යෙහෝවා * දෙවියන්ට අපේ රට, ජාතිය, සංස්කෘතිය, හමේ පාට වැදගත් නැහැ. ඔහු බලන්නේ අපේ හිතේ තියෙන දේ. ඔහුට වැදගත් වෙන්නේ අපි කොයි වගේ අයද කියන එකයි. “මනුෂ්‍යයන් දකින්නේ පිටතින් පෙනෙන දේ විතරයි. ඒත් යෙහෝවා දෙවි සිතේ තිබෙන දේ දකිනවා” කියලා බයිබලයේ කියනවා.—1 සාමුවෙල් 16:7.

අනිත් අයගේ හිතේ තියෙන දේ දකින්න අපිට බැරි වුණත් දෙවියන් වගේ හැමෝටම එක විදිහට සලකන්න උත්සාහ කරන්න අපිට පුළුවන්. ඒත් එක කණ්ඩායමක්, ජාතියක් ගැන අපිට වැරදි හැඟීමක් තියෙනවා නම් ඒ හැමෝම දිහා වැරදි විදිහට බලන්න ඉඩ තියෙනවා. එහෙමනම් එයාලා ගැන ඔයාගේ හිතේ තියෙන වෛරය අයින් කරගන්න උදව් ඉල්ලලා යෙහෝවා දෙවියන්ට යාච්ඤා කරන්න. (ගීතාවලිය 139:23, 24) ඒ වගේ යාච්ඤාවලට දෙවියන් අනිවාර්යයෙන්ම උත්තර දෙනවා.—1 පේතෘස් 3:12.