොළොවේ ගොඩක් කල් ජීවත් වෙන්න ඔයාලට පුළුවන් වෙයි’ කියන එක.”

එෆීස 6:1-3

“දරුවෙනි, හැම දේකදීම ඔයාලාගේ අම්මා තාත්තාට කීකරු වෙන්න. මොකද ඔයාලා එහෙම කරද්දී ස්වාමීන් ගොඩක් සතුටු වෙනවා.”

කොලොස්සි 3:20