එදා යෙරුසලමේ විශේෂ රැස්වීමක් සැලසුම් කරලයි තිබුණේ. ඒකට ආරාධනා කරලා තිබුණ අධිපතීන්, නිලධාරීන්, බලසම්පන්න පුරුෂයන් ඉදිරියේ දාවිත් රජ විශේෂ නිවේදනයක් කළා. ඒ දෙවි වෙනුවෙන් අතිවිශාල ගෘහයක් හදන කාර්යය යෙහෝවා දෙවි සලමොන්ට භාර දීලා තියෙනවා කියන නිවේදනයයි. ඒක අහලා හැමෝම සතුටු වුණා. දෙවි ඔහුගේ මඟ පෙන්වීමෙන් දාවිත්ට දුන්න ඒ ගෘහයේ සැලැස්ම දාවිත් සලමොන්ට දුන්නා. ‘ඒ ගෘහය යෙහෝවා දෙවි වෙනුවෙන් සාදන එකක්’ නිසා ඒක “ඉතාමත් බාරදූර කාර්යයක්” කියලා දාවිත් කිව්වා.—1 ලේක. 28:1, 2, 6, 11, 12; 29:1.

දාවිත් මෙහෙම ඇහුවා. ‘යෙහෝවා දෙවි වෙනුවෙන් යමක් පරිත්‍යාග කරන්න කැමැත්තෙන්ම ඉදිරිපත් වෙන්නේ කවුද?’ (1 ලේක. 29:5) ඊශ්‍රයෙල්වරු ‘ඉමහත් ප්‍රීතියකින් බොහෝ දේවල් කැමැත්තෙන්ම පරිත්‍යාග කළා. ඔවුන් ඒ සෑම දෙයක්ම යෙහෝවා දෙවිට පරිත්‍යාග කළේ ඔවුන්ගේ මුළු හදවතින්මයි.’ (1 ලේක. 29:9) ඔයා එතන හිටියා නම් ඒ වෙනුවෙන් පරිත්‍යාගයක් කරන්න ඔයාත් පෙලඹෙයිද?

සියවස් ගාණකට පස්සේ දේවමාලිගාව වෙනුවට යෙහෝවා දෙවි අලුත් සැලැස්මක් පිහිටෙව්වා. ඒක සංකේතවත් එකක්. ඒක පිහිටුවන්න දෙවිට පුළුවන් වුණේ යේසුස්ගේ ජීවිත පූජාව නිසයි. දෙවිගේ මිතුරන් වෙලා ඔහුට නමස්කාර කරන්න දෙවි ඇති කරපු ඒ සැලැස්ම දේවමාලිගාවට වඩා ශ්‍රේෂ්ඨයි. (හෙබ්‍රෙ. 9:11, 12) අද දෙවි කොහොමද ඔහුගේ මිතුරන් වෙන්න මිනිසුන්ට උදව් කරන්නේ? ඒක කරන්නේ මිනිසුන්ට යේසුස්ගේ අනුගාමිකයන් වෙන්න උදව් කරන කාර්යයෙන්. (මතෙ. 28:19, 20) ප්‍රතිඵලයක් විදිහට හැම අවුරුද්දකම මිලියන ගාණක් දෙනා බයිබලේ පාඩම් කරනවා. දහස් ගාණක් බව්තීස්ම වෙනවා. සභා සිය ගාණක් පිහිටුවනවා.

ඒ වර්ධනයත් එක්කම තව වැඩියෙන් අපේ ප්‍රකාශන මුද්‍රණය කරන්න වෙනවා. නමස්කාර මධ්‍යස්ථාන හදන්න, ඒවා නඩත්තු කරන්න වෙනවා. සමුළු ශාලාවල අවශ්‍යතාවත් වැඩි වෙනවා. ඒ දේවල් දිහා බලද්දී දේශනා කරන කාර්යය අතිවිශාල එකක් වගේම හුඟදෙනෙක් ප්‍රයෝජන ලබන කාර්යයක් කියලා පැහැදිලියි.—මතෙ. 24:14.

“යෙහෝවා දෙවි වෙනුවෙන් යමක් පරිත්‍යාග කරන්න” දෙවිගේ සේවකයන් කැමැත්තෙන්ම ඉදිරිපත් වෙන්නේ ඒ නිසයි. අපි ‘සතු වටිනා දේවල් යෙහෝවා දෙවිට ලබා දී ඔහුව ගෞරවයට පත් කරන්න’ ලැබුණ එක මොන තරම් සතුටක්ද! අපි කරන පරිත්‍යාගයන් මේ කාලේ සිද්ධ වෙන වැදගත්ම කාර්යය සඳහා විශ්වාසවන්තව, ඥානවන්තව පාවිච්චි කරනවා කියලා අපිට නිසැකයි.—හිතෝ. 3:9.